ئاشكراكرن 20:3 - ئنجیلا پیرۆز

³ و هاڤێتە د چاڵا بێ بن دا و دەرگەهێ وێ ل سەر وی گرت و موهر كر، دا ئەو ئێدی مللەتان نە خاپینیت، تاكو هزار ساڵ تەمام ببن. پشتی ڤان تشتان، پێدڤیە ئەو بۆ دەمەكێ كورت بهێتە بەردان.

ئاشكراكرن 20:3 ပူးပေါင်းရင်းမြစ်များ

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 27:66

ئەڤجا ل گەل كۆما سەربازان چوون و بەر موهر كر و زێرەڤان دانانە بەر گۆڕی.

مزگینیا مەرقۆسی 4:15

ئەوێن ل سەر رێكێ، ل وی جهێ پەیڤ دهێتە چاندن، ئەڤەنە: دەمێ گو‍‌ھ لێ دبن، ئێكسەر ئبلیس دهێت و پەیڤا د دلێ وان دا هاتیە چاندن، دڕەڤینیت.

مزگینیا لوقای 8:31

ئەجنەیان هیڤی ژ عیسای كرن، كو بەرێ وان نەدەتە چاڵا بێ بن.

2 كورنتۆس 11:3

لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێهنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.

2 پەترۆس 3:8

لێ بلا ئەڤ تشتە ژ بیرا هەوە نەچیت، گەلی خۆشتڤیان: ل نك خودانی رۆژەك وەكو هزار ساڵانە و هزار ساڵ ژی وەكو رۆژەكێنە.

ئاشكراكرن 12:9

ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 17:2

ئەوا پاشایێن ئەردی دەهمەنپیسی ل گەل كری و ئاكنجیێن ئەردی ب شەرابا دەهمەنپیسیا وێ هاتینە سەرخۆشكرن.»

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 20:1

پشتی هنگی من فریشتەیەك دیت، ژ ئەسمانی دهاتە خوارێ و كلیلا چاڵا بێ بن و زنجیرەكا مەزن د دەستێ وی دا بوون.