ئاشكراكرن 21:8 - ئنجیلا پیرۆز

⁸ لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 21:8 ပူးပေါင်းရင်းမြစ်များ

مزگینیا مەتتای 10:28

ژ وان نەترسن یێن لەشی دكوژن. ئەو نەشێن گیانی بكوژن. لێ ژ وی بترسن یێ دشێت گیان و لەشی پێكڤە د دۆزەخێ دا ژ ناڤ ببەت.

مزگینیا مەتتای 25:25

ئینا ئەز ترسیام و ئەز چووم و من تالانتێ تە د ئەردی دا ڤەشارت. ئەڤجا ئەڤە پارەیێ تە!›

مزگینیا مەتتای 8:26

وی بەرسڤ دا: «هەی كێمباوەران، بۆچی هوین دترسن؟» پاشی رابوو با و دەریاك پاشڤە برن و ئارامیەكا مەزن پەیدا بوو.

مزگینیا مەرقۆسی 9:44

ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت.

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

2 سالونیكی 2:9

هاتنا یێ یاسانەنیاس دێ ل دویڤ چالاكیا ئبلیسی، ل گەل هەمی حنێر، نیشان و مەندەهۆشیێن درەوین بیت،

1 تیمۆتاوس 4:2

ب رێكا دووڕویاتیا درەوینان، ئەوێن وژدانا وان هاتیە داخكرن.

تیتۆس 1:16

ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

عیبرانی 12:24

نك عیسای، ناڤبەینكارێ پەیمانا نوی و نك خوینا رەشاندی كو تشتەكێ باشتر ژ گۆتنا خوینا هابیلی دبێژیت.

عیبرانی 13:4

بلا هەڤژینیێ ل نك هەر ئێكی رێز هەبیت، نڤینێن هەڤژینیێ د هەڕمی نەبن. چنكو خودێ دێ كەسێن بێنامویس و دەهمەنپیسان سزا دەت.

1 یوحەننا 2:22

درەوین كیە؟ ما نە ئەوە یێ ماندەل دكەت كو عیسا ب خۆ مەسیحە. ئها ئەو دژەمەسیحە، ئەوێ بابی و كوڕی ماندەل دكەت.

1 یوحەننا 3:15

هەر كەسێ كەرب ژ خویشك یان برایێ خۆ ڤەببن، ئەو مێركوژە. هوین دزانن ژی كو چ مێركوژان ژیانا هەتا هەتایی، ئەوا بنەج‍‌ھ د ناڤ وی دا، نینە.

1 یوحەننا 5:10

ئەوێ باوەریێ ب كوڕێ خودێ دئینیت، ئەڤ شاهدەییە د ناخێ وی ب خۆ دا هەیە. ئەوێ باوەر ژ خودێ نەكەت، ئەو خودێ ب درەوین دەردئێخیت، چنكو وی باوەری ب وێ شاهدەییێ نەئینایە، ئەوا خودێ دەربارەی كوڕێ خۆ دای.

ئاشكراكرن 14:10

ئەو ژی دێ ژ شەرابا تۆڕەبوونا خودێ یا دژوار ڤەخۆت، ئەوا چ تشت ل گەل نەهاتینە تێكهەلكرن و پەرداغا تۆڕەبوونا خودێ ژێ هاتیە داگرتن، هەروەسا دێ ب ئاگری و كپریتێ ل پێشیا فریشتەیێن پیرۆز و ل پێشیا بەرخی هێتە ئەشكەنجەدان

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.

ئاشكراكرن 21:27

قەت تشتەكێ هەڕمی ناچیتە ناڤ وی، نە ژی كەسەك ژ ئەوێن تشتێن جهێ دلڕەشیێ و درەوێ دكەن، لێ ب تنێ ئەو دێ چن یێن ناڤێن وان د پەرتووكا ژیانێ یا بەرخی دا هاتینە نڤیسین.

ئاشكراكرن 22:15

سە و جادووگەر و دەهمەنپیس و مێركوژ و پووتپەرێس و هەر ئێكێ حەز ژ درەوان دكەت و درەوان دكەت دێ ژ دەرڤە بن.

ئاشكراكرن 9:17

من هۆسا هەسپ و سیارێن وان د بینینێ دا دیتن: زریێن سیاران وەكو رەنگێ ئاگری و یاقوتێ شین و كپریتێ بوون. سەرێ هەسپان وەكو سەرێ شێران بوو، ژ دەڤێ وان ئاگر و دویكێل و كپریت دەردكەفتن.

ئاشكراكرن 9:21

هەروەسا ژ كوشتن و جادووگەری و دەهمەنپیسی و دزیكرنا خۆ ژی ل خۆ نەزڤڕین.