ئاشكراكرن 19:9 - ئنجیلا پیرۆز

⁹ پاشی فریشتەی گۆتە من: «بنڤیسە: ‹خوزیكێن وان یێن بۆ مێڤانداریا داوەتا بەرخی هاتینە داخواز كرن!›» و گۆتە من: «ئەو پەیڤێن خودێ یێن راستن.»

ئاشكراكرن 19:9 ပူးပေါင်းရင်းမြစ်များ

مزگینیا لوقای 22:16

چنكو ئەز دبێژمە هەوە: ئێدی وێ ناخۆم تاكو د پاشایەتیا خودێ دا تەمام دبیت.»

1 تیمۆتاوس 1:15

ئەڤ گۆتنە جهێ پشتڕاستیێ و هەژی قەبیلكرنا تەمامە: «مەسیح عیسا هاتە جیهانێ، دا گونەهكاران قورتال بكەت.» ئەز ژی ژ وان هەمیان گونەهكارترم،

1 تیمۆتاوس 4:9

ئەڤ گۆتنە جهێ پشتڕاستیێیە و هەژیە ب تەمامی بهێتە قەبیلكرن.

2 تیمۆتاوس 2:11

ئەڤ گۆتنە جهێ پشتڕاستیێیە: ئەگەر ئەم ل گەل وی مربین دێ ل گەل وی ژین ژی.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:19

ئەڤجا ئەو تشتێن تە دیتین و ئەوێن نوكە هەین و ئەوێن ل بەرە پشتی ڤان چێببن، بنڤیسە.

ئاشكراكرن 10:4

دەمێ هەر حەفت گڕگڕێن عەوران ب دەنگێ خۆ ئاخفتین، من ل بەر بوو دەست ب نڤیسینێ بكەم، لێ من دەنگەك ژ ئەسمانی بهیست دگۆت: «ئەوا حەفت گڕگڕێن عەوران گۆتی، موهر بكە و نە نڤیسە.»

ئاشكراكرن 14:13

پشتی هنگی من دەنگەك ژ ئەسمانی بهیست دگۆت: «بنڤیسە: خوزیكێن وان مریان، ئەوێن ژ نوكە و پێڤە ل سەر باوەریێ ب خودانی دمرن.» گیانێ پیرۆز دبێژیت: «بەلێ! دا ژ وەستیانا خۆ بێهنا خۆ ڤەدەن، چنكو كریارێن وان دێ ل گەل وان چن.»

ئاشكراكرن 17:1

پاشی ئێك ژ وان حەفت فریشتەیێن حەفت ترار ڤێ بوون هات و ل گەل من ئاخفت و گۆت: «وەرە، ئەز دێ سزایێ لەشفرۆشا مەزن، ئەوا ل سەر گەلەك ئاڤان روینشتی، نیشا تە دەم،

ئاشكراكرن 17:17

چنكو خودێ یا كریە د دلێ وان دا، كو مەبەستا وی ب ج‍‌ھ بینن و ئێك مەبەست هەبیت و پاشایەتیا خۆ بدەنە دڕندەی، تاكو پەیڤێن خودێ ب ج‍‌ھ بهێن.

ئاشكراكرن 2:1

«بۆ فریشتەیێ جڤاكا باوەرداران ل ئەفەسۆسێ بنڤیسە: ‹ئەوێ حەفت ستێران د دەستێ خۆ یێ راستێ دا دگریت و د ناڤەڕاستا حەفت چرادانكێن زێڕین دا بڕێڤە دچیت، ڤان تشتان دبێژیت:

ئاشكراكرن 2:12

«بۆ فریشتەیێ جڤاكا باوەرداران ل پەرگامایێ بنڤیسە: ‹ئەوێ شیرێ تیژ یێ دوودەڤ هەی، ڤان تشتان دبێژیت:

ئاشكراكرن 2:18

«بۆ فریشتەیێ جڤاكا باوەرداران ل تیاتیرایێ بنڤیسە: ‹كوڕێ خودێ، ئەوێ چاڤێن وی وەكو گوڕیا ئاگری و پێیێن وی وەكو برۆنزێ تەیساندی، ڤان تشتان دبێژیت:

ئاشكراكرن 2:8

«بۆ فریشتەیێ جڤاكا باوەرداران ل سمیرنایێ بنڤیسە: ‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت:

ئاشكراكرن 21:5

پاشی یێ روینشتی ل سەر تەختی گۆت: «ئها ئەڤە ئەز هەر تشتەكی نوی دكەم!» پشتی هنگی گۆت: «بنڤیسە، چنكو ئەڤ پەیڤە جهێ باوەریێنە و د راستن.»

ئاشكراكرن 22:6

پاشی فریشتەی گۆتە من: «ئەڤ پەیڤە جهێ باوەریێنە و راستن. خودانی، خودایێ سرۆشێ ددەتە پێغەمبەران، فریشتەیێ خۆ هنارت داكو وان تشتان نیشا بەنیێن خۆ بدەت، یێن كو پێدڤیە زوی روی بدەن.»

ئاشكراكرن 3:1

«بۆ فریشتەیێ جڤاكا باوەرداران ل ساردیسێ بنڤیسە: ‹ئەوێ حەفت گیانێن خودێ و حەفت ستێر هەین، ڤان تشتان دبێژیت: من های ژ كریارێن تە هەیە، تۆ ب ناڤی یێ زیندی، لێ تۆ یێ مری.

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت:

ئاشكراكرن 3:20

ئەڤە ئەز یێ ل بەر دەرگەهی راوەستیایمە و دەرگەهی دقوتم. ئەگەر ئێك دەنگێ من ببهیسیت و دەرگەهی ڤەكەت، ئەز دێ ب ژۆر كەڤمە نك وی و خوارنێ ل گەل خۆم و ئەو ل گەل من.

ئاشكراكرن 3:7

«بۆ فریشتەیێ جڤاكا باوەرداران ل فیلادەلفیایێ بنڤیسە: ‹یێ پیرۆز، یێ راست، ئەوێ كلیلا داوودی هەی، ئەوێ ڤەدكەت و كەس ناگریت، ئەوێ دگریت و كەس ڤەناكەت، ڤان تشتان دبێژیت: