ئاشكراكرن 13:14 - ئنجیلا پیرۆز

¹⁴ و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 13:14 ပူးပေါင်းရင်းမြစ်များ

2 سالونیكی 2:4

ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین.

ئاشكراكرن 12:9

ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 13:1

ئینا من دڕندەیەك دیت ژ دەریایێ دەردكەفت، حەفت سەر و دە‍‌ھ شاخ هەبوون، ل سەر شاخێن وی دە‍‌ھ تانج هەبوون و ل سەر سەرێن وی ناڤێ كوفریان هەبوو.

ئاشكراكرن 13:15

دەستهەلات ژی بۆ وی هاتە دان كو هەناسەیێ بدەتە وێنەیێ دڕندەیێ ئێكێ، داكو وێنەیێ دڕندەی بئاخڤیت و بشێت وان بدەتە كوشتن یێن سوجدێ بۆ وێنەیێ دڕندەی نەبەن.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 14:11

و دویكێلا ئەشكەنجەدانا وان دێ بۆ هەتا هەتایێ بلند بیت. بۆ ئەوێن سوجدێ بۆ دڕندەی و وێنەیێ وی دبەن، یان ئەوێن نیشانا ناڤێ وی قەبیل دكەن، ب شەڤ و رۆژ بێهنڤەدان نینە.»

ئاشكراكرن 14:9

فریشتەیەكێ دی، یێ سێیێ، ب دویڤ وان را هات و ب دەنگەكێ بلند دگۆت: «ئەگەر ئێك سوجدێ بۆ دڕندەی و وێنەیێ وی ببەت و نیشانا وی ل سەر ئەنیا خۆ یان ل سەر دەستێ خۆ قەبیل كەت،

ئاشكراكرن 15:2

پاشی من تشتەكێ وەكو دەریایا شویشەی یا تێكهەل ل گەل ئاگری دیت و ئەوێن سەركەفتن ل سەر دڕندەی و وێنەیێ وی و ژمارەیا ناڤێ وی ئینای، ل سەر دەریایا شویشەی د راوەستیای بوون و قیسارەیێن خودێ ڤێ بوون

ئاشكراكرن 16:13

هنگی من سێ گیانێن پیس یێن وەكو بەقان دیتن، ژ دەڤێ ئەژدەهای و ژ دەڤێ دڕندەی و ژ دەڤێ پێغەمبەرێ درەوین دەردكەفتن.

ئاشكراكرن 16:2

ئەڤجا یێ ئێكێ چوو و ترارێ خۆ ب سەر ئەردی دا رشت و كولكێن پیس و ژاندار ل وی خەلكی هاتن یێن نیشانا دڕندەی ل سەر وان و سوجدێ بۆ وێنەیێ وی دبەن.

ئاشكراكرن 18:23

ئێدی رۆناهیا چرایەكێ ژی، چ جاران د ناڤ تە دا شەوقێ نادەت. ئێدی دەنگێ زاڤا و بویكەكێ ژی، چ جاران د ناڤ تە دا ناهێتە بهیستن. بازرگانێن تە مەزنێن ئەردی بوون و ب جادووگەریا تە هەمی مللەت هاتنە خاپاندن.

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.