ئاشكراكرن 3:12 - ئنجیلا پیرۆز

¹² هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 3:12 ပူးပေါင်းရင်းမြစ်များ

مزگینیا مەرقۆسی 12:16

وان دینارەك ئینا، ئەڤجا وی گۆتە وان: «ئەڤ وێنە و ناڤە یێن كێنە؟» وان گۆتە وی: «یێن قەیسەرینە.»

گالاتیا 2:9

دەمێ یەعقوب، كیفاس و یوحەننای ئەوێن كو ب ‹ستوین› دهاتنە نیاسین، زانی كو ئەڤ كەرەمە بۆ من یا هاتیە دان، هنگی ئەوان دەستێ خۆ یێ راستێ بۆ من و بارناباسی درێژ كر، وەك نیشانا پشكداریێ، داكو ئەم بچینە ناڤ مللەتێن نەجوهی و ئەو بچنە ناڤ سونەتكریان.

ئەفەسۆس 3:15

ئەوێ هەر بابكەكی ل سەر ئەردی و ل ئەسمانان ناڤ ژێ وەرگرتی،

عیبرانی 12:22

لێ هوین هاتنە نك چیایێ سییۆنێ، باژێڕێ خودایێ زیندی، ئورشەلیما ئەسمانی، نك ئاهەنگەكێ كو فریشتەیێن بێ هژمار خڕڤەكرین،

عیبرانی 13:14

چنكو ل ڤێرێ مە باژێڕەك نینە كو بمینیت، لێ ئەم د هزرەتا باژێڕێ پاشەڕۆژێ داینە.

1 یوحەننا 4:4

هوین ژ خودێنە گەلی زاڕۆكان و هوین ل سەر پێغەمبەرێن درەوین ب سەركەفتن، چنكو گیانێ پیرۆز یێ د هەوە دا مەزنترە ژ گیانێ ئبلیسی یێ د جیهانێ دا.

ئاشكراكرن 14:1

پشتی هنگی من بەرێ خۆ دایێ، ئەڤە بەرخ ل سەر چیایێ سییۆنێ یێ راوەستیای بوو و سەد و چل و چوار هزار مرۆڤ ل گەل وی بوون، ئەوێن ناڤێ بەرخی و ناڤێ بابێ وی ل سەر ئەنیا وان نڤیسای بوو.

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 2:17

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، ئەز دێ ژ مەننایا ڤەشارتی دەمێ و ئەز دێ بەركەكێ سپی دەمێ، ناڤەكێ نوی یێ ل سەر نڤیسیە، كو كەس نەزانیت ژبلی وی یێ وەردگریت.›»

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 21:2

من دیت باژێڕێ پیرۆز، ئورشەلیما نوی، یا ئامادەبووی وەكو بویكەكا خەملاندی بۆ زاڤایێ خۆ، ژ ئەسمانی، ژ نك خودێ دهاتە خوارێ.

ئاشكراكرن 22:4

و دێ دێمێ وی بینن و ناڤێ وی دێ ل سەر ئەنیا وان بیت.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.