ئاشكراكرن 22:1 - ئنجیلا پیرۆز

¹ پشتی هنگی فریشتەی رویبارێ ئاڤا ژیانێ یێ شەوقدار وەكو كریستالی نیشا من دا، ژ تەختێ خودێ و بەرخی دەردكەفت

ئاشكراكرن 22:1 ပူးပေါင်းရင်းမြစ်များ

مزگینیا یوحەننای 13:32

ئەڤجا ئەگەر خودێ ل گەل وی هاتە مەزن كرن، خودێ ژی دێ وی ل گەل خۆ مەزن كەت و ئێكسەر دێ وی مەزن كەت.

مزگینیا یوحەننای 15:26

دەمێ ئەو هاریكار دهێت، یێ ئەز دێ ژ نك بابی بۆ هەوە هنێرم، گیانێ راستیێ، ئەوێ ژ نك بابی دەردكەڤیت، دێ بۆ من شاهدەییێ دەت.

مزگینیا یوحەننای 4:14

لێ ئەوێ ژ وێ ئاڤا ئەز ددەمێ ڤەخۆت، ئەو چ جاران تێهنی نابیت. ئەو ئاڤا ئەز ددەمێ، د وی دا دێ بیتە كانیەكا ئاڤێ، كو بزێت و ژیانا هەروهەر بدەت.»

كارێن هنارتیان 2:33

ئەڤجا عیسا بۆ دەستێ راستێ یێ خودێ هاتە بلندكرن و سۆز كو گیانێ پیرۆزە ژ بابی وەرگرت و ئەو سۆزا دایێ ئەڤا نوكە هوین دبینن و دبهیسن، ئەوا ب سەر مە دا رشتی.

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 21:11

مەزناهیا خودێ د ناڤ وی دا بوو و شەوقا وی وەكو بهاگرانترین بەر، وەكو بەرێ یەشپ، زەڵال وەكو كریستالی بوو.

ئاشكراكرن 21:6

هەروەسا گۆتە من: «ب ج‍‌ھ هات! ئەز ئەلفا و ئۆمێگامە، دەستپێك و دویماهیك. ئەز دێ بێ بەرامبەر ژ كانیا ئاڤا ژیانێ دەمە یێ تێهنی.

ئاشكراكرن 21:9

پشتی هنگی ئێك ژ وان حەفت فریشتەیێن حەفت ترارێن تژی ژ حەفت دربێن دویماهیێ ڤێ بوون هات و ل گەل من ئاخفت و گۆت: «وەرە، ئەز دێ بویكێ، ئانكو ژنا بەرخی، نیشا تە دەم.»

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.

ئاشكراكرن 22:6

پاشی فریشتەی گۆتە من: «ئەڤ پەیڤە جهێ باوەریێنە و راستن. خودانی، خودایێ سرۆشێ ددەتە پێغەمبەران، فریشتەیێ خۆ هنارت داكو وان تشتان نیشا بەنیێن خۆ بدەت، یێن كو پێدڤیە زوی روی بدەن.»

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 5:13

هنگی من بهیست، هەمی ئافراندیان، ل ئەسمانی و ل سەر ئەردی و ل بن ئەردی و د دەریایێ دا و هەمیێن د وان دا، دگۆت: «پەسن و رێز و مەزناهی و سەروەری هەروهەر بۆ ئەوێ ل سەر تەختی روینشتی و بۆ بەرخی بن.»

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.

ئاشكراكرن 7:17

چنكو ئەو بەرخێ ل ناڤەڕاستا تەختی، دێ شڤانیێ ل وان كەت و دێ وان بەتە سەر كانیێن ئاڤا ژیانێ و خودێ دێ هەمی رۆندكان ژ چاڤێن وان ڤەمالیت.»