ئاشكراكرن 12:17 - ئنجیلا پیرۆز

¹⁷ ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 12:17 ပူးပေါင်းရင်းမြစ်များ

مزگینیا مەتتای 28:20

و وان فێر بكەن كو پێگیریێ ب هەمی فەرمانێن من داینە هەوە بكەن. ئەڤە ئەز هەمی رۆژان هەتا دویماهیا سەردەمی، ل گەل هەوەمە.»

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

1 كورنتۆس 2:1

ئەز ژی، گەلی خویشك و برایان، دەمێ هاتیمە نك هەوە و نهێنیا خودێ بۆ هەوە رادگەهاند، من ب رەهوانیا ئاخفتنێ یان ئاقلمەندیێ نەدكر.

1 پەترۆس 5:8

هەوە های ژ خۆ هەبیت و هشیار بمینن. نەیارێ هەوە ئبلیس، وەكو شێرەكێ نڕنڕی دگەڕیێت دا ئێكی بخۆت.

1 یوحەننا 2:3

ئەم ب وێ چەندێ دزانین كو ئەم وی دنیاسین، ئەگەر ئەم فەرمانێن وی ب ج‍‌ھ بینین.

1 یوحەننا 5:10

ئەوێ باوەریێ ب كوڕێ خودێ دئینیت، ئەڤ شاهدەییە د ناخێ وی ب خۆ دا هەیە. ئەوێ باوەر ژ خودێ نەكەت، ئەو خودێ ب درەوین دەردئێخیت، چنكو وی باوەری ب وێ شاهدەییێ نەئینایە، ئەوا خودێ دەربارەی كوڕێ خۆ دای.

1 یوحەننا 5:2

ئەم ب ڤێ چەندێ دزانین كو ئەم حەز ژ زاڕۆكێن خودێ دكەین، دەمێ ئەم حەز ژ خودێ دكەین و فەرمانێن وی ب ج‍‌ھ دئینین.

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 12:16

لێ ئەردی هاریكاریا ژنكێ كر، ئەوی دەڤێ خۆ ڤەكر و ئەو رویبار داعویرا، یێ ئەژدەهای ژ دەڤێ خۆ هاڤێتی.

ئاشكراكرن 13:7

دەستویری بۆ وی هاتە دان، كو ل دژی پیرۆزكریان بجەنگیت و ل سەر وان سەر بكەڤیت. هەروەسا دەستهەلات ل سەر هەمی هۆز و گەل و زمان و مللەتان بۆ وی هاتە دان.

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 17:6

من دیت ئەو ژنك ب خوینا پیرۆزكریان و خوینا شاهدێن عیسای یا سەرخۆش بوو. دەمێ من ئەو دیتی، ئەز گەلەك مەندەهۆش بووم.

ئاشكراكرن 18:20

هەی ئەسمان ژ بەر وی باژێڕی دلخۆش ببە! هەروەسا هوین ژی گەلی پیرۆزكریان و هنارتیان و پێغەمبەران! چنكو خودێ تۆلا هەوە ژ وێ ڤەكر.

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 19:19

پاشی من دیت، دڕندە و پاشایێن ئەردی و لەشكەرێن وان كۆم ببوون، دا ل دژی سیارێ هەسپی و لەشكەرێ وی بجەنگن.

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 22:14

خوزیكێن وان یێن جلكێن خۆ دشوون، دا وان ماف هەبیت ژ دارا ژیانێ بخۆن و د دەرگەهان را بچنە د باژێڕی ڤە.

ئاشكراكرن 6:9

دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.