ئاشكراكرن 2:26 - ئنجیلا پیرۆز

^26-28 هەر ئێكێ سەركەفتنێ بینیت و تا دویماهیێ كارێن من ب ج‍‌ھ بینیت، ئەز دێ دەستهەلاتێ ل سەر مللەتان دەمێ، هەروەكو من ژی ژ بابێ خۆ وەرگرتی. ‹ب گۆپالەكێ ئاسنی دێ حوكمداریێ ل سەر وان كەت، دێ وان وەكو جەڕكان پەلخینیت.› دێ ستێرا سپێدێ ژی دەمێ.

ئاشكراكرن 2:26 ပူးပေါင်းရင်းမြစ်များ

مزگینیا مەتتای 10:22

و دێ ژ بەر ناڤێ من كەربێن هەمیان ژ هەوە ڤەبن. لێ یێ تا دویماهیێ خۆ راگریت، ئەو دێ قورتال بیت.

مزگینیا مەتتای 19:28

عیسای بەرسڤا وان دا: «ب راستی دبێژمە هەوە: د نویكرنێ دا، دەمێ كوڕێ مرۆڤ ل سەر تەختێ مەزناهیا خۆ دروینیت، هوین ئەوێن ب دویڤ من كەفتین، دێ ل سەر دوازدە تەختان روینن و دادوەریێ ل سەر هەر دوازدە هۆزێن ئیسرائیل كەن.

مزگینیا مەتتای 24:13

لێ ئەوێ تا دویماهیێ خۆ راگریت ئەو دێ قورتال بیت

مزگینیا یوحەننای 6:29

عیسای بەرسڤا وان دا و گۆت: «كارێ خودێ ئەڤەیە: هوین باوەریێ ب وی بینن، ئەوێ كو وی هنارتی.»

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 8:37

لێ ب رێكا وی یێ حەز ژ مە دكەت، ئەم د ڤان هەمی تشتان دا، هێشتا پتر سەركەفتنێ ب دەست خۆ ڤە دئینین.

1 سالونیكی 3:5

لەوما دەمێ من نەشیای خۆ پتر بگرم ژی، من ئەو هنارت دا رەوشا باوەریا هەوە بزانم، نەكو تاقیكەری هوین تاقی كربن و رەنجا مە ب ئاڤێ دا چوو بیت.

عیبرانی 3:6

لێ مەسیح وەكو كوڕ ل سەر مالا خودێ یێ دلسۆزە. ئەو مال ژی ئەمین، ئەگەر ئەم پشتڕاستیا خۆ و شانازیبرن ب وێ هیڤیا مە هەی ژ دەست نەدەین.

یەعقوب 2:20

ما تە بەلگە دڤێن، هەی مرۆڤێ بێئاقل، كو باوەری بێی كریار یا بێمفایە؟

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.

1 یوحەننا 3:23

فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.

1 یوحەننا 5:5

كی سەركەفتنێ ل سەر جیهانێ دئینیت؟ ب تنێ ئەوێ باوەر دكەت كو عیسا كوڕێ خودێیە.

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 2:17

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، ئەز دێ ژ مەننایا ڤەشارتی دەمێ و ئەز دێ بەركەكێ سپی دەمێ، ناڤەكێ نوی یێ ل سەر نڤیسیە، كو كەس نەزانیت ژبلی وی یێ وەردگریت.›»

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 21:7

هەر ئێكێ سەركەفتنێ بینیت، دێ بیتە میراتگرێ ڤان تشتان و ئەز دێ بمە خودایێ وی و ئەو دێ بیتە كوڕێ من.

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.