ئاشكراكرن 17:5 - ئنجیلا پیرۆز

⁵ ل سەر ئەنیا وێ ناڤەكێ نهێنی یێ نڤیسی بوو: «بابلا مەزن، دایكا لەشفرۆش و تشتێن جهێ دلڕەشیێ ل سەر ئەردی.»

ئاشكراكرن 17:5 ပူးပေါင်းရင်းမြစ်များ

فیلیپی 3:19

دویماهیا ڤان كەسان وێرانبوونە، خودایێ وان زكێ وانە و شانازیێ ب تشتێن جهێ شەرمێ دبەن، هزرا وان ل سەر تشتێن ڤێ جیهانێیە.

2 سالونیكی 2:7

چنكو نهێنیا یاسانەنیاسیێ یا كار دكەت، لێ ئەوێ نوكە دبیتە ئاستەنگ دێ یێ بەردەوام بیت تاكو ژ رێكێ دهێتە راكرن.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 11:8

تەرمێن وان دێ ل سەر گۆڕەپانا باژێڕێ مەزن بن، ئەوا وەكو هێما دبێژنێ سەدۆم و مسر، وی جهی یێ خودانێ وان لێ هاتیە خاچدان.

ئاشكراكرن 14:8

فریشتەیەكێ دی، یێ دوویێ، ب دویڤ وی را هات و دگۆت: «كەفت! بابلا مەزن كەفت، ئەوا شەرابا هار یا دەهمەنپیسیا خۆ ب هەمی مللەتان دایە ڤەخوارن.»

ئاشكراكرن 16:19

باژێڕێ مەزن، بابل، بوو سێ پارچە و باژێڕێن مللەتان كەفتن. ئەڤجا خودێ بابلا مەزن ئینا بیرا خۆ، دا پەرداغا شەرابا تۆڕەبوونا خۆ یا دژوار بدەتێ.

ئاشكراكرن 17:1

پاشی ئێك ژ وان حەفت فریشتەیێن حەفت ترار ڤێ بوون هات و ل گەل من ئاخفت و گۆت: «وەرە، ئەز دێ سزایێ لەشفرۆشا مەزن، ئەوا ل سەر گەلەك ئاڤان روینشتی، نیشا تە دەم،

ئاشكراكرن 17:2

ئەوا پاشایێن ئەردی دەهمەنپیسی ل گەل كری و ئاكنجیێن ئەردی ب شەرابا دەهمەنپیسیا وێ هاتینە سەرخۆشكرن.»

ئاشكراكرن 17:7

هنگی فریشتەی گۆتە من: «بۆچی تۆ یێ مەندەهۆشی؟ ئەز دێ نهێنیا ژنكێ و دڕندەیێ ئەو هەلگرتی، ئەوێ حەفت سەر و دە‍‌ھ شاخ هەین، بۆ تە بێژم.

ئاشكراكرن 18:2

وی ب دەنگەكێ بلند كرە گازی و گۆت: «كەفت! بابلا مەزن كەفت! یا بوویە جهێ ئاكنجیبوونا ئەجنەیان و جهێ خۆجهبوونا هەمی گیانێن پیس، جهێ خۆجهبوونا هەمی باڵندەیێن پیس و مرار.

ئاشكراكرن 18:21

هنگی فریشتەیەكێ هێزدار بەرەكێ وەكو بەرئاشەكێ مەزن راكر و هاڤێتە د دەریایێ دا و گۆت: «هۆسا بابل، باژێڕێ مەزن، دێ ب توندی هێتە هاڤێتن و ئێدی چ جاران ناهێتە دیتن.

ئاشكراكرن 19:2

چنكو حوكمێن وی د راست و دادپەروەرن. ژ بەر كو وی لەشفرۆشا مەزن سزا دا، ئەوا ب دەهمەنپیسیا خۆ ئەرد گەنی كری، هەروەسا وی تۆلا خوینا بەنیێن خۆ ژێ ڤەكر.»

ئاشكراكرن 7:3

وی فریشتەی گۆت: «زیانێ ل ئەردی و دەریایێ و داران نەكەن، تاكو ئەم ئەنیا بەنیێن خودایێ خۆ موهر نەكەین.»