ئاشكراكرن 22:19 - ئنجیلا پیرۆز

¹⁹ هەروەسا ئەگەر كەسەك تشتەكی ژ پەیڤێن پەرتووكا ڤێ پەیامێ ژێ ببەت، خودێ دێ بەهرا وی ژ دارا ژیانێ و ژ باژێڕێ پیرۆز یێن نڤیسای د ڤێ پەرتووكێ دا ژێ بەت.

ئاشكراكرن 22:19 ပူးပေါင်းရင်းမြစ်များ

مزگینیا لوقای 11:52

نەخوزیكێن هەوە گەلی زانایێن دەستووری، چنكو هەوە كلیلا زانینێ بر. هوین ب خۆ ب ژۆر نەكەفتن و بۆ یێن ب ژۆر دكەفتن ژی بوونە ئاستەنگ.»

ئاشكراكرن 1:3

خوزیكێن وی یێ پەیڤێن ڤێ پەیامێ دخوینیت و خوزیكێن وان یێن دبهیسن و ئەوا تێدا هاتیە نڤیسین ب ج‍‌ھ دئینن، چنكو دەم یێ نێزیكە.

ئاشكراكرن 11:2

لێ حەوشا پەرستگەهێ یا دەرڤە بهێلە و نەپیڤە، چنكو ئەو بۆ مللەتێن نەجوهی هاتیە دان و ئەو دێ چل و دوو هەیڤان باژێڕێ پیرۆز بنپێ كەن.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 14:13

پشتی هنگی من دەنگەك ژ ئەسمانی بهیست دگۆت: «بنڤیسە: خوزیكێن وان مریان، ئەوێن ژ نوكە و پێڤە ل سەر باوەریێ ب خودانی دمرن.» گیانێ پیرۆز دبێژیت: «بەلێ! دا ژ وەستیانا خۆ بێهنا خۆ ڤەدەن، چنكو كریارێن وان دێ ل گەل وان چن.»

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 2:26

هەر ئێكێ سەركەفتنێ بینیت و تا دویماهیێ كارێن من ب ج‍‌ھ بینیت، ئەز دێ دەستهەلاتێ ل سەر مللەتان دەمێ، هەروەكو من ژی ژ بابێ خۆ وەرگرتی. ‹ب گۆپالەكێ ئاسنی دێ حوكمداریێ ل سەر وان كەت، دێ وان وەكو جەڕكان پەلخینیت.› دێ ستێرا سپێدێ ژی دەمێ.

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 21:2

من دیت باژێڕێ پیرۆز، ئورشەلیما نوی، یا ئامادەبووی وەكو بویكەكا خەملاندی بۆ زاڤایێ خۆ، ژ ئەسمانی، ژ نك خودێ دهاتە خوارێ.

ئاشكراكرن 21:5

پاشی یێ روینشتی ل سەر تەختی گۆت: «ئها ئەڤە ئەز هەر تشتەكی نوی دكەم!» پشتی هنگی گۆت: «بنڤیسە، چنكو ئەڤ پەیڤە جهێ باوەریێنە و د راستن.»

ئاشكراكرن 22:12

«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.

ئاشكراكرن 22:2

و د ناڤ ناڤەندا جادەیا باژێڕی دا دبوری. ل هەردوو رەخێن رویباری، دارا ژیانێ هەبوو، دوازدە جۆرێن بەرهەمی ددا، هەر هەیڤێ بەرهەمەك. بەلگێن دارێ بۆ ساخبوونا مللەتان ژ نەساخیان بوو.

ئاشكراكرن 22:7

«ئەڤە ئەز دێ زوی هێم! خوزیكێن وی یێ پەیڤێن پەیاما ڤێ پەرتووكێ ب ج‍‌ھ دئینیت.»

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.