ئاشكراكرن 2:23 - ئنجیلا پیرۆز

²³ ئەز دێ ل زاڕۆكێن وێ ژی دەم و كوژم. ئەڤجا هەمی جڤاكێن باوەرداران دێ زانن كو ئەزم یێ زێهن و دلان دپشكنیت و ئەز دێ ل دویڤ كریارێن هەوە دەمە هەر ئێكی ژ هەوە.

ئاشكراكرن 2:23 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا لوقای 16:15

ئەوی گۆتە وان: «هوین خۆ ل بەر چاڤێن خەلكی راستدار دەردئێخن، لێ خودێ یا د دلێ هەوە دا دزانیت. ئەو تشتێ د ناڤ مرۆڤان دا یێ دلخواز بیت، ئەو ل نك خودێ یێ دلڕەشە.

مزگینیا یوحەننای 21:17

عیسای بۆ جارا سێیێ پرسیار ژێ كر: «شەمعونێ كوڕێ یوحەننای، تۆ حەز ژ من دكەی؟» پەترۆس خەمگین بوو، چنكو جارا سێیێ گۆتێ «تۆ حەز ژ من دكەی؟» ئینا گۆتێ: «خودان، تۆ هەمی تشتان دزانی، تۆ دزانی ئەز حەز ژ تە دكەم.» عیسای گۆتێ: «پەزێ من بچەرینە.

مزگینیا یوحەننای 4:16

عیسای گۆتێ: «هەڕە و گازی هەڤژینێ خۆ بكە و ڤەگەڕە ڤێرێ.»

كارێن هنارتیان 1:24

وان نڤێژ كر و گۆت: «هەی خودان تۆ دلێ هەر مرۆڤەكی دزانی، بۆ مە دیار بكە، كا تە كی ژ ڤان هەردوو زەڵامان هەلبژارتیە،

رۆما 14:12

ئەڤجا هەر ئێك ژ مە دێ ل سەر خۆ بەرسڤدانێ ل بەرامبەری خودێ دەت.

رۆما 8:27

ئەوێ كو دلان دپشكنیت ژی، دزانیت كا هزرێن گیانێ پیرۆز چنە، چنكو گیان ل گۆر حەزا خودێ مەهدەریێ بۆ پیرۆزكریان دكەت.

2 كورنتۆس 5:10

چنكو دڤێت ئەم هەمی ل بەر كورسیكا مەسیحی یا دادوەریێ راوەستین، دا هەر كەس ل دویڤ تشتێن وی كرین، دەمێ ئەو د لەشی دا، چ د باش بن یان ژی د خراب، وەرگریت.

گالاتیا 6:5

چنكو هەر ئێك دێ بارێ خۆ هەلگریت.

عیبرانی 4:13

چ ئافراندی ژ خودێ د ڤەشارتی نینن، لێ هەمی تشت د رویت و ئاشكرانە ل بەر چاڤێن وی یێ ئەم دێ حسابێ دەینێ.

1 پەترۆس 1:17

ئەگەر هوین دبێژنە وی ‹باب›، یێ ل دویڤ كارێ هەر كەسەكی، بێی لایەنگری حوكمی ددەت، دەمێ خۆ یێ كۆچبەریێ د ترسا وی دا دەرباز بكەن.

ئاشكراكرن 2:11

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، مرنا دوویێ قەت زیانێ لێ ناكەت.›»

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:12

پاشی من مری دیتن، یێن مەزن و یێن بچویك، ل بەرامبەری تەختی د راوەستیای بوون و پەرتووك ڤەبوون. پەرتووكەكا دی ژی ڤەبوو، كو پەرتووكا ژیانێ بوو. مری ب تشتێن نڤیسی د پەرتووكان دا، ل دویڤ كریارێن وان، هاتنە دادكرن.

ئاشكراكرن 20:13

دەریایێ مریێن د ناڤ خۆ دا رادەست كرن و مرنێ و وارێ مریان ژی مریێن د ناڤ خۆ دا رادەست كرن. هەر ئێك ل دویڤ كریارێن خۆ هاتە دادكرن.

ئاشكراكرن 22:12

«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.

ئاشكراكرن 6:8

من بەرێ خۆ دایێ، ئەڤە هەسپەكێ رەنگ پێتی یێ ل وێرێ! ناڤێ سیارێ وی ‹مرن› بوو و وارێ مریان ب دویڤ وی ڤە بوو. دەستهەلات ل سەر چوارێكا جیهانێ بۆ وان هاتە دان، كو ب شیری و ب برسێ و ب دەردی و ب دڕندەیێن ئەردی كوشتنێ بكەن.