ئاشكراكرن 20:12 - ئنجیلا پیرۆز

¹² پاشی من مری دیتن، یێن مەزن و یێن بچویك، ل بەرامبەری تەختی د راوەستیای بوون و پەرتووك ڤەبوون. پەرتووكەكا دی ژی ڤەبوو، كو پەرتووكا ژیانێ بوو. مری ب تشتێن نڤیسی د پەرتووكان دا، ل دویڤ كریارێن وان، هاتنە دادكرن.

ئاشكراكرن 20:12 ပူးပေါင်းရင်းမြစ်များ

مزگینیا مەتتای 11:22

لێ دبێژمە هەوە: ل رۆژا دادكرنێ دێ رەوشا سور و سایدایێ ژ یا هەوە باشتر بیت.

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا لوقای 10:20

سەرەڕای هندێ ب ڤێ چەندێ دلخۆش نەبن، كو گیانێن پیس دكەڤنە ژێر دەستهەلاتا هەوە، لێ دلخۆش ببن، چنكو ناڤێن هەوە ل ئەسمانان یێن هاتینە نڤیسین.»

كارێن هنارتیان 24:15

هیڤیا من ب خودێیە، ئەوا ئەڤ كەسە ب خۆ ژی چاڤەڕێیا وێ دكەن، كو دێ رابوونا مریان بۆ یێن باش و یێن نەباش هەبیت،

رۆما 2:6

ئەو دێ ل دویڤ كریارێن هەر كەسی دەتێ.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

2 كورنتۆس 5:10

چنكو دڤێت ئەم هەمی ل بەر كورسیكا مەسیحی یا دادوەریێ راوەستین، دا هەر كەس ل دویڤ تشتێن وی كرین، دەمێ ئەو د لەشی دا، چ د باش بن یان ژی د خراب، وەرگریت.

فیلیپی 4:3

بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.

ئاشكراكرن 11:18

مللەت تۆڕە بوون، لێ تۆڕەبوونا تە هات و دەمێ دادكرنا مریان هات و دەمێ خەلاتكرنا بەنیێن تە یێن پێغەمبەر و پیرۆزكریان و یێن ژ ناڤێ تە دترسن، چ یێن بچویك و چ یێن مەزن، هات و دەمێ ژناڤبرنا وان یێن جیهانێ ژ ناڤ دبەن هات.»

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 19:5

هنگی دەنگەك ژ تەختی هات و گۆت: «پەسنا خودایێ مە بكەن، هەی هەمی بەنیێن وی، ئەوێن ژ وی دترسن، ژ مەزن و بچویكان.»

ئاشكراكرن 2:23

ئەز دێ ل زاڕۆكێن وێ ژی دەم و كوژم. ئەڤجا هەمی جڤاكێن باوەرداران دێ زانن كو ئەزم یێ زێهن و دلان دپشكنیت و ئەز دێ ل دویڤ كریارێن هەوە دەمە هەر ئێكی ژ هەوە.

ئاشكراكرن 20:11

پشتی هنگی من تەختەكێ مەزن یێ سپی دیت و ئەوێ ل سەر روینشتی ژی، یێ كو ئەرد و ئەسمان ژ بەر رویێ وی رەڤین و جهەك بۆ وان نەبوو.

ئاشكراكرن 20:13

دەریایێ مریێن د ناڤ خۆ دا رادەست كرن و مرنێ و وارێ مریان ژی مریێن د ناڤ خۆ دا رادەست كرن. هەر ئێك ل دویڤ كریارێن خۆ هاتە دادكرن.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.

ئاشكراكرن 21:27

قەت تشتەكێ هەڕمی ناچیتە ناڤ وی، نە ژی كەسەك ژ ئەوێن تشتێن جهێ دلڕەشیێ و درەوێ دكەن، لێ ب تنێ ئەو دێ چن یێن ناڤێن وان د پەرتووكا ژیانێ یا بەرخی دا هاتینە نڤیسین.

ئاشكراكرن 22:12

«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.