ئاشكراكرن 11:19 - ئنجیلا پیرۆز

¹⁹ هنگی پەرستگەها خودێ یا ل ئەسمانی ڤەبوو و سندوقا پەیمانا وی د پەرستگەهێڤە دیار بوو. ئینا بوونە برویسی و دەنگەدەنگ و گڕگڕا عەوران و بیڤەلەرز و تەرگا مەزن.

ئاشكراكرن 11:19 ပူးပေါင်းရင်းမြစ်များ

ئاشكراكرن 11:13

د وێ دەمژمێرێ دا، بیڤەلەرزەكا مەزن چێبوو، ئینا دەهێكا باژێڕی هەڕفت و حەفت هزار مرۆڤ ب وێ بیڤەلەرزێ مرن، یێن ماین ترسیان و مەزناهی دا خودایێ ئەسمانی.

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 12:1

پشتی هنگی نیشانەكا مەزن ل ئەسمانی دیار بوو: ئەو ژی ژنكەك بوو، رۆژ وەكو كراسەكی ل بەر بوو و هەیڤ ل بن پێیێن وێ بوو و تانجەكا ژ دوازدە ستێران ل سەر سەرێ وێ بوو،

ئاشكراكرن 16:1

پشتی هنگی من دەنگەكێ بلند ژ پەرستگەهێ بهیست دگۆتە هەر حەفت فریشتەیان: «هەڕن هەر حەفت ترارێن تۆڕەبوونا خودێ ب سەر ئەردی دا بڕێژن.»

ئاشكراكرن 16:18

هنگی برویسی و دەنگەدەنگ و گڕگڕا عەوران چێبوون و بیڤەلەرزەكا مەزن روی دا. چ بیڤەلەرزێن وەكو وێ روی نەدابوون هەر ژ دەمێ مرۆڤ كەفتیە سەر رویێ ئەردی، بیڤەلەرزەكا هند یا مەزن بوو!

ئاشكراكرن 16:21

و تەرگەكا مەزن، گرانیا هەر دندكەكێ تالانتەك بوو، ژ ئەسمانی ب سەر مرۆڤان دا باری. ئینا مرۆڤان ژ بەر دربێ تەرگێ جڤین دانە خودێ، چنكو دربێ وێ گەلەك یێ مەزن بوو.

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.

ئاشكراكرن 4:1

پشتی ڤان تشتان، من بەرێ خۆ دایێ، ئەڤە دەرگەهەك ل ئەسمانی یێ ڤەكری بوو! ئەو دەنگێ من ل بەراهیێ بهیستی یێ وەكو دەنگێ بۆڕیزانێ ل گەل من ئاخفتی، گۆت: «سەر بكەڤە ڤێرێ و ئەز دێ وان تشتان نیشا تە دەم یێن كو دڤێت پشتی ڤان تشتان روی بدەن.»

ئاشكراكرن 4:5

ژ تەختی برویسی و دەنگەدەنگ و گڕگڕا عەوران دەردكەفتن. ل پێشیا تەختی حەفت خەتیرەیێن هەل هەبوون، كو هەر حەفت گیانێن خودێنە.

ئاشكراكرن 7:15

لەوما ئەو ل بەرامبەر تەختێ خودێنە، د پەرستگەها وی ڤە، ب شەڤ و رۆژ وی دپەرێسن. ئەوێ ل سەر تەختی روینشتی ب خیڤەتا خۆ دێ وان پارێزیت.

ئاشكراكرن 8:5

پشتی هنگی فریشتەی بخویردانك بر و ژ ئاگرێ قوربانگەهێ پڕ كر و هاڤێتە سەر ئەردی، ئینا گڕگڕا عەوران، دەنگەدەنگ، برویسی و بیڤەلەرز چێبوون.

ئاشكراكرن 8:7

یێ ئێكێ لێ دا، ئینا تەرگ و ئاگرێن تێكهەلی خوینێ چێبوون و بۆ سەر ئەردی هاتنە هاڤێتن. ئەڤجا سێئێكا ئەردی سۆت و سێئێكا داران سۆت و هەمی گیایێ كەسك سۆت.