ئاشكراكرن 2:10 - ئنجیلا پیرۆز

¹⁰ ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 2:10 ပူးပေါင်းရင်းမြစ်များ

مزگینیا مەتتای 10:22

و دێ ژ بەر ناڤێ من كەربێن هەمیان ژ هەوە ڤەبن. لێ یێ تا دویماهیێ خۆ راگریت، ئەو دێ قورتال بیت.

مزگینیا مەتتای 10:28

ژ وان نەترسن یێن لەشی دكوژن. ئەو نەشێن گیانی بكوژن. لێ ژ وی بترسن یێ دشێت گیان و لەشی پێكڤە د دۆزەخێ دا ژ ناڤ ببەت.

مزگینیا مەتتای 24:13

لێ ئەوێ تا دویماهیێ خۆ راگریت ئەو دێ قورتال بیت

مزگینیا مەرقۆسی 13:13

و دێ ژ بەر ناڤێ من كەربێن هەمیان ژ هەوە ڤەبن، لێ یێ تا دویماهیێ خۆ راگریت، ئەو دێ قورتال بیت.

مزگینیا مەرقۆسی 8:35

ژ بەر كو ئەوێ بڤێت ژیانا خۆ قورتال بكەت، دێ وێ ژ دەست دەت، لێ ئەوێ ژیانا خۆ ژ پێخەمەتی من و مزگینیێ ژ دەست بدەت، دێ وێ قورتال كەت.

مزگینیا لوقای 21:12

لێ بەری ڤێ هەمیێ، ژ پێخەمەت ناڤێ من، ئەو دێ هەوە گرن و تەپەسەر كەن و دێ هەوە رادەستی كنیشتەیان كەن و هاڤێژنە د زیندانان دا و دێ هەوە راكێشنە نك پاشا و حوكمداران.

مزگینیا یوحەننای 12:25

هەر كەسێ حەز ژ ژیانا خۆ بكەت، دێ وێ ژ دەست دەت و هەر كەسێ كەرب ژ ژیانا خۆ ل ڤێ جیهانێ ڤەببن، دێ وێ بۆ ژیانا هەروهەر هەلگریت.

مزگینیا یوحەننای 13:2

شیڤ خوارنێ دەست پێ كربوو، ئبلیسی كربوو د دلێ یەهودایێ كوڕێ شەمعونێ ئەسخەریوتی دا، بێبەختیێ ل عیسای بكەت،

مزگینیا یوحەننای 13:27

پشتی وی پاری وەرگرتی، ئبلیس كەفتە دلێ وی. ئەڤجا عیسای گۆتێ: «ئەوا تە ل بەرە بكەی، ب لەز وێ بكە.»

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

كارێن هنارتیان 21:13

لێ وی بەرسڤ دا و گۆت: «بۆچی هوین دكەنە گری و دلێ من دشكێنن؟ ئەز یێ ئامادەمە ژ پێخەمەت ناڤێ خودان عیسای ل ئورشەلیمێ نە ب تنێ بهێمە گرێدان، لێ بمرم ژی!»

1 كورنتۆس 9:25

هەر وەرزشڤانەك، د هەمی بیاڤان دا خۆ دئێخیتە بن راهێنانەكا دژوار. ئەو ڤێ چەندێ دكەن داكو تانجەكا ژ ناڤ دچیت ب دەست ڤە بینن، لێ ئەم وێ چەندێ دكەین داكو تانجەكا ژ ناڤ نەچیت ب دەست ڤە بینین.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 6:12

چنكو جەنگا مە نە دژی مرۆڤانە، لێ دژی سەروەرانە، دژی دەستهەلاتدارانە، دژی حوكمدارێن تاریاتیێیە كو د ڤی سەردەمی دا حوكمی ل جیهانێ دكەن، دژی لەشكەرێن روحانی یێن خرابیێیە ل جهێن ئەسمانی.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

1 پەترۆس 5:8

هەوە های ژ خۆ هەبیت و هشیار بمینن. نەیارێ هەوە ئبلیس، وەكو شێرەكێ نڕنڕی دگەڕیێت دا ئێكی بخۆت.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 13:2

ئەو دڕندەیێ من دیتی، وەكو پلنگی بوو، پێیێن وی وەكو پێیێن هرچێ بوون و دەڤێ وی وەكو دەڤێ شێری بوو. ئەژدەهای هێزا خۆ و تەختێ خۆ و دەستهەلاتەكا مەزن دانێ.

ئاشكراكرن 13:7

دەستویری بۆ وی هاتە دان، كو ل دژی پیرۆزكریان بجەنگیت و ل سەر وان سەر بكەڤیت. هەروەسا دەستهەلات ل سەر هەمی هۆز و گەل و زمان و مللەتان بۆ وی هاتە دان.

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.