ئاشكراكرن 3:10 - ئنجیلا پیرۆز

¹⁰ مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:10 ပူးပေါင်းရင်းမြစ်များ

مزگینیا مەتتای 24:14

و ئەڤ مزگینیا پاشایەتیێ دێ ل هەمی جیهانێ هێتە بەڵاڤكرن، كو بۆ هەمی مللەتان ببیتە شاهدەیی و پاشی دێ ب دویماهی هێت.

مزگینیا مەتتای 26:41

هشیار بمینن و نڤێژان بكەن، دا هوین نەكەڤنە د تاقیكرنێ دا. گیان یێ ئامادەیە، لێ لەش یێ لاوازە.»

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا مەرقۆسی 14:9

راستیێ ژی دبێژمە هەوە: ئەڤ مزگینیە ل هەر جهەكی ل سەرانسەری جیهانێ بهێتە راگەهاندن، دێ بەحسێ ئەوا ڤێ ژنكێ كری ژی ژ بۆ بیرهاتنا وێ هێتە كرن.»

مزگینیا لوقای 2:1

ل وی سەردەمی ئوگستۆسێ قەیسەر فەرمانەك دا، هەمی مرۆڤێن ئیمپراتۆریێ بهێنە سەرژمێركرن.

مزگینیا یوحەننای 17:6

من ناڤێ تە بۆ وان مرۆڤان دیار كر، یێن تە ژ جیهانێ داینە من. ئەو یێن تە بوون و تە دانە من و وان پەیڤا تە ب ج‍‌ھ ئینا.

رۆما 1:8

بەری هەر تشتی، ئەز ب رێیا عیسایێ مەسیح ژ بۆ هەوە هەمیان سوپاسیا خودایێ خۆ دكەم، چنكو باوەریا هەوە ل سەرانسەری جیهانێ یا دەنگ ڤەدای.

1 كورنتۆس 10:13

چ تاقیكرن ب سەرێ هەوە نەهاتینە، ژبلی یێن ب سەرێ هەمی مرۆڤان دهێن. خودێ یێ دلسۆزە: ئەو ناهێلیت هوین زێدەتر ژ شیانا هەوە بهێنە تاقیكرن، ئەو دێ ل گەل تاقیكرنێ دەرگەهەكێ خۆ رزگاركرنێ ژی ڤەكەت، دا هوین بشێن خۆ ل بەر بگرن.

ئەفەسۆس 6:13

ژ بەر ڤێ چەندێ هەمی چەكێن خودێ هەلگرن، دا بشێن ل رۆژا خراب بەرهنگاریێ بكەن و پشتی هوین هەمی تشتان تەمام دكەن، خۆ راگرن.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

یەعقوب 3:12

خویشك و برایێن من، ما دارهژیر دشێت زەیتوونان بدەت، یان ژی مێو دشێت هژیران بدەت؟ وەسا ژی ژ كانیا ئاڤا سویر ئاڤا شرین نازێت.

1 پەترۆس 4:12

گەلی خۆشتڤیان، ژ بەر وان تەنگاڤیێن سوژەك یێن بۆ تاقیكرنێ هوین تووش دبنێ، حێبەتی نەبن، هەروەكو تشتەكێ سەیر هاتبیتە سەرێ هەوە،

2 پەترۆس 2:9

ئەڤجا خودان دزانیت كا چەوا خودێترسان ژ تاقیكرنێ قورتال بكەت و خرابكاران بگریت و بهێلیتە ل بن دەستێ خۆ تاكو دەمێ سزادانا وان دهێت ل رۆژا دادكرنێ،

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 11:10

ئاكنجیێن ل سەر ئەردی دێ ل سەر وان دلهوین بن و دلخۆش بن و دیاریان بۆ ئێكودوو هنێرن، چنكو ڤان هەردوو پێغەمبەران، ئاكنجیێن ل سەر ئەردی ئازار دابوون.

ئاشكراكرن 13:10

ئەگەر بۆ ئێكی هاتیە نڤیسین ببیتە دیل، دێ بەرەڤ دیلاتیێ ڤە چیت. ئەگەر بۆ ئێكی هاتیە نڤیسین ب شیری بهێتە كوشتن، دێ ب شیری هێتە كوشتن. ل ڤێرێ خۆڕاگرتن و دلسۆزیا پیرۆزكریان یا فەرە.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.

ئاشكراكرن 14:6

پشتی هنگی من فریشتەیەكێ دی دیت، ل ناڤەندا ئەسمانی دفڕی، مزگینیا هەروهەری هەبوو، دا وێ بۆ ئاكنجیێن ئەردی ژ هەمی مللەت و هۆز و زمان و گەلان رابگەهینیت،

ئاشكراكرن 16:14

ئەو گیانێن ئەجنەیان بوون یێن نیشانێن حنێرانە دكەن و دچنە نك پاشایێن هەمی جیهانێ، دا وان بۆ جەنگا ل رۆژا خودێ، هێزدارێ هەر تشتی، كۆم بكەن.

ئاشكراكرن 17:2

ئەوا پاشایێن ئەردی دەهمەنپیسی ل گەل كری و ئاكنجیێن ئەردی ب شەرابا دەهمەنپیسیا وێ هاتینە سەرخۆشكرن.»

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.

ئاشكراكرن 6:10

ئەوان ب دەنگەكێ بلند گازی كر و گۆت: «هەی خودانێ باڵادەست یێ پیرۆز و راست! تا كەنگی تۆ ئاكنجیێن جیهانێ داد ناكەی و تۆلا خوینا مە ژ وان ڤەناكەی؟»

ئاشكراكرن 8:13

هنگی من بەرێ خۆ دایێ و دەنگێ ئەلهۆیەكی ل ناڤەڕاستا ئەسمانی دفڕی بهیست، ب دەنگەكێ بلند دگۆت: «نەخوزیكێن، نەخوزیكێن، نەخوزیكێن ئاكنجیبوویێن ل سەر ئەردی، ژ بەر دەنگێ بۆڕیزانێن ماین یێن سێ فریشتەیێن دی كو ل بەرە لێ بدەن.»