ئاشكراكرن 15:3 - ئنجیلا پیرۆز

³ و سروودا مووسای بەنیێ خودێ و سروودا بەرخی دستراند: «كارێن تە د مەزن و سەیرن، هەی خودان خودێ، هێزدارێ هەر تشتی. رێكێن تە د دادپەروەر و راستن، هەی پاشایێ مللەتان.

ئاشكراكرن 15:3 ပူးပေါင်းရင်းမြစ်များ

مزگینیا یوحەننای 1:17

دەستوور ب رێكا مووسای هاتبوو دان، كەرەم و راستی ب رێكا عیسایێ مەسیح هاتن.

1 تیمۆتاوس 1:17

هەتا هەتایێ رێز و مەزناهی بۆ پاشایێ سەردەمان یێ نەمر و نەهێتە دیتن، بۆ خودایێ ئێكانە بیت! ئامین.

عیبرانی 3:5

مووسا وەكو خزمەتكارەك د هەمی مالا خودێ دا یێ دلسۆز بوو، دا شاهدەییێ ل سەر وان تشتان بدەت، یێن كو خودێ دا د پاشەڕۆژێ دا بێژیت.

ئاشكراكرن 1:8

خودان خودێ دبێژیت: «ئەز ئەلفا و ئۆمێگامە، ئەوێ هەی و ئەوێ هەبوو و ئەوێ دێ هێت، هێزدارێ هەر تشتی.»

ئاشكراكرن 11:17

و گۆتن: «ئەم سوپاسیا تە دكەین، هەی خودان خودێ، هێزدارێ هەر تشتی، ئەوێ هەی و ئەوێ هەبوو، چنكو تە هێزا خۆ یا مەزن دیار كر و دەست ب پاشایەتیێ كر.

ئاشكراكرن 14:3

ئەوان ل پێشیا تەختی و ل پێشیا هەر چوار ئافراندیێن زیندی و ریهسپیان سروودەكا نوی دستراند. كەس نەدشیا فێری وێ سروودێ ببیت ژبلی وان سەد و چل و چوار هزار مرۆڤێن ژ ئەردی هاتینە كڕین.

ئاشكراكرن 14:8

فریشتەیەكێ دی، یێ دوویێ، ب دویڤ وی را هات و دگۆت: «كەفت! بابلا مەزن كەفت، ئەوا شەرابا هار یا دەهمەنپیسیا خۆ ب هەمی مللەتان دایە ڤەخوارن.»

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 19:16

ل سەر كوركێ وی و ل سەر رانێ وی ناڤەك یێ نڤیسای بوو: ‹پاشایێ پاشایان و خودانێ خودانان.›

ئاشكراكرن 19:2

چنكو حوكمێن وی د راست و دادپەروەرن. ژ بەر كو وی لەشفرۆشا مەزن سزا دا، ئەوا ب دەهمەنپیسیا خۆ ئەرد گەنی كری، هەروەسا وی تۆلا خوینا بەنیێن خۆ ژێ ڤەكر.»

ئاشكراكرن 4:8

هەر چوار ئافراندیێن زیندی، هەر ئێكی شەش چەنگ هەبوون، سەرڤەیا وان و بن چەنگێن وان ب چاڤان د پڕ بوون، ب شەڤ و رۆژ، بێی راوەستیان دگۆتن: «یێ پیرۆزە، یێ پیرۆزە، یێ پیرۆزە، خودان خودێ، هێزدارێ هەر تشتی، ئەوێ هەبوو و ئەوێ هەی و ئەوێ دێ هێت.»