ئاشكراكرن 12:11 - ئنجیلا پیرۆز

¹¹ ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 12:11 ပူးပေါင်းရင်းမြစ်များ

مزگینیا لوقای 14:26

«ئەگەر ئێك ل دویڤ من بهێت و وی ئەز ژ باب، دایك، ژن، زاڕۆك، خویشك و برایێن خۆ، هەروەسا خۆ ژی، گەلەك زێدەتر نەڤێم، ئەو نەشێت ببیتە شاگردێ من.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

كارێن هنارتیان 21:13

لێ وی بەرسڤ دا و گۆت: «بۆچی هوین دكەنە گری و دلێ من دشكێنن؟ ئەز یێ ئامادەمە ژ پێخەمەت ناڤێ خودان عیسای ل ئورشەلیمێ نە ب تنێ بهێمە گرێدان، لێ بمرم ژی!»

رۆما 16:20

خودایێ ئاشتیێ د دەمەكێ نێزیك دا دێ ئبلیسی د بن پێیێن هەوە ڤە هەڕشینیت. كەرەما خودانێ مە عیسای ل سەر هەوە بیت.

1 كورنتۆس 15:57

لێ سوپاس بۆ خودێ، ئەوێ ب رێكا خودانێ مە عیسایێ مەسیح سەركەفتنێ ددەتە مە.

1 یوحەننا 4:4

هوین ژ خودێنە گەلی زاڕۆكان و هوین ل سەر پێغەمبەرێن درەوین ب سەركەفتن، چنكو گیانێ پیرۆز یێ د هەوە دا مەزنترە ژ گیانێ ئبلیسی یێ د جیهانێ دا.

1 یوحەننا 5:5

كی سەركەفتنێ ل سەر جیهانێ دئینیت؟ ب تنێ ئەوێ باوەر دكەت كو عیسا كوڕێ خودێیە.

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 12:17

ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:17

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، ئەز دێ ژ مەننایا ڤەشارتی دەمێ و ئەز دێ بەركەكێ سپی دەمێ، ناڤەكێ نوی یێ ل سەر نڤیسیە، كو كەس نەزانیت ژبلی وی یێ وەردگریت.›»

ئاشكراكرن 2:26

هەر ئێكێ سەركەفتنێ بینیت و تا دویماهیێ كارێن من ب ج‍‌ھ بینیت، ئەز دێ دەستهەلاتێ ل سەر مللەتان دەمێ، هەروەكو من ژی ژ بابێ خۆ وەرگرتی. ‹ب گۆپالەكێ ئاسنی دێ حوكمداریێ ل سەر وان كەت، دێ وان وەكو جەڕكان پەلخینیت.› دێ ستێرا سپێدێ ژی دەمێ.

ئاشكراكرن 2:7

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، دێ دەستویریێ دەمێ كو ژ دارا ژیانێ بخۆت، ئەوا د بەهەشتا خودێ دا.›»

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 3:12

هەر ئێكێ سەركەفتنێ بینیت، دێ وی كەمە ستوینەك د پەرستگەها خودایێ خۆ دا و ئێدی ئەو چ جاران ژێ دەرناكەڤیت. دێ ناڤێ خودایێ خۆ و ناڤێ باژێڕێ خودایێ خۆ، ئورشەلیما نوی، ئەوا ژ ئەسمانی ژ نك خودایێ من دهێتە خوارێ، ل سەر وی كەسی نڤیسم. دێ ناڤێ خۆ یێ نوی ژی ل سەر وی نڤیسم.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 3:5

هەر ئێكێ سەركەفتنێ بینیت، وەسا دێ جلكێن سپی ل بەر بن و ئەز قەت ناڤێ وی ژ پەرتووكا ژیانێ نابەم و دێ ل پێشیا بابێ خۆ و ل پێشیا فریشتەیێن وی دانپێدانێ ب ناڤێ وی كەم.

ئاشكراكرن 6:9

دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.