ئاشكراكرن 11:17 - ئنجیلا پیرۆز

¹⁷ و گۆتن: «ئەم سوپاسیا تە دكەین، هەی خودان خودێ، هێزدارێ هەر تشتی، ئەوێ هەی و ئەوێ هەبوو، چنكو تە هێزا خۆ یا مەزن دیار كر و دەست ب پاشایەتیێ كر.

ئاشكراكرن 11:17 ပူးပေါင်းရင်းမြစ်များ

مزگینیا مەتتای 11:25

ل وی دەمی عیسای گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن.

مزگینیا لوقای 10:21

د وێ گاڤێ دا عیسا گەلەك ب گیانێ پیرۆز دلخۆش بوو و گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن. بەلێ باب، چنكو هۆسا د دیتنا تە دا باش بوو.»

مزگینیا یوحەننای 11:41

ئەڤجا وان بەر راكر. عیسای ژی بەرێ خۆ دا ئەسمانی و گۆت: «باب، ئەز سوپاسیا تە دكەم، كو تە گو‍‌ھ ل من بوو.

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

2 كورنتۆس 9:15

سوپاس بۆ خودێ، ژ بەر دیاریا وی یا ناهێتە سالۆخدان!

1 تیمۆتاوس 1:12

سوپاسیا مەسیح عیسایێ خودانێ مە دكەم، یێ ئەز ب هێز ئێخستیم، چنكو وی ئەز ب دلسۆز هژمارتم و بۆ ڤێ خزمەتكرنێ دەستنیشان كرم،

ئاشكراكرن 1:4

ژ یوحەننای، بۆ هەر حەفت جڤاكێن باوەرداران یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی

ئاشكراكرن 1:8

خودان خودێ دبێژیت: «ئەز ئەلفا و ئۆمێگامە، ئەوێ هەی و ئەوێ هەبوو و ئەوێ دێ هێت، هێزدارێ هەر تشتی.»

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 15:3

و سروودا مووسای بەنیێ خودێ و سروودا بەرخی دستراند: «كارێن تە د مەزن و سەیرن، هەی خودان خودێ، هێزدارێ هەر تشتی. رێكێن تە د دادپەروەر و راستن، هەی پاشایێ مللەتان.

ئاشكراكرن 16:14

ئەو گیانێن ئەجنەیان بوون یێن نیشانێن حنێرانە دكەن و دچنە نك پاشایێن هەمی جیهانێ، دا وان بۆ جەنگا ل رۆژا خودێ، هێزدارێ هەر تشتی، كۆم بكەن.

ئاشكراكرن 16:5

هنگی من بهیست فریشتەیێ ئاڤان دگۆت: «تۆ یێ دادپەروەری، ئەی ئەوێ هەی و ئەوێ هەبوو، ئەوێ پیرۆز، چنكو تە وەسا حوكم دایە.

ئاشكراكرن 16:7

ئینا من دەنگێ قوربانگەهێ بهیست دگۆت: «بەلێ، هەی خودان خودێ، هێزدارێ هەر تشتی، حوكمێن تە د راست و دادپەروەرن.»

ئاشكراكرن 18:8

لەوما دربێن وێ دێ د رۆژەكێ دا هێن، دەرد و كۆڤانداری و كولب، ئەو دێ ب ئاگری هێتە سۆتن ژی، چنكو خودان خودایێ دادكرنا وێ دكەت یێ هێزدارە.»

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.

ئاشكراكرن 19:6

پاشی من دەنگەك بهیست، وەكو دەنگێ جەماوەرەكێ مەزن و وەكو دەنگێ گەلەك ئاڤان و وەكو دەنگێ گڕگڕێن بهێز یێن عەوران بوو، دگۆت: «هەلێلوویا! چنكو خودان خودایێ مە، هێزدارێ هەر تشتی، پاشایەتیێ دكەت.