ئاشكراكرن 13:10 - ئنجیلا پیرۆز

¹⁰ ئەگەر بۆ ئێكی هاتیە نڤیسین ببیتە دیل، دێ بەرەڤ دیلاتیێ ڤە چیت. ئەگەر بۆ ئێكی هاتیە نڤیسین ب شیری بهێتە كوشتن، دێ ب شیری هێتە كوشتن. ل ڤێرێ خۆڕاگرتن و دلسۆزیا پیرۆزكریان یا فەرە.

ئاشكراكرن 13:10 ပူးပေါင်းရင်းမြစ်များ

مزگینیا مەتتای 26:52

ئینا عیسای گۆتێ: «شیرێ خۆ بزڤڕینە جهێ وی! یێ دەست بهاڤێژیتە شیری، دێ ب شیری ژ ناڤ چیت.

مزگینیا مەتتای 7:2

چنكو ب وێ دادكرنا هوین خەلكی پێ داد دكەن، هوین ژی دێ پێ هێنە دادكرن و ب وی پیڤەرێ هوین دپیڤن، دێ بۆ هەوە ژی ب وی هێتە پیڤان.

مزگینیا لوقای 21:19

ب خۆڕاگرتنا خۆ هوین دێ ژیانا خۆ ب دەست ڤە ئینن.

كۆلۆسی 1:11

ب هەمی هێزا د شیانا مەزناهیا وی دا هەی، بهێز بكەڤن، دا هوین د هەمی تشتان دا د بێهنفرە‍‌ھ و خۆڕاگر بن و ب دلخۆشی سوپاسیا بابی بكەن، ئەوێ هوین هەژی كرین كو هەوە پشك هەبیت د وی میراتی دا یێ كەسێن پیرۆزكری د پاشایەتیا رۆناهیێ دا هەی.

عیبرانی 6:12

دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 11:18

مللەت تۆڕە بوون، لێ تۆڕەبوونا تە هات و دەمێ دادكرنا مریان هات و دەمێ خەلاتكرنا بەنیێن تە یێن پێغەمبەر و پیرۆزكریان و یێن ژ ناڤێ تە دترسن، چ یێن بچویك و چ یێن مەزن، هات و دەمێ ژناڤبرنا وان یێن جیهانێ ژ ناڤ دبەن هات.»

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.

ئاشكراكرن 16:6

ژ بەر كو وان خوینا پیرۆزكریان و پێغەمبەران یا رشتی، تە ژی خوین بۆ ڤەخوارنێ دایە وان. ئەو د هەژینە.»

ئاشكراكرن 17:11

ئەو دڕندەیێ هەبوو لێ نوكە نینە، یێ هەشتێیە، لێ ئەو ژ حەفتانە و یێ دچیتە وێرانبوونێ.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 2:19

من های ژ كریارێن تە، ئانكو حەزژێكرن و باوەری و خزمەت و خۆڕاگرتنا تە، هەیە. هەروەسا دزانم كو كریارێن تە یێن ڤێ دویماهیێ ژ یێن دەستپێكێ پترن.

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:3

دێ بینە بیرا خۆ كا تە چ وەرگرتیە و بهیستیە، وی تشتی ب ج‍‌ھ بینە و ل خۆ بزڤڕە. ئەگەر تۆ هشیار نەبی، دێ وەكو دزەكی هێم و تۆ قەت نزانی كیژان دەمژمێرێ دێ هێمە تە.