ئاشكراكرن 12:9 - ئنجیلا پیرۆز

⁹ ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 12:9 ပူးပေါင်းရင်းမြစ်များ

مزگینیا مەتتای 13:39

و ئەو دوژمنێ زیوان چاندی ئبلیسە، دروین ژی دویماهیا جیهانێیە و پالەیێن دروینێ ژی فریشتەنە.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 4:1

پاشی گیانێ خودێ عیسا برە چۆلی، دا ژ لایێ ئبلیسی ڤە بهێتە تاقیكرن.

مزگینیا مەتتای 4:10

ئینا عیسای گۆتێ: «هەڕە هەی ئبلیس! چنكو یا هاتیە نڤیسین: ‹بۆ خودان خودایێ خۆ سوجدێ ببە و وی ب تنێ بپەرێسە›.»

مزگینیا مەتتای 4:5

پاشی ئبلیسی ئەو برە باژێڕێ پیرۆز و ل سەر لێڤا بانێ پەرستگەهێ راوەستاند

مزگینیا مەتتای 4:8

پاشی ئبلیسی ئەو برە سەرێ چیایەكێ گەلەك بلند و هەمی پاشایەتیێن جیهانێ و مەزناهیا وان نیشا دان

مزگینیا لوقای 10:18

عیسای گۆتە وان: «من ئبلیس دیت وەكو برویسیێ ژ ئەسمانی كەفت.

مزگینیا لوقای 13:16

لێ ئەڤا هەنێ كچەكا ئیبراهیمیە و ئەڤە هەژدە ساڵ بوو ئبلیسی ئەو گرێ دابوو، ئەرێ ما یا پێدڤی نەبوو ل رۆژا شەمبیێ ژ وێ گرێدانێ بهێتە ڤەكرن؟

مزگینیا لوقای 22:3

ئینا ئبلیس كەفتە د دلێ یەهودای دا، یێ كو دگۆتنێ ‹ئەسخەریوتی› و ئەو ئێك ژ دوازدە شاگردان بوو.

مزگینیا لوقای 22:31

شەمعون، شەمعون، گوهێ خۆ بدێ: ئبلیسی داخوازا هەوە یا كری، دا وەكو گەنمی هەوە بێژینگ بكەت.

مزگینیا لوقای 8:12

ئەو تۆڤێ كەفتیە سەر رێكێ، ئەو كەسن یێن گو‍‌ھ ل پەیڤێ دبن، پاشی ئبلیس دهێت و پەیڤێ ژ دلێ وان دڕەڤینیت، نەكو باوەریێ بینن و قورتال ببن.

مزگینیا یوحەننای 12:31

نوكە دەمێ دادكرنێیە ل سەر ڤێ جیهانێ، نوكە سەرۆكێ ڤێ جیهانێ دێ بۆ ژ دەرڤە هێتە دەرئێخستن.

مزگینیا یوحەننای 14:30

ئێدی ئەز ل گەل هەوە گەلەك نائاخڤم، چنكو سەرۆكێ ڤێ جیهانێ یێ دهێت. ئەوی چ ل سەر من نینە.

مزگینیا یوحەننای 16:11

دەربارەی دادكرنێ، چنكو سەرۆكێ ڤێ جیهانێ هاتە گونەهباركرن.

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

كارێن هنارتیان 5:3

ئینا پەترۆسی گۆتە حەنانیای: «تە بۆچی هێلا ئبلیس دلێ تە تژی بكەت، دا تۆ درەوێ ل گیانێ پیرۆز بكەی و هندەك پارەیێن زەڤیێ بۆ خۆ هەلگری؟

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

رۆما 16:20

خودایێ ئاشتیێ د دەمەكێ نێزیك دا دێ ئبلیسی د بن پێیێن هەوە ڤە هەڕشینیت. كەرەما خودانێ مە عیسای ل سەر هەوە بیت.

2 كورنتۆس 11:14

ئەڤە ژی نە تشتەكێ سەیرە، چنكو ئبلیس ب خۆ ژی وێنەیێ خۆ دگوهۆڕیت كو وەكو فریشتەیێ رۆناهیێ لێ بهێت.

2 كورنتۆس 11:3

لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێهنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.

2 كورنتۆس 12:7

داكو ئەز ژ بەر مەزنیا تشتێن بۆ من هاتینە ئاشكراكرن دفنبلند نەبم، د لەشێ من دا ستریەك بۆ من هاتە دان، هنارتیەكێ ئبلیسیە من ئازار ددەت، دا دفنبلند نەبم.

2 كورنتۆس 2:11

دا ئبلیس كەیسێ خۆ د مە را نەبینیت، چنكو ئەم ژ پیلانێن وی د بێ ئاگە‍‌ھ نینین.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

2 سالونیكی 2:3

بلا ب چ رێكان كەس هەوە نەخاپینیت، چنكو ئەو رۆژ ناهێت، ئەگەر بەری وێ یاخیبوون چێنەبیت و مرۆڤێ یاسانەنیاس، كو كوڕێ ژناڤچوونێیە، دیار نەبیت.

1 تیمۆتاوس 2:14

و ئادەم نەهاتە خاپاندن، لێ ژن هاتە خاپاندن و سەرپێچی كر.

2 تیمۆتاوس 3:13

مرۆڤێن خراب و فێلباز ژی دێ د خرابیێ دا پێشكەڤن، دێ خاپاندنێ كەن و هێنە خاپاندن.

عیبرانی 2:14

ئەڤجا مادەم زاڕۆك خوین و گۆشتن، عیسا ژی ب هەمان تشتان ل گەل وان بوو پشكدار، داكو ب مرنا خۆ وی یێ هێزا مرنێ د دەستی دا، ئانكو ئبلیسی، ژ ناڤ ببەت

1 پەترۆس 5:8

هەوە های ژ خۆ هەبیت و هشیار بمینن. نەیارێ هەوە ئبلیس، وەكو شێرەكێ نڕنڕی دگەڕیێت دا ئێكی بخۆت.

1 یوحەننا 5:19

ئەم دزانین كو ئەم ژ خودێینە و هەمی جیهان ل بن دەستهەلاتا خرابكاریە.

یەهودا 1:9

لێ خۆ میكائیلێ سەرۆكێ فریشتەیان ژی، دەمێ ل گەل ئبلیسی ب هەڤڕكی هاتی و دەربارەی تەرمێ مووسای گەنگەشە ل گەل كری، بستە‍‌ھ نەكر ب ئاخفتنەكا كرێت وی گونەهبار بكەت، لێ گۆتێ: «بلا خودان تە پاشڤە ببەت!»

ئاشكراكرن 12:12

ژ بەر ڤێ چەندێ دلخۆش ببن، هەی ئەسمانان و یێن تێدا ئاكنجی. لێ نەخوزیكێن ئەردی و دەریایێ، چنكو ئبلیس بۆ هەوە ب تۆڕەبوونەكا مەزن هاتیە خوارێ، ژ بەر كو ئەو دزانیت دەمێ وی یێ كێمە.»

ئاشكراكرن 12:3

نیشانەكا دی ژی ل ئەسمانی دیار بوو: ئەڤە ئەژدەهایەكێ سۆر یێ مەزن، یێ ب حەفت سەر و دە‍‌ھ شاخان و حەفت تانج ل سەر سەرێن وی.

ئاشكراكرن 12:7

هنگی جەنگەك ل ئەسمانی چێبوو، میكائیلی و فریشتەیێن وی شەڕ ل دژی ئەژدەهای كر، ئەژدەهای و فریشتەیێن وی ژی شەڕ كر،

ئاشكراكرن 12:8

لێ ئەژدەها ب سەر نەكەفت، ئێدی وان چ ج‍‌ھ ل ئەسمانی نەما.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 16:14

ئەو گیانێن ئەجنەیان بوون یێن نیشانێن حنێرانە دكەن و دچنە نك پاشایێن هەمی جیهانێ، دا وان بۆ جەنگا ل رۆژا خودێ، هێزدارێ هەر تشتی، كۆم بكەن.

ئاشكراكرن 18:2

وی ب دەنگەكێ بلند كرە گازی و گۆت: «كەفت! بابلا مەزن كەفت! یا بوویە جهێ ئاكنجیبوونا ئەجنەیان و جهێ خۆجهبوونا هەمی گیانێن پیس، جهێ خۆجهبوونا هەمی باڵندەیێن پیس و مرار.

ئاشكراكرن 18:23

ئێدی رۆناهیا چرایەكێ ژی، چ جاران د ناڤ تە دا شەوقێ نادەت. ئێدی دەنگێ زاڤا و بویكەكێ ژی، چ جاران د ناڤ تە دا ناهێتە بهیستن. بازرگانێن تە مەزنێن ئەردی بوون و ب جادووگەریا تە هەمی مللەت هاتنە خاپاندن.

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:24

لێ ئەز بۆ هەوە یێن دی ل تیاتیرایێ، ئەوێن ب دویڤ ڤێ فێركرنێ نەكەفتین، ئەوێن ئەو تشت نەزانین یێن هندەك دبێژنێ ‹تشتێن كویر یێن ئبلیسی›، دبێژم: ئەز بارەكێ دی نادانمە سەر ملێ هەوە،

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 20:10

و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، بۆ وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.

ئاشكراكرن 20:8

ئەو دێ دەركەڤیت دا مللەتێن ل هەر چوار كوژیێن ئەردی، ئانكو گۆگ و ماگۆگ، بخاپینیت، دا وان بۆ جەنگێ كۆم بكەت. ژمارەیا وان وەكو خیزێ دەریایە.

ئاشكراكرن 3:9

ئەڤە ئەز دێ وە ل وان كەم یێن ژ كنیشتەیا ئبلیسی، ئەوێن دبێژن ئەم جوهینە، لێ نە وەسایە، ئەو درەوان دكەن، ئەڤە ئەز دێ وە لێ كەم كو بهێن و ل بەر پێیێن تە سوجدێ ببەن و بزانن كو من یێ حەز ژ تە كری.

ئاشكراكرن 9:1

فریشتەیێ پێنجێ ل بۆڕیزانێ دا و من ستێرەك دیت ژ ئەسمانی كەفتبوو سەر ئەردی و كلیلا دەرگەهێ چاڵا بێ بن بۆ ستێرێ هاتە دان.

ئاشكراكرن 9:20

ئەو مرۆڤێن دی یێن ب ڤان دربان نەهاتینە كوشتن، ژ كریارێن دەستێ خۆ ل خۆ نەزڤڕین، دەست ژ پەرستنا ئەجنە و پووتێن زێڕی و زیڤی و برۆنزی و بەری و داری بەرنەدا، ئەو پووتێن نەشێن ببینن، نە ژی ببهیسن و نە ژی بڕێڤە بچن.