ئاشكراكرن 14:13 - ئنجیلا پیرۆز

¹³ پشتی هنگی من دەنگەك ژ ئەسمانی بهیست دگۆت: «بنڤیسە: خوزیكێن وان مریان، ئەوێن ژ نوكە و پێڤە ل سەر باوەریێ ب خودانی دمرن.» گیانێ پیرۆز دبێژیت: «بەلێ! دا ژ وەستیانا خۆ بێهنا خۆ ڤەدەن، چنكو كریارێن وان دێ ل گەل وان چن.»

ئاشكراكرن 14:13 ပူးပေါင်းရင်းမြစ်များ

مزگینیا مەتتای 3:17

و دەنگەكی ژ ئەسمانان گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی!»

مزگینیا لوقای 16:25

لێ ئیبراهیمی گۆت: ‹كوڕێ من، بینە بیرا خۆ كو تە خۆشیێن خۆ د ژیانا خۆ دا وەرگرتن و لەعازەری ژی نەخۆشی كێشان، لێ ڤێ گاڤێ ئەو ل ڤێرێ یێ دهێتە دلخۆش كرن و تۆ یێ ئازاران دكێشی.

مزگینیا لوقای 16:9

ئەز دبێژمە هەوە: ب مالێ دونیایێ بۆ خۆ هەڤالان پەیدا بكەن، داكو دەمێ مالێ هەوە نەما، هوین ل مالێن هەتا هەتایێ بهێنە وەرگرتن.

رۆما 14:8

ئەگەر ئەم بژین، بۆ خودانی دژین و ئەگەر ئەم بمرین، بۆ خودانی دمرین. ئەڤجا ئەم بژین یان ئەم بمرین، ئەم یێن خودانینە.

1 كورنتۆس 15:18

وی دەمی، ئەوێن ل سەر باوەریێ ب مەسیحی نڤستین ژی یێن ژناڤچووین.

1 كورنتۆس 15:20

لێ راستی ئەوە كو مەسیح ژ ناڤ مریان رابوویە و ئەو خێڤەیێ نڤستیانە.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 5:8

بەلێ، ئەم د پشتڕاستین و ب باشتر دزانین كو ژ لەشی د دویر بین و ل نك خودانی د ئاكنجی بین.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

1 سالونیكی 4:14

مادەم مە باوەری هەیە كو عیسا مر و رابوو، وەسا ژی خودێ دێ وان یێن ل سەر باوەریێ ب عیسای نڤستین ل گەل وی ئینیت.

1 سالونیكی 4:16

چنكو خودان ب خۆ ب گازیەكا ب فەرمان، ب دەنگێ سەرۆكێ فریشتەیان و بۆڕیزانا خودێ، دێ ژ ئەسمانی هێتە خوار، ل بەراهیێ دێ یێن ل سەر باوەریێ ب مەسیحی مرین، رابنەڤە.

1 سالونیكی 5:10

ئەوێ ژ پێخەمەت مە مری، داكو ئەگەر ئەم د هشیار بین یان ژی د نڤستی، ئەم ل گەل وی بژین.

1 تیمۆتاوس 5:24

گونەهێن هندەك مرۆڤان د دیارن و بۆ دادكرنێ ب پێش وان دكەڤن، لێ گونەهێن هندەكان ب دویڤ وان را دچن.

1 تیمۆتاوس 5:25

هەروەسا كریارێن باش د دیارن، یێن نە د دیار ژی د شیان دا نینە بهێنە ڤەشارتن.

ئاشكراكرن 1:11

وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»

ئاشكراكرن 10:4

دەمێ هەر حەفت گڕگڕێن عەوران ب دەنگێ خۆ ئاخفتین، من ل بەر بوو دەست ب نڤیسینێ بكەم، لێ من دەنگەك ژ ئەسمانی بهیست دگۆت: «ئەوا حەفت گڕگڕێن عەوران گۆتی، موهر بكە و نە نڤیسە.»

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 11:19

هنگی پەرستگەها خودێ یا ل ئەسمانی ڤەبوو و سندوقا پەیمانا وی د پەرستگەهێڤە دیار بوو. ئینا بوونە برویسی و دەنگەدەنگ و گڕگڕا عەوران و بیڤەلەرز و تەرگا مەزن.

ئاشكراكرن 16:17

فریشتەیێ حەفتێ ترارێ خۆ ب سەر بای دا رشت و دەنگەكێ بلند ژ پەرستگەها ئەسمانی ژ تەختی هات دگۆت: «ب ج‍‌ھ هات!»

ئاشكراكرن 19:9

پاشی فریشتەی گۆتە من: «بنڤیسە: ‹خوزیكێن وان یێن بۆ مێڤانداریا داوەتا بەرخی هاتینە داخواز كرن!›» و گۆتە من: «ئەو پەیڤێن خودێ یێن راستن.»

ئاشكراكرن 2:1

«بۆ فریشتەیێ جڤاكا باوەرداران ل ئەفەسۆسێ بنڤیسە: ‹ئەوێ حەفت ستێران د دەستێ خۆ یێ راستێ دا دگریت و د ناڤەڕاستا حەفت چرادانكێن زێڕین دا بڕێڤە دچیت، ڤان تشتان دبێژیت:

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:6

چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.

ئاشكراكرن 21:5

پاشی یێ روینشتی ل سەر تەختی گۆت: «ئها ئەڤە ئەز هەر تشتەكی نوی دكەم!» پشتی هنگی گۆت: «بنڤیسە، چنكو ئەڤ پەیڤە جهێ باوەریێنە و د راستن.»

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.

ئاشكراكرن 6:11

هنگی بۆ هەر ئێك ژ وان كراسەكێ سپی هاتە دان و بۆ وان هاتە گۆتن كو دەمەكێ كورت بێهنا خۆ ڤەدەن تاكو ژمارەیا هەڤبەنیێن وان و خویشك و برایێن وان، ئەوێن دێ وەكو وان هێنە كوشتن، تەمام ببیت.