ئاشكراكرن 11:15 - ئنجیلا پیرۆز

¹⁵ فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 11:15 ပူးပေါင်းရင်းမြစ်များ

مزگینیا مەتتای 24:31

ئەڤجا دێ فریشتەیێن خۆ ب لێدانا بۆڕیزانەكا دەنگ مەزن هنێریت، دێ هەلبژارتیێن وی ژ هەر چوار كوژیێن جیهانێ، ژ ڤی لایێ ئەسمانان هەتا لایێ دی، خڕڤە كەن.

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا لوقای 1:33

دێ هەتا هەتایێ پاشایەتیێ ل بنەمالا یەعقوبی كەت و دویماهی بۆ پاشایەتیا وی نینە.»

مزگینیا لوقای 15:10

ئەز دبێژمە هەوە: هۆسا دێ كەیف د ناڤ فریشتەیێن خودێ دا پەیدا بیت دەمێ گونەهكارەك ل خۆ دزڤڕیت.»

مزگینیا لوقای 15:6

و ڤەدگەڕیتە مال و گازی هەڤال و هەڤسویێن خۆ دكەت و دبێژیتە وان: ‹هوین ل گەل من دلخۆش ببن، چنكو من پەزێ خۆ یێ بەرزە دیت.›

كارێن هنارتیان 4:26

پاشایێن ئەردی رادبن و سەرۆك پێكڤە كۆم دبن ل دژی خودانی و مەسیحێ وی.›

عیبرانی 1:8

لێ دەربارەی كوڕی دبێژیت: «تەختێ تە، هەی خودێ، بۆ هەتا هەتایێیە و سەوڵەجانێ پاشایەتیا تە، سەوڵەجانێ دادپەروەریێیە.

ئاشكراكرن 10:7

لێ د وان رۆژان دا یێن كو فریشتەیێ حەفتێ ل بەرە ل بۆڕیزانێ بدەت، دێ نهێنیا خودێ ب ج‍‌ھ هێت، هەروەكو وی بۆ بەنیێن خۆ یێن پێغەمبەر راگەهاندی.»

ئاشكراكرن 12:10

هنگی من دەنگەكێ بلند بهیست ژ ئەسمانی دگۆت: «نوكە قورتالبوون و هێز و پاشایەتیا خودایێ مە و دەستهەلاتا مەسیحێ وی یێن هاتین، چنكو سكالاكەرێ دژی خویشك و برایێن مە، ئەوێ ب شەڤ و رۆژ ل پێشیا خودایێ مە سكالایێ ل وان دكەت، بۆ ئەردی هاتە هاڤێتن.

ئاشكراكرن 15:4

كی ژ تە ناترسیت و ناڤێ تە مەزن ناكەت، هەی خودان؟ چنكو تۆ ب تنێ یێ پیرۆزی. هەمی مللەت دێ هێن و ل بەرامبەری تە سوجدێ بەن، چنكو كارێن تە یێن دادپەروەرانە ئاشكرا بوون.»

ئاشكراكرن 16:17

فریشتەیێ حەفتێ ترارێ خۆ ب سەر بای دا رشت و دەنگەكێ بلند ژ پەرستگەها ئەسمانی ژ تەختی هات دگۆت: «ب ج‍‌ھ هات!»

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 19:1

پشتی ڤان تشتان، من دەنگەك بهیست وەكو دەنگەكێ بلند یێ جەماوەرەكێ مەزن ل ئەسمانی بوو، دگۆت: «هەلێلوویا! قورتالبوون و مەزناهی و هێز یێن خودایێ مەنە،

ئاشكراكرن 19:6

پاشی من دەنگەك بهیست، وەكو دەنگێ جەماوەرەكێ مەزن و وەكو دەنگێ گەلەك ئاڤان و وەكو دەنگێ گڕگڕێن بهێز یێن عەوران بوو، دگۆت: «هەلێلوویا! چنكو خودان خودایێ مە، هێزدارێ هەر تشتی، پاشایەتیێ دكەت.

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 8:12

فریشتەیێ چوارێ لێ دا، ئینا ل سێئێكا رۆژێ، سێئێكا هەیڤێ و سێئێكا ستێران هاتە دان، ئەڤجا سێئێكا وان تاری بوو و سێئێكا رۆژێ رۆناهی نەدا، هەروەسا شەڤێ ژی.

ئاشكراكرن 9:1

فریشتەیێ پێنجێ ل بۆڕیزانێ دا و من ستێرەك دیت ژ ئەسمانی كەفتبوو سەر ئەردی و كلیلا دەرگەهێ چاڵا بێ بن بۆ ستێرێ هاتە دان.

ئاشكراكرن 9:13

فریشتەیێ شەشێ ل بۆڕیزانێ دا و من دەنگەك ژ چوار شاخێن قوربانگەها زێڕین یا ل پێشیا خودێ بهیست،