ئاشكراكرن 21:14 - ئنجیلا پیرۆز

¹⁴ شویرها باژێڕی دوازدە بنیات هەبوون و دوازدە ناڤێن دوازدە هنارتیێن بەرخی ل سەر بوون.

ئاشكراكرن 21:14 ပူးပေါင်းရင်းမြစ်များ

مزگینیا مەتتای 16:18

ئەز دبێژمە تە: تۆ پەترۆسی و ل سەر ڤی كەڤری دێ جڤاكا باوەردارێن خۆ ئاڤا كەم و دەرگەهێن وارێ مریان نەشێن ل دژی وێ سەركەفتنێ بینن.

كارێن هنارتیان 1:26

پشك هاڤێت و ناڤێ مەتیاسی دەركەفت و مەتیاس ئێك ل گەل هەر یازدە هنارتیان هاتە هژمارتن.

گالاتیا 2:9

دەمێ یەعقوب، كیفاس و یوحەننای ئەوێن كو ب ‹ستوین› دهاتنە نیاسین، زانی كو ئەڤ كەرەمە بۆ من یا هاتیە دان، هنگی ئەوان دەستێ خۆ یێ راستێ بۆ من و بارناباسی درێژ كر، وەك نیشانا پشكداریێ، داكو ئەم بچینە ناڤ مللەتێن نەجوهی و ئەو بچنە ناڤ سونەتكریان.

ئەفەسۆس 2:20

هوین ل سەر بنیاتێ هنارتی و پێغەمبەران د ئاڤاكرینە و مەسیح عیسا ب خۆ بەرێ بنیاتیە.

ئەفەسۆس 3:5

ئەو نهێنی د دەمێ بەرەبابێن دی دا بۆ مرۆڤان ئاشكرا نەكربوو، لێ نوكە ب گیانێ پیرۆز بۆ هنارتی و پێغەمبەرێن وی یێن پیرۆز هاتە ئاشكرا كرن.

ئەفەسۆس 4:11

هەر ئەوە یێ دیاری دای كو هندەك ببنە هنارتی، هندەك ببنە پێغەمبەر، هندەك ببنە مزگینیدەر، هندەك ژی ببنە شڤان و مامۆستا،

عیبرانی 11:10

چنكو ئەو چاڤەڕێی وی باژێڕی بوو یێ بنیاتەكێ قاییم هەی، كو ئەندازیار و ئاڤاكەرێ وی خودێیە.

یەهودا 1:17

لێ هوین، گەلی خۆشتڤیان، بیرا خۆ بیننە وان ئاخفتنان یێن پێشوەخت هنارتیێن خودانێ مە عیسایێ مەسیح گۆتین.

ئاشكراكرن 18:20

هەی ئەسمان ژ بەر وی باژێڕی دلخۆش ببە! هەروەسا هوین ژی گەلی پیرۆزكریان و هنارتیان و پێغەمبەران! چنكو خودێ تۆلا هەوە ژ وێ ڤەكر.

ئاشكراكرن 21:13

ل رۆژهەلاتی سێ دەرگە‍‌ھ و ل باكووری سێ دەرگە‍‌ھ و ل باشووری سێ دەرگە‍‌ھ و ل رۆژئاڤایی سێ دەرگە‍‌ھ هەبوون.