ئاشكراكرن 3:1 - ئنجیلا پیرۆز

¹ «بۆ فریشتەیێ جڤاكا باوەرداران ل ساردیسێ بنڤیسە: ‹ئەوێ حەفت گیانێن خودێ و حەفت ستێر هەین، ڤان تشتان دبێژیت: من های ژ كریارێن تە هەیە، تۆ ب ناڤی یێ زیندی، لێ تۆ یێ مری.

ئاشكراكرن 3:1 ပူးပေါင်းရင်းမြစ်များ

مزگینیا لوقای 15:24

چنكو ئەڤ كوڕێ من یێ مری بوو و ساخ بووڤە، یێ بەرزە بوو و هاتە دیتن.› ئینا وان دەست ب كەیفێ كر.

مزگینیا لوقای 15:32

لێ یا فەر بوو ئەم دلشاد و كەیفخۆش ببین، چنكو ئەڤ برایێ تە، یێ مری بوو، ساخ بووڤە، یێ بەرزە بوو، هاتە دیتن.›»

مزگینیا یوحەننای 1:16

ژ پڕبوونا وی مە هەمیان كەرەم ل سەر كەرەمێ وەرگرت.

مزگینیا یوحەننای 1:33

من ئەو نەدنیاسی، لێ ئەڤێ ئەز هنارتیم ب ئاڤێ تافیركرنێ بكەم گۆتە من: ‹ئەوێ تۆ دبینی، گیان دهێتە خوارێ و ل سەر وی داددەت و دمینیت، ئها ئەوە یێ ب گیانێ پیرۆز تافیركرنێ دكەت.›

مزگینیا یوحەننای 20:22

دەمێ وی ئەڤ چەندە گۆتی، پف كرە وان و گۆتێ: «گیانێ پیرۆز وەرگرن.

مزگینیا یوحەننای 3:34

ژ بەر كو یێ خودێ ئەو هنارتی، ئەو ئاخفتنێن خودێ دبێژیت، چنكو خودێ بێ پیڤان گیانێ خۆ ددەت.

كارێن هنارتیان 2:33

ئەڤجا عیسا بۆ دەستێ راستێ یێ خودێ هاتە بلندكرن و سۆز كو گیانێ پیرۆزە ژ بابی وەرگرت و ئەو سۆزا دایێ ئەڤا نوكە هوین دبینن و دبهیسن، ئەوا ب سەر مە دا رشتی.

ئەفەسۆس 2:1

هوین ژی ژ بەر سەرپێچی و گونەهێن خۆ د مری بوون،

ئەفەسۆس 2:5

دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

كۆلۆسی 2:13

هوین ژ بەر گونەهێ و سونەتنەكرنا لەشێ خۆ د مری بوون، لێ خودێ هوین ل گەل وی ڤەژاندن، دەمێ ل هەمی گونەهێن مە بوری.

1 تیمۆتاوس 5:6

لێ ئەوا خۆ رادەستی خۆشیێن دلی دكەت، ئەو ب زیندی یا مریە.

یەعقوب 2:26

ئەڤجا كا چەوا لەش بێی گیان یێ مریە، وەسا باوەری ژی بێی كریار یا مریە.

1 پەترۆس 1:11

گیانێ مەسیحی یێ د وان دا، پێشوەخت بۆ وان شاهدەیی ددا ل سەر ئازارێن مەسیحی و مەزناهیێن پشتی هنگی دێ هێن، وان ژی بزاڤ دكر كو بزانن كا كەنگی و د رەوشەكا چەوا دا دێ ئەڤ چەندە روی دەت.

یەهودا 1:12

ئەو د ئاهەنگێن هەوە یێن برایینیێ دا خالەكا رەشن، بێ ترس خوارنێ ل گەل هەوە دخۆن، ب تنێ خۆ دچەرینن. ئەو عەورێن بێ بارانن یێن با ل گەل خۆ دبەت. دارێن پاییزی یێن بێ بەرهەمن، دووجاركی د مرینە، ژ رەهان د هەلكێشاینە.

ئاشكراكرن 1:11

وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»

ئاشكراكرن 1:16

د دەستێ وی یێ راستێ دا حەفت ستێر هەبوون و ژ دەڤێ وی شیرەكێ دوو دەڤ یێ تیژ دەردكەفت و دێمێ وی وەكو رۆژێ بوو، ئەوا ب هەمی هێزا خۆ شەوقێ ددەت.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 1:4

ژ یوحەننای، بۆ هەر حەفت جڤاكێن باوەرداران یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:19

من های ژ كریارێن تە، ئانكو حەزژێكرن و باوەری و خزمەت و خۆڕاگرتنا تە، هەیە. هەروەسا دزانم كو كریارێن تە یێن ڤێ دویماهیێ ژ یێن دەستپێكێ پترن.

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 3:15

من های ژ كریارێن تە هەیە، تۆ نە یێ ساری و نە ژی یێ گەرمی. خوزی یێ سار یان یێ گەرم بای!

ئاشكراكرن 3:2

هشیار بە و تشتێن ماین كو ل بەر مرنێنە قاییم بكە، چنكو من كریارێن تە ل بەرامبەر خودایێ خۆ كاملبووی نەدیتن.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.

ئاشكراكرن 4:5

ژ تەختی برویسی و دەنگەدەنگ و گڕگڕا عەوران دەردكەفتن. ل پێشیا تەختی حەفت خەتیرەیێن هەل هەبوون، كو هەر حەفت گیانێن خودێنە.

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.