ئاشكراكرن 19:10 - ئنجیلا پیرۆز

¹⁰ ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 19:10 ပူးပေါင်းရင်းမြစ်များ

مزگینیا مەتتای 4:10

ئینا عیسای گۆتێ: «هەڕە هەی ئبلیس! چنكو یا هاتیە نڤیسین: ‹بۆ خودان خودایێ خۆ سوجدێ ببە و وی ب تنێ بپەرێسە›.»

مزگینیا مەرقۆسی 5:22

ئێك ژ سەرۆكێن كنیشتەیێ، ناڤێ وی یائیرۆس بوو، هات و چەوا ئەوی عیسا دیت خۆ هاڤێتە بەر پێیێن وی

مزگینیا مەرقۆسی 7:25

لێ ژنكەكێ های ژێ هەبوو، كچا وێ گیانەكێ پیس تێدا بوو، ئینا ئێكسەر هات و خۆ هاڤێتە بەر پێیێن وی.

مزگینیا لوقای 1:19

ئەڤجا فریشتەی بەرسڤا وی دا: «ئەز جبرائیلم ئەوێ ل بەر دەستێ خودێ راوەستیای، ئەز یێ هنارتیم داكو ل گەل تە بئاخڤم و ڤێ مزگینیێ بدەمە تە.

مزگینیا لوقای 24:44

پاشی گۆتە وان: «ئەڤە ئەو گۆتنە یا كو هێشتا ئەز د ناڤ هەوە دا من گۆتیە هەوە، كو دڤێت چ تشتێ دەربارەی من د دەستوورێ مووسای و پەرتووكێن پێغەمبەران و زەبوورێ دا هاتیە نڤیسین، ب ج‍‌ھ بهێت.»

مزگینیا یوحەننای 5:39

هوین لێگەڕیانێ د نڤیسارێن پیرۆز دا دكەن، چنكو هوین هزر دكەن، ژیانا هەروهەر بۆ هەوە ب رێكا وان یا هەی و ئەو نڤیسار ب خۆ بۆ من شاهدەییێ ددەن.

كارێن هنارتیان 10:43

هەمی پێغەمبەر شاهدەییێ بۆ ددەن، كو هەر كەسێ باوەریێ ب وی بینیت، دێ لێبورینا گونەهان ب ناڤێ وی وەرگریت.»

كارێن هنارتیان 13:27

ژ بەر كو خەلكێ ئورشەلیمێ و سەرۆكێن وان ئەو نەنیاسی، لەوما وان ئەو داد كر و هۆسا وان پەیڤێن پێغەمبەران، یێن هەمی رۆژێن شەمبی دهێنە خواندن، ب ج‍‌ھ ئینان.

2 كورنتۆس 8:7

كا چەوا هوین د هەر تشتەكی دا د پێشكەفتینە: د باوەریێ دا، د ئاخفتنێ دا، د زانینێ دا، د هەمی دلگەرمیێ دا و د حەزژێكرنا هەوە دا بۆ مە، وەسا د ڤێ كەرەما بەخشینێ ژی دا پێش بكەڤن.

ئەفەسۆس 5:15

ژ بەر هندێ ب هشیاری لێ بنێڕن كا هوین چەوا دژین، نە وەكو نەزانان، لێ وەكو ئاقلمەندان.

ئەفەسۆس 5:33

لێ پێدڤیە هەر ئێك ژ هەوە ژی حەز ژ ژنا خۆ بكەت، هەروەكو حەز ژ خۆ دكەت و پێدڤیە ژن رێزێ ل مێرێ خۆ بگریت.

فیلیپی 3:3

چنكو سونەتكریێن دروست ئەمین، یێن ب گیانێ خودێ پەرستنێ دكەین و شانازیێ ب مەسیح عیسای دبەین و پشتا خۆ ب لەشی گەرم ناكەین،

1 سالونیكی 5:15

هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.

عیبرانی 1:14

ما هەمی فریشتە گیانێن خزمەتكار نینن، ژ پێخەمەت خزمەتكرنا وان دهێنە هنارتن، یێن كو دێ قورتالبوونێ وەكو میرات وەرگرن؟

عیبرانی 12:25

هشیار بن ئەوێ دئاخڤیت رەت نەكەن. چنكو مادەم ئەو قورتال نەبوون یێن ئەو رەتكری یێ كو ئاگەهداری ل سەر ئەردی داینە وان، ئەڤجا چەند مسۆگەرترە كو ئەم رزگار نابین، ئەگەر ئەم پشتا خۆ بدەینە وی یێ ژ ئەسمانی مە ئاگەهدار دكەت؟

1 یوحەننا 5:10

ئەوێ باوەریێ ب كوڕێ خودێ دئینیت، ئەڤ شاهدەییە د ناخێ وی ب خۆ دا هەیە. ئەوێ باوەر ژ خودێ نەكەت، ئەو خودێ ب درەوین دەردئێخیت، چنكو وی باوەری ب وێ شاهدەییێ نەئینایە، ئەوا خودێ دەربارەی كوڕێ خۆ دای.

1 یوحەننا 5:21

گەلی زاڕۆكان، خۆ ژ پووتان بپارێزن.

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 12:17

ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 14:7

ب دەنگەكێ بلند دگۆت: «ژ خودێ بترسن و پەسنا وی بكەن، چنكو دەمژمێرا دادكرنا وی یا هاتی. سوجدێ بۆ وی ببەن یێ ئەرد و ئەسمان و دەریا و كانیێن ئاڤێ چێكرین.»

ئاشكراكرن 15:4

كی ژ تە ناترسیت و ناڤێ تە مەزن ناكەت، هەی خودان؟ چنكو تۆ ب تنێ یێ پیرۆزی. هەمی مللەت دێ هێن و ل بەرامبەری تە سوجدێ بەن، چنكو كارێن تە یێن دادپەروەرانە ئاشكرا بوون.»

ئاشكراكرن 19:9

پاشی فریشتەی گۆتە من: «بنڤیسە: ‹خوزیكێن وان یێن بۆ مێڤانداریا داوەتا بەرخی هاتینە داخواز كرن!›» و گۆتە من: «ئەو پەیڤێن خودێ یێن راستن.»

ئاشكراكرن 4:10

وی دەمی هەر بیست و چوار ریهسپی ل پێشیا ئەوێ روینشتی ل سەر تەختی خۆ دهاڤێتە ئەردی و سوجدە بۆ وی دبر، یێ هەروهەر دژیت. تانجێن خۆ ژی دهاڤێتنە پێشیا تەختی و دگۆت: