ئاشكراكرن 21:23 - ئنجیلا پیرۆز

²³ باژێڕ نە یێ پێدڤی رۆژێ و هەیڤێ بوو كو رۆناهیێ بدەنێ، چنكو مەزناهیا خودێ رۆناهی دابوویێ و چرایێ وی بەرخ بوو.

ئاشكراكرن 21:23 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 2:32

ئەوە رۆناهی بۆ ڤەكرنا چاڤێن نەجوهیان و شانازی بۆ گەلێ تە ئیسرائیل.»

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 1:4

ژیان د وی دا بوو و ئەو ژیان بۆ مرۆڤان رۆناهی بوو.

مزگینیا یوحەننای 1:9

رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

كارێن هنارتیان 22:11

ژ بەر شەوقا وێ رۆناهیێ من چ نەددیت، ئەڤجا ئەوێن ل گەل من، دەستێ من گرت و ئەز گەهاندمە دیمەشقێ.

ئاشكراكرن 14:4

ئەڤە ئەون یێن ل گەل ژنكان نەهەڕمین، وان كوڕینیا خۆ پاك پاراستیە. ئەڤە ئەون یێن بەرخ كیڤە بچیت ئەو ب دویڤ دكەڤن. ئەو ژ ناڤ مرۆڤان هاتینە كڕین، وەكو خێڤە بۆ خودێ و بەرخی.

ئاشكراكرن 18:1

پشتی ڤان تشتان، من فریشتەیەكێ دی دیت، ژ ئەسمانی هاتە خوارێ. وی دەستهەلاتەكا مەزن هەبوو و ئەرد ژ بەر مەزناهیا وی روهن بوو.

ئاشكراكرن 21:11

مەزناهیا خودێ د ناڤ وی دا بوو و شەوقا وی وەكو بهاگرانترین بەر، وەكو بەرێ یەشپ، زەڵال وەكو كریستالی بوو.

ئاشكراكرن 21:25

دەرگەهێن وی چ جاران ناهێنە گرتن، چنكو ل وێرێ هەمی دەمان دێ رۆژ بیت، شەڤ نینە.

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 5:6

پشتی هنگی د ناڤبەرا تەختی و هەر چوار ئافراندیێن زیندی دا، د ناڤەڕاستا ریهسپیان دا، من بەرخەكێ راوەستیای دیت هەروەكو یێ ڤەكوشتی بیت. وی حەفت شاخ هەبوون و حەفت چاڤ ژی كو حەفت گیانێن خودێنە یێن بۆ هەمی ئەردی هاتینە هنارتن.

ئاشكراكرن 7:17

چنكو ئەو بەرخێ ل ناڤەڕاستا تەختی، دێ شڤانیێ ل وان كەت و دێ وان بەتە سەر كانیێن ئاڤا ژیانێ و خودێ دێ هەمی رۆندكان ژ چاڤێن وان ڤەمالیت.»