ئاشكراكرن 13:11 - ئنجیلا پیرۆز

¹¹ ئینا من دڕندەیەكێ دی دیت ژ ئەردی دەردكەفت، وی دوو شاخێن وەكو شاخێن بەرخی هەبوون و وەكو ئەژدەهای دئاخفت.

ئاشكراكرن 13:11 ပူးပေါင်းရင်းမြစ်များ

مزگینیا مەتتای 7:15

هشیاری پێغەمبەرێن درەوین بن، ئەوێن د كەڤلێن میهان دا دهێنە نك هەوە، لێ ئەو ژ ناڤ دا گورگێن هارن!

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

2 سالونیكی 2:4

ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین.

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 12:17

ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 13:1

ئینا من دڕندەیەك دیت ژ دەریایێ دەردكەفت، حەفت سەر و دە‍‌ھ شاخ هەبوون، ل سەر شاخێن وی دە‍‌ھ تانج هەبوون و ل سەر سەرێن وی ناڤێ كوفریان هەبوو.

ئاشكراكرن 13:17

دا كەس نەشێت كڕینێ یان فرۆتنێ بكەت، ئەگەر نیشان ل سەر نەبیت، چ ناڤێ دڕندەی یان ژمارەیا ناڤێ وی بیت.

ئاشكراكرن 13:4

و سوجدە بۆ ئەژدەهای بر، چنكو وی دەستهەلاتا خۆ دا دڕندەی. وان سوجدە بۆ دڕندەی بر و گۆتن: «ما كی وەكو ڤی دڕندەیە؟ و كی دشێت ل دژی وی بجەنگیت؟»

ئاشكراكرن 16:13

هنگی من سێ گیانێن پیس یێن وەكو بەقان دیتن، ژ دەڤێ ئەژدەهای و ژ دەڤێ دڕندەی و ژ دەڤێ پێغەمبەرێ درەوین دەردكەفتن.

ئاشكراكرن 17:6

من دیت ئەو ژنك ب خوینا پیرۆزكریان و خوینا شاهدێن عیسای یا سەرخۆش بوو. دەمێ من ئەو دیتی، ئەز گەلەك مەندەهۆش بووم.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.