ئاشكراكرن 14:10 - ئنجیلا پیرۆز

¹⁰ ئەو ژی دێ ژ شەرابا تۆڕەبوونا خودێ یا دژوار ڤەخۆت، ئەوا چ تشت ل گەل نەهاتینە تێكهەلكرن و پەرداغا تۆڕەبوونا خودێ ژێ هاتیە داگرتن، هەروەسا دێ ب ئاگری و كپریتێ ل پێشیا فریشتەیێن پیرۆز و ل پێشیا بەرخی هێتە ئەشكەنجەدان

ئاشكراكرن 14:10 ပူးပေါင်းရင်းမြစ်များ

مزگینیا مەتتای 20:22

عیسای بەرسڤ دا و گۆت: «هوین نزانن كا هوین چ دخوازن. ما هوین دشێن ژ وێ پەرداغێ ڤەخۆن، یا كو نێزیكە ئەز دێ ژێ ڤەخۆم؟» وان بەرسڤا وی دا: «ئەم دشێین.»

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 26:39

پاشی پیچەكێ پێشڤە چوو و خۆ دەڤ و دەڤ هاڤێتە ئەردی و نڤێژ كر و گۆت: «بابێ من، ئەگەر چێببیت، بلا ئەڤ پەرداغە ژ من دەرباز ببیت. لێ نە وەكو من دڤێت، بەلكو وەكو تە دڤێت.»

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا مەرقۆسی 9:44

ل وێرێ نە ئەو كرم دمرن یێن لەشێ وان دخۆن، نە ژی ئەو ئاگر ڤەدمریت یێ لەشێ وان دسوژیت.

كارێن هنارتیان 10:22

ئینا وان گۆت: «كورنیلیۆسێ سەرلەشكەر، مرۆڤەكێ راستدار و ژ خودێ ترسە و ناڤودەنگەكێ باش د ناڤ هەمی مللەتێ جوهیان دا هەیە و وی فەرمان ژ فریشتەیەكێ پیرۆز وەرگرتییە، كو تە گازی بكەتە مالا خۆ، دا گوهێ خۆ بدەتێ، كا تە چ ئاخفتن هەنە.»

2 سالونیكی 1:7

بەرفرەهیێ ژی بدەتە هەوە، ئەوێن هوین د تەنگاڤیێ دا، هەروەسا بدەتە مە ژی، دەمێ خودان عیسا ل گەل فریشتەیێن خۆ یێن بهێز ژ ئەسمانی دیار دبیت

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.

ئاشكراكرن 15:7

ئێك ژ چوار ئافراندیێن زیندی حەفت ترارێن زێڕین، یێن تژی ژ تۆڕەبوونا خودایێ هەروهەر زیندی، دانە هەر حەفت فریشتەیان.

ئاشكراكرن 16:19

باژێڕێ مەزن، بابل، بوو سێ پارچە و باژێڕێن مللەتان كەفتن. ئەڤجا خودێ بابلا مەزن ئینا بیرا خۆ، دا پەرداغا شەرابا تۆڕەبوونا خۆ یا دژوار بدەتێ.

ئاشكراكرن 18:3

چنكو هەمی مللەتان ژ شەرابا هار یا دەهمەنپیسیا وێ ڤەخوار و پاشایێن ئەردی دەهمەنپیسی ل گەل وێ كریە و بازرگانێن ئەردی ژ زێدەییا حالخۆشیا وێ دەولەمەند بوون.»

ئاشكراكرن 18:6

كا وێ چ ل كەسێن دی كریە، هوین ژی وەسا ل وێ بكەن و دووجاركی ل دویڤ كریارێن وێ بدەنێ؛ د وێ پەرداغێ دا یا وێ تێكهەل كری، دووجاركی بۆ وێ تێكهەل بكەن.

ئاشكراكرن 19:15

ژ دەڤێ وی شیرەكێ تیژ دەردكەڤیت، دا ب وی ل مللەتان بدەت و ‹ئەو دێ ب گۆپالەكێ ئاسنی حوكمداریێ ل سەر وان كەت.› ئەو ب خۆ دێ ئویسلەیا شەرابا تۆڕەبوونا خودێ یا دژوار، هێزدارێ هەر تشتی، ب پێیان گڤێشیت.

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:14

پشتی هنگی مرن و وارێ مریان بۆ دەریاكا ئاگری هاتنە هاڤێتن. ئەڤ دەریاكا ئاگری مرنا دوویێیە.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»