ئاشكراكرن 20:6 - ئنجیلا پیرۆز

⁶ چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.

ئاشكراكرن 20:6 ပူးပေါင်းရင်းမြစ်များ

مزگینیا لوقای 14:15

دەمێ ئێك ژ روینشتیان گو‍‌ھ ل ڤێ چەندێ بووی، گۆتە عیسای: «خوزیكێن وی یێ خوارنێ ل پاشایەتیا خودێ بخۆت.»

رۆما 12:1

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 14:13

پشتی هنگی من دەنگەك ژ ئەسمانی بهیست دگۆت: «بنڤیسە: خوزیكێن وان مریان، ئەوێن ژ نوكە و پێڤە ل سەر باوەریێ ب خودانی دمرن.» گیانێ پیرۆز دبێژیت: «بەلێ! دا ژ وەستیانا خۆ بێهنا خۆ ڤەدەن، چنكو كریارێن وان دێ ل گەل وان چن.»

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 20:14

پشتی هنگی مرن و وارێ مریان بۆ دەریاكا ئاگری هاتنە هاڤێتن. ئەڤ دەریاكا ئاگری مرنا دوویێیە.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 22:7

«ئەڤە ئەز دێ زوی هێم! خوزیكێن وی یێ پەیڤێن پەیاما ڤێ پەرتووكێ ب ج‍‌ھ دئینیت.»

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»