ئاشكراكرن 2:14 - ئنجیلا پیرۆز

¹⁴ لێ من چەند تشتەك ل سەر تە هەنە: ل وێرێ تە هندەك كەسێن هەین، ل دویڤ فێركرنا بەلعامی دچن، ئەوێ بالاق فێر دكر كو ئەگەرەكی بۆ هەلنگفتنێ ل بەر ئیسرائیلیان دانیت، دا ژ قوربانێن بۆ پووتان هاتینە پێشكێشكرن بخۆن و دەهمەنپیسیێ بكەن.

ئاشكراكرن 2:14 ပူးပေါင်းရင်းမြစ်များ

مزگینیا مەتتای 18:7

نەخوزیكێن جیهانێ ژ بەر ئەگەرێن هەلنگفتنێ! پێدڤیە ئەگەرێن هەلنگفتنێ هەبن، لێ نەخوزیكێن وی كەسی یێ ئەگەرێ هەلنگفتنێ ل سەر دەستێ وی دهێت.

كارێن هنارتیان 15:29

هوین خۆ ژ خوارنێن بۆ پووتان هاتینە پێشكێشكرن، خوینێ، گیانەوەرێن خەندقاندی و دەهمەنپیسیێ دویر بئێخن. ئەگەر هوین خۆ ژ ڤان تشتان بپارێزن، هوین دێ باش كەن. بخێر بمینن.»

كارێن هنارتیان 21:25

ئەڤجا دەربارەی وان نەجوهیێن باوەری ئینای، مە بڕیارا خۆ بۆ وان نڤیسیە كو خۆ ژ خوارنێن بۆ پووتان هاتینە پێشكێشكرن، خوینێ، گیانەوەرێن خەندقاندی و دەهمەنپیسیێ بپارێزن.»

رۆما 11:9

داوود ژی دبێژیت: «بلا سفرا وان ژ بۆ وان خەفك و داڤ و بەرێ هەلنگفتنێ و سزا بیت.

رۆما 14:13

لەوما ئێدی ئەم ئێكودوو داد نەكەین، لێ یا باشتر ئەوە هوین بڕیارێ بدەن كو ئاستەنگ و بەرپێكان بۆ برایێ خۆ نەدانن.

رۆما 14:21

یا باش ئەوە تۆ گۆشتی نەخۆی، شەرابێ ڤەنەخۆی و تشتەكی نەكەی كو برایێ تە پێ بهەلنگڤیت.

رۆما 9:32

بۆچی؟ چنكو ئەوان ئەڤ چەندە نە ب باوەریێ كر، لێ هەروەكو ب وان كریاران بیت یێن دەستوور دسەپینیت، ئەڤجا ئەو د بەرێ هەلنگفتنێ هەلنگفتن.

1 كورنتۆس 1:23

لێ ئەم مەسیحێ هاتیە خاچكرن ددەینە نیاسین، ئەڤە ژی بۆ جوهیان ئەگەرێ هەلنگفتنێیە و بۆ مللەتێن نەجوهی بێئاقلیە،

1 كورنتۆس 7:2

لێ دا دەهمەنپیسی نەبیت، بلا هەر زەڵامەكی پەیوەندی ل گەل ژنا خۆ و هەر ژنەكێ پەیوەندی ل گەل مێرێ خۆ هەبیت.

عیبرانی 13:4

بلا هەڤژینیێ ل نك هەر ئێكی رێز هەبیت، نڤینێن هەڤژینیێ د هەڕمی نەبن. چنكو خودێ دێ كەسێن بێنامویس و دەهمەنپیسان سزا دەت.

1 پەترۆس 2:8

و «بەرێ هەلنگفتنێ و كەڤرێ ئەگەرێ كەفتنا وان.» ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن.

2 پەترۆس 2:15

وان ژ رێكا راست لادا، ئەڤجا ئەو د سەر دا چوون و رێكا بەلعامێ كوڕێ بەعۆری گرت، ئەوێ حەز ژ كرێیا خرابیێ كری.

یەهودا 1:11

نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.

ئاشكراكرن 2:20

لێ من ئەڤ تشتە یێ ل سەر تە هەی: تۆ بێهنا خۆ ل وێ ژنكێ، ئیزابێلێ، فرە‍‌ھ دكەی، ئەوا دبێژیت ئەز پێغەمبەرم و بەنیێن من د سەر دا دبەت و فێر دكەت كو دەهمەنپیسیێ بكەن و قوربانێن بۆ پووتان هاتینە پێشكێشكرن بخۆن.

ئاشكراكرن 2:4

لێ من ئەڤ تشتە یێ ل سەر تە هەی: تە دەست ژ حەزژێكرنا خۆ یا دەستپێكێ بەردا.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 22:15

سە و جادووگەر و دەهمەنپیس و مێركوژ و پووتپەرێس و هەر ئێكێ حەز ژ درەوان دكەت و درەوان دكەت دێ ژ دەرڤە بن.