ئاشكراكرن 14:1 - ئنجیلا پیرۆز

¹ پشتی هنگی من بەرێ خۆ دایێ، ئەڤە بەرخ ل سەر چیایێ سییۆنێ یێ راوەستیای بوو و سەد و چل و چوار هزار مرۆڤ ل گەل وی بوون، ئەوێن ناڤێ بەرخی و ناڤێ بابێ وی ل سەر ئەنیا وان نڤیسای بوو.

ئاشكراكرن 14:1 ပူးပေါင်းရင်းမြစ်များ

مزگینیا لوقای 12:8

ئەز دبێژمە هەوە: هەر كەسێ ل بەرامبەری مرۆڤان دانپێدانێ ب من بكەت، كوڕێ مرۆڤ ژی ل بەرامبەری فریشتەیێن خودێ دێ دانپێدانێ ب وی كەت،

رۆما 9:33

هەروەكو هاتیە نڤیسین: «ئەڤە ئەز یێ ل سییۆنێ بەرەكێ هەلنگفتنێ و كەڤرەكێ كەفتنێ ددانم. لێ یێ باوەریێ ب وی بینیت، شەرمزار نابیت.»

ئاشكراكرن 14:14

پاشی من بەرێ خۆ دایێ، ئەڤە عەورەكێ سپی و ل سەر عەوری ئێكێ وەكو كوڕێ مرۆڤ یێ روینشتی بوو! تانجەكا زێڕین ل سەر سەرێ وی بوو و شالۆكەكا تیژ د دەستی دا بوو.

ئاشكراكرن 14:3

ئەوان ل پێشیا تەختی و ل پێشیا هەر چوار ئافراندیێن زیندی و ریهسپیان سروودەكا نوی دستراند. كەس نەدشیا فێری وێ سروودێ ببیت ژبلی وان سەد و چل و چوار هزار مرۆڤێن ژ ئەردی هاتینە كڕین.

ئاشكراكرن 15:5

پشتی ڤان تشتان من بەرێ خۆ دایێ، ل ئەسمانی پەرستگە‍‌ھ، كو خیڤەتا شاهدەیێیە، ڤەبوو،

ئاشكراكرن 22:4

و دێ دێمێ وی بینن و ناڤێ وی دێ ل سەر ئەنیا وان بیت.

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 4:1

پشتی ڤان تشتان، من بەرێ خۆ دایێ، ئەڤە دەرگەهەك ل ئەسمانی یێ ڤەكری بوو! ئەو دەنگێ من ل بەراهیێ بهیستی یێ وەكو دەنگێ بۆڕیزانێ ل گەل من ئاخفتی، گۆت: «سەر بكەڤە ڤێرێ و ئەز دێ وان تشتان نیشا تە دەم یێن كو دڤێت پشتی ڤان تشتان روی بدەن.»

ئاشكراكرن 6:8

من بەرێ خۆ دایێ، ئەڤە هەسپەكێ رەنگ پێتی یێ ل وێرێ! ناڤێ سیارێ وی ‹مرن› بوو و وارێ مریان ب دویڤ وی ڤە بوو. دەستهەلات ل سەر چوارێكا جیهانێ بۆ وان هاتە دان، كو ب شیری و ب برسێ و ب دەردی و ب دڕندەیێن ئەردی كوشتنێ بكەن.