ئاشكراكرن 14:2 - ئنجیلا پیرۆز

² من دەنگەك ژ ئەسمانی بهیست، وەكو دەنگێ گەلەك ئاڤان و وەكو دەنگێ گڕگڕەكا مەزن یا عەوران بوو. ئەو دەنگێ من بهیستی، وەكو دەنگێ لێدەرێن قیسارەیێ بوو دەمێ ل قیسارەیێن خۆ ددەن.

ئاشكراكرن 14:2 ပူးပေါင်းရင်းမြစ်များ

1 كورنتۆس 13:1

ئەگەر ئەز ب زمانێن مرۆڤ و فریشتەیان بئاخڤم، لێ من حەزژێكرن نەبیت، ئەو ئەز وەكو وێ سێلا سفری لێ هاتم، ئەوا ب قوتانێ تنگە تنگێ دكەت یان ژی زەنگلەكێ زنگە زنگێ دكەت.

ئاشكراكرن 1:10

د رۆژا خودانی دا، ئەز د گیانێ پیرۆز دا بووم، ل پشت خۆ من دەنگەكێ بلند یێ وەكو دەنگێ بۆڕیزانێ بهیست،

ئاشكراكرن 1:15

پێیێن وی وەكو برۆنزێ تەیساندی بوون، هەروەكو ئەو برۆنز د ئێتوینێ دا هاتیە سۆركرن. دەنگێ وی ژی وەكو دەنگێ گەلەك ئاڤان بوو.

ئاشكراكرن 11:12

هنگی وان هەردوویان دەنگەكێ مەزن ژ ئەسمانی بهیست، دگۆتە وان: «سەركەڤنە ڤێرێ!» ئینا ئەو د عەوری دا سەركەفتنە ئەسمانی و دوژمنێن وان بەرێ خۆ ددایێ.

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 15:2

پاشی من تشتەكێ وەكو دەریایا شویشەی یا تێكهەل ل گەل ئاگری دیت و ئەوێن سەركەفتن ل سەر دڕندەی و وێنەیێ وی و ژمارەیا ناڤێ وی ئینای، ل سەر دەریایا شویشەی د راوەستیای بوون و قیسارەیێن خودێ ڤێ بوون

ئاشكراكرن 18:22

ئێدی دەنگێ قیسارەژەنان و موزیكژەنان و بلوورڤانان و لێدەرێن بۆڕیزانان، چ جاران د ناڤ تە دا ناهێتە بهیستن. ئێدی پیشەسازێ هەر پیشەسازیەكێ ژی، چ جاران د ناڤ تە دا ناهێتە دیتن. ئێدی دەنگێ ئاشی ژی، چ جاران د ناڤ تە دا ناهێتە بهیستن.

ئاشكراكرن 5:8

دەمێ پەرتووك وەرگرتی، هەر چوار ئافراندیێن زیندی و هەر بیست و چوار ریهسپیان ل بەرامبەر بەرخی دەڤ و دەڤ خۆ هاڤێتە ئەردی. هەر ئێك ژ وان قیسارەیەك و ترارێن زێڕی یێن تژی بخویر ڤێ بوون. ئەو بخویر نڤێژێن پیرۆزكریانە.

ئاشكراكرن 6:1

پشتی هنگی من دیت بەرخی ئێك ژ هەر حەفت موهران ڤەكر و من بهیست ئێك ژ هەر چوار ئافراندیێن زیندی ب دەنگەكێ وەكو گڕگڕا عەوران دگۆت: «وەرە!»

ئاشكراكرن 8:7

یێ ئێكێ لێ دا، ئینا تەرگ و ئاگرێن تێكهەلی خوینێ چێبوون و بۆ سەر ئەردی هاتنە هاڤێتن. ئەڤجا سێئێكا ئەردی سۆت و سێئێكا داران سۆت و هەمی گیایێ كەسك سۆت.