ئاشكراكرن 12:4 - ئنجیلا پیرۆز

⁴ كوریا وی سێئێكا ستێرێن ئەسمانی رامالین و هاڤێتنە سەر ئەردی. پاشی ئەژدەها ل پێشیا ژنكا ل بەر زاڕۆكبوونێ بوو راوەستیا، داكو زاڕۆكێ وێ داعویریت، دەمێ دبیت.

ئاشكراكرن 12:4 ပူးပေါင်းရင်းမြစ်များ

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

1 پەترۆس 5:8

هەوە های ژ خۆ هەبیت و هشیار بمینن. نەیارێ هەوە ئبلیس، وەكو شێرەكێ نڕنڕی دگەڕیێت دا ئێكی بخۆت.

ئاشكراكرن 12:7

هنگی جەنگەك ل ئەسمانی چێبوو، میكائیلی و فریشتەیێن وی شەڕ ل دژی ئەژدەهای كر، ئەژدەهای و فریشتەیێن وی ژی شەڕ كر،

ئاشكراكرن 12:9

ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 13:2

ئەو دڕندەیێ من دیتی، وەكو پلنگی بوو، پێیێن وی وەكو پێیێن هرچێ بوون و دەڤێ وی وەكو دەڤێ شێری بوو. ئەژدەهای هێزا خۆ و تەختێ خۆ و دەستهەلاتەكا مەزن دانێ.

ئاشكراكرن 13:4

و سوجدە بۆ ئەژدەهای بر، چنكو وی دەستهەلاتا خۆ دا دڕندەی. وان سوجدە بۆ دڕندەی بر و گۆتن: «ما كی وەكو ڤی دڕندەیە؟ و كی دشێت ل دژی وی بجەنگیت؟»

ئاشكراكرن 16:13

هنگی من سێ گیانێن پیس یێن وەكو بەقان دیتن، ژ دەڤێ ئەژدەهای و ژ دەڤێ دڕندەی و ژ دەڤێ پێغەمبەرێ درەوین دەردكەفتن.

ئاشكراكرن 17:18

ئەو ژنكا تە دیتی، ئەو باژێڕێ مەزنە یێ پاشایەتیێ ل سەر پاشایێن ئەردی دكەت.»

ئاشكراكرن 20:2

ئەوی ئەژدەها، ئانكو مارێ كەڤنار، كو ئبلیسە و ساتانە، گرت و بۆ هزار ساڵان گرێ دا

ئاشكراكرن 8:10

فریشتەیێ سێیێ لێ دا، ئینا ستێرەكا مەزن یا وەكو خەتیرەیا هەل ژ ئەسمانی كەفتە سەر سێئێكا رویباران و سەر كانیێن ئاڤێ.

ئاشكراكرن 8:11

(ناڤێ ستێرێ تەحلیشكە.) ئینا سێئێكا ئاڤان تەحل بوو و ژ بەر وان ئاڤان گەلەك مرۆڤ مرن، چنكو تەحل ببوو.

ئاشكراكرن 8:12

فریشتەیێ چوارێ لێ دا، ئینا ل سێئێكا رۆژێ، سێئێكا هەیڤێ و سێئێكا ستێران هاتە دان، ئەڤجا سێئێكا وان تاری بوو و سێئێكا رۆژێ رۆناهی نەدا، هەروەسا شەڤێ ژی.

ئاشكراكرن 8:7

یێ ئێكێ لێ دا، ئینا تەرگ و ئاگرێن تێكهەلی خوینێ چێبوون و بۆ سەر ئەردی هاتنە هاڤێتن. ئەڤجا سێئێكا ئەردی سۆت و سێئێكا داران سۆت و هەمی گیایێ كەسك سۆت.

ئاشكراكرن 8:8

فریشتەیێ دوویێ لێ دا، ئینا تشتەكێ وەكو چیایەكێ مەزن یێ ب ئاگری هەل، بۆ ناڤ دەریایێ هاتە هاڤێتن. ئەڤجا سێئێكا دەریایێ بوو خوین

ئاشكراكرن 8:9

و سێئێكا ئافراندیێن د دەریایێ دا دژین مرن و سێئێكا گەمیان ژ ناڤ چوون.

ئاشكراكرن 9:10

كوری و دمدریشك هەبوون وەكو یێن دویپشكان و شیانا وان یا كو پێنج هەیڤان زیانێ ل مرۆڤان بدەن د كوریێن وان دا بوو.

ئاشكراكرن 9:19

چنكو شیانا هەسپان د دەڤ و كوریا وان دایە، كوریێن وان وەك مارانە، ب سەرن و زیانێ پێ دكەن.