ئاشكراكرن 17:14 - ئنجیلا پیرۆز

¹⁴ ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 17:14 ပူးပေါင်းရင်းမြစ်များ

مزگینیا مەتتای 22:14

چنكو یێن داخوازكری گەلەكن، لێ یێن هەلبژارتی د كێمن.»

مزگینیا مەتتای 25:40

ئەڤجا پاشا دێ بەرسڤا وان دەت: ‹ب راستی دبێژمە هەوە: چنكو هەوە ئەڤ چەندە یا ل گەل ئێك ژ ڤان بچویكترین برایێن من كری، هەوە ئەو یا ل گەل من كری.›

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا یوحەننای 15:16

هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە.

رۆما 1:6

هوین ژی د ناڤ وان دانە یێن هاتینە گازیكرن كو یێن عیسایێ مەسیح بن.

رۆما 8:30

ئەوێن خودێ پێشوەخت دەستنیشان كرین، وی ئەو گازی كرن ژی، ئەوێن وی گازی كرین، وی ئەو بێگونەهكرن ژی، ئەوێن وی بێگونە‍‌ھ كرین، وی ئەو مەزنكرن ژی.

رۆما 8:37

لێ ب رێكا وی یێ حەز ژ مە دكەت، ئەم د ڤان هەمی تشتان دا، هێشتا پتر سەركەفتنێ ب دەست خۆ ڤە دئینین.

1 كورنتۆس 15:24

پشتی هنگی دویماهی دێ هێت، دەمێ مەسیح پاشایەتیێ ددەتە دەستێ خودایێ باب، پشتی كو هەمی سەروەری و دەستهەلات و هێزان ژ ناڤ دبەت.

1 تیمۆتاوس 6:15

خودێ دێ دیاربوونا وی د دەمێ خۆ یێ دەستنیشانكری دا ئاشكرا كەت، ئەو خودایێ هەژی پەسنێ و سەروەرێ ئێكانە، پاشایێ پاشایان و خودانێ خودانان،

2 تیمۆتاوس 2:4

ئەوێ سەربازیێ دكەت، خۆ ب كاروبارێن ژیانێ ڤە مژویل ناكەت، چنكو وی دڤێت فەرماندەیێ خۆ رازی بكەت.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 16:14

ئەو گیانێن ئەجنەیان بوون یێن نیشانێن حنێرانە دكەن و دچنە نك پاشایێن هەمی جیهانێ، دا وان بۆ جەنگا ل رۆژا خودێ، هێزدارێ هەر تشتی، كۆم بكەن.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.