ئاشكراكرن 22:18 - ئنجیلا پیرۆز

¹⁸ ئەز شاهدەییێ بۆ هەر كەسەكێ كو پەیڤێن پەیاما ڤێ پەرتووكێ دبهیسیت ددەم: ئەگەر كەسەك تشتەكی ل سەر ڤان تشتان زێدە بكەت، خودێ دێ دربێن د ڤێ پەرتووكێ دا نڤیسای ل سەر وی زێدە كەت.

ئاشكراكرن 22:18 ပူးပေါင်းရင်းမြစ်များ

مزگینیا مەتتای 15:13

وی بەرسڤ دا: «هەر شینكاتیەكا بابێ من یێ ئەسمانی نەچاندبیت، دێ هێتە هەلكێشان.

ئەفەسۆس 4:17

لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.

1 سالونیكی 4:6

د ڤێ چەندێ دا بلا كەس زێدەگاڤیێ یان سەرپێچیێ ل سەر نامویسا خویشكا خۆ یان برایێ خۆ نەكەت، چنكو خودان تۆلڤەكەرێ ئەڤان هەمی تشتانە، هەروەكو مە بەری نوكە گۆتیە هەوە و مە هوین ب رژدی تەمبی كرین.

ئاشكراكرن 1:3

خوزیكێن وی یێ پەیڤێن ڤێ پەیامێ دخوینیت و خوزیكێن وان یێن دبهیسن و ئەوا تێدا هاتیە نڤیسین ب ج‍‌ھ دئینن، چنكو دەم یێ نێزیكە.

ئاشكراكرن 15:1

پشتی هنگی من نیشانەكا دی یا مەزن و سەیر ل ئەسمانی دیت: حەفت فریشتەیان حەفت درب ڤێ بوون، ئەو درب یێن دویماهیێنە، چنكو ب وان تۆڕەبوونا خودێ تەمام دبیت.

ئاشكراكرن 15:6

حەفت فریشتەیێن حەفت درب ڤێ، ژ پەرستگەهێ دەركەفتن. كتانێ پاقژ و تەیسی ل بەر وان بوو و سینگێ وان ب قایشێن زێڕین د پێچای بوون.

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.

ئاشكراكرن 22:10

هەروەسا گۆتە من: «پەیڤێن پەیاما ڤێ پەرتووكێ ب موهرێ نەگرە، چنكو دەم یێ نێزیكە.

ئاشكراكرن 22:16

«ئەز عیسامە، ئەوێ فریشتەیێ خۆ هنارتی، دا ئەز بۆ هەوە شاهدەییێ دەربارەی ڤان تشتان بۆ جڤاكێن باوەرداران بدەم. ئەز رە‍‌ھ و دویندەها داوودیمە، ستێرا سپێدێ یا گەشم.»

ئاشكراكرن 22:7

«ئەڤە ئەز دێ زوی هێم! خوزیكێن وی یێ پەیڤێن پەیاما ڤێ پەرتووكێ ب ج‍‌ھ دئینیت.»

ئاشكراكرن 22:9

لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.»

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت: