ئاشكراكرن 21:2 - ئنجیلا پیرۆز

² من دیت باژێڕێ پیرۆز، ئورشەلیما نوی، یا ئامادەبووی وەكو بویكەكا خەملاندی بۆ زاڤایێ خۆ، ژ ئەسمانی، ژ نك خودێ دهاتە خوارێ.

ئاشكراكرن 21:2 ပူးပေါင်းရင်းမြစ်များ

مزگینیا یوحەننای 3:29

بویك بۆ كێ بیت، ئەو زاڤایە. لێ هەڤالێ زاڤای، ئەوێ كو د خزمەتا زاڤای دا راوەستیایە و گو‍‌ھ ل دەنگێ وی دبیت، ب دەنگێ وی دلخۆش دبیت. ئەڤجا ئەڤ دلخۆشیە یا منە، كو ئەو نوكە تەمام بوویە.

2 كورنتۆس 11:2

ئەز ب ئیرەییەكا خودایانە ئیرەییێ ب هەوە دبەم، چنكو من بۆ ئێك زەڵام نیشانی ب هەوە ڤەكریە، ئەو ژی مەسیحە، دا هەوە وەكو كچكەكا دەهمەنپاك پێشكێشی وی بكەم.

عیبرانی 11:10

چنكو ئەو چاڤەڕێی وی باژێڕی بوو یێ بنیاتەكێ قاییم هەی، كو ئەندازیار و ئاڤاكەرێ وی خودێیە.

عیبرانی 11:16

لێ ل شوینا وێ چەندێ مەرەقا وان وەڵاتەكێ باشتر بوو، ئانكو وەڵاتەكێ ئەسمانی. لەوما خودێ ب شەرم نابینیت كو ب خودایێ وان بهێتە بناڤكرن، چنكو وی بۆ وان باژێڕەك ئامادە كریە.

عیبرانی 12:22

لێ هوین هاتنە نك چیایێ سییۆنێ، باژێڕێ خودایێ زیندی، ئورشەلیما ئەسمانی، نك ئاهەنگەكێ كو فریشتەیێن بێ هژمار خڕڤەكرین،

عیبرانی 13:14

چنكو ل ڤێرێ مە باژێڕەك نینە كو بمینیت، لێ ئەم د هزرەتا باژێڕێ پاشەڕۆژێ داینە.

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:4

ژ یوحەننای، بۆ هەر حەفت جڤاكێن باوەرداران یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 11:2

لێ حەوشا پەرستگەهێ یا دەرڤە بهێلە و نەپیڤە، چنكو ئەو بۆ مللەتێن نەجوهی هاتیە دان و ئەو دێ چل و دوو هەیڤان باژێڕێ پیرۆز بنپێ كەن.

ئاشكراكرن 21:10

ئینا ب رێكا گیانێ پیرۆز ئەز برمە سەر چیایەكێ مەزن و بلند. وی ئورشەلیم، باژێڕێ پیرۆز، نیشا من دا، ژ ئەسمانی، ژ نك خودێ، دهاتە خوارێ.

ئاشكراكرن 21:9

پشتی هنگی ئێك ژ وان حەفت فریشتەیێن حەفت ترارێن تژی ژ حەفت دربێن دویماهیێ ڤێ بوون هات و ل گەل من ئاخفت و گۆت: «وەرە، ئەز دێ بویكێ، ئانكو ژنا بەرخی، نیشا تە دەم.»

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.

ئاشكراكرن 22:19

هەروەسا ئەگەر كەسەك تشتەكی ژ پەیڤێن پەرتووكا ڤێ پەیامێ ژێ ببەت، خودێ دێ بەهرا وی ژ دارا ژیانێ و ژ باژێڕێ پیرۆز یێن نڤیسای د ڤێ پەرتووكێ دا ژێ بەت.

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.