ئاشكراكرن 17:8 - ئنجیلا پیرۆز

⁸ ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 17:8 ပူးပေါင်းရင်းမြစ်များ

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا لوقای 10:20

سەرەڕای هندێ ب ڤێ چەندێ دلخۆش نەبن، كو گیانێن پیس دكەڤنە ژێر دەستهەلاتا هەوە، لێ دلخۆش ببن، چنكو ناڤێن هەوە ل ئەسمانان یێن هاتینە نڤیسین.»

مزگینیا لوقای 8:31

ئەجنەیان هیڤی ژ عیسای كرن، كو بەرێ وان نەدەتە چاڵا بێ بن.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

كارێن هنارتیان 15:18

یێن كو هەر ژ كەڤن دا هاتینە زانین. ›

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 17:11

ئەو دڕندەیێ هەبوو لێ نوكە نینە، یێ هەشتێیە، لێ ئەو ژ حەفتانە و یێ دچیتە وێرانبوونێ.

ئاشكراكرن 17:2

ئەوا پاشایێن ئەردی دەهمەنپیسی ل گەل كری و ئاكنجیێن ئەردی ب شەرابا دەهمەنپیسیا وێ هاتینە سەرخۆشكرن.»

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:12

پاشی من مری دیتن، یێن مەزن و یێن بچویك، ل بەرامبەری تەختی د راوەستیای بوون و پەرتووك ڤەبوون. پەرتووكەكا دی ژی ڤەبوو، كو پەرتووكا ژیانێ بوو. مری ب تشتێن نڤیسی د پەرتووكان دا، ل دویڤ كریارێن وان، هاتنە دادكرن.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.