ئاشكراكرن 2:9 - ئنجیلا پیرۆز

⁹ من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 2:9 ပူးပေါင်းရင်းမြစ်များ

مزگینیا مەتتای 4:10

ئینا عیسای گۆتێ: «هەڕە هەی ئبلیس! چنكو یا هاتیە نڤیسین: ‹بۆ خودان خودایێ خۆ سوجدێ ببە و وی ب تنێ بپەرێسە›.»

مزگینیا لوقای 12:21

هۆسایە رەوشا وی كەسێ بۆ خۆ خڕڤە دكەت و ل نك خودێ نە یێ دەولەمەندە.»

مزگینیا لوقای 22:65

گەلەك ئاخفتنێن دی یێن كرێت ژی دگۆتنێ.

مزگینیا لوقای 4:18

«گیانێ خودانی ل سەر منە، چنكو وی ئەز یێ ب زەیتكرنێ دەستنیشان كریم دا مزگینیێ بدەمە بەلەنگازان. ئەز یێ هنارتیم دا ئازادیێ بۆ دیلكریان و بینینێ بۆ كۆرەیان رابگەهینم، دا ئازادیێ بدەمە بندەستان،

مزگینیا لوقای 6:20

بەرێ خۆ دا شاگردێن خۆ و گۆت: «خوزیكێن هەوە گەلی هەژاران، چنكو پاشایەتیا خودێ یا هەوەیە،

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

كارێن هنارتیان 26:11

ل هەمی كنیشتەیان من ئەو گەلەك جاران یێن سزا داین و یێن نەچار كرین كو دەست ژ باوەریا خۆ بەردەن. كەرب و كینا من ل سەر وان هند زێدە ببوو، كو ئەز ل دویڤ وان بچمە باژێڕێن بیانی ژی.

رۆما 12:12

د هیڤیێ دا د دلخۆش بن، د تەنگاڤیێ دا د خۆڕاگر بن، ل سەر نڤێژكرنێ د بەردەوام بن.

رۆما 2:17

ئەڤجا تۆ، ئەگەر وەكو جوهی دهێیە نیاسین و پشتا خۆ ب دەستووری گەرم دكەی و شانازیێ ب خودێ دبەی،

رۆما 5:3

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

رۆما 8:35

كی دێ حەزژێكرنا مەسیحی ژ مە ڤەكەت؟ ئایا دژواری، تەنگاڤی، تەپەسەری، كولب، رویساتی، مەترسی یان شیر؟

رۆما 9:6

لێ نە ب وێ رامانێ كو خودێ یێ ژ سۆزا خۆ لێڤەبووی، چنكو هەمی یێن ژ دویندەها ئیسرائیلی، نە ئیسرائیلینە.

2 كورنتۆس 6:10

وەك كۆڤاندار، لێ هەردەم د دلخۆشین. وەك هەژار، لێ گەلەكان دەولەمەند دكەین. وەك مە چ نەبیت، لێ ئەم خودانێن هەمی تشتاینە.

2 كورنتۆس 8:2

سەرەڕای تاقیكرنەكا دژوار ب رێكا تەنگاڤیان، شادیا وان یا زێدە و هەژاریا وان یا دژوار ب دەولەمەندیا مەردینیێ د سەر دا چوو.

2 كورنتۆس 8:9

چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

1 سالونیكی 3:4

چنكو دەمێ ئەم ل نك هەوە بووین، مە پێشتر دگۆتە هەوە كو ئەم دێ تووشی تەنگاڤیان بین و هەروەكو هوین دزانن وەسا چێبوو.

1 تیمۆتاوس 1:13

هەر چەندە بەرێ ئەز كوفریكەر و تەپەسەركەر و مرۆڤەكێ توند بووم. لێ خودێ دلۆڤانی ب من بر، چنكو من د بێباوەریێ دا ب نەزانین رەفتار دكر.

1 تیمۆتاوس 6:18

وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.

ئاشكراكرن 2:24

لێ ئەز بۆ هەوە یێن دی ل تیاتیرایێ، ئەوێن ب دویڤ ڤێ فێركرنێ نەكەفتین، ئەوێن ئەو تشت نەزانین یێن هندەك دبێژنێ ‹تشتێن كویر یێن ئبلیسی›، دبێژم: ئەز بارەكێ دی نادانمە سەر ملێ هەوە،

ئاشكراكرن 3:9

ئەڤە ئەز دێ وە ل وان كەم یێن ژ كنیشتەیا ئبلیسی، ئەوێن دبێژن ئەم جوهینە، لێ نە وەسایە، ئەو درەوان دكەن، ئەڤە ئەز دێ وە لێ كەم كو بهێن و ل بەر پێیێن تە سوجدێ ببەن و بزانن كو من یێ حەز ژ تە كری.

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.