ئاشكراكرن 1:9 - ئنجیلا پیرۆز

⁹ ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 1:9 ပူးပေါင်းရင်းမြစ်များ

مزگینیا مەتتای 20:23

عیسای گۆتە وان: «راستە، هوین دێ ژ پەرداغا من ڤەخۆن، لێ دەستویریا روینشتنێ ل لایێ منێ راستێ و چەپێ، نە د دەستێ من دایە بدەم، لێ ب تنێ بۆ وانە یێن ژ لایێ بابێ من ڤە بۆ وان هاتیە ئامادە كرن.»

مزگینیا مەرقۆسی 10:39

وان بەرسڤا وی دا: «ئەم دشێین.» عیسای گۆتە وان: «بەلێ، ئەو پەرداغا ئەز دێ ژێ ڤەخۆم، هوین دێ ژێ ڤەخۆن و ئەو تافیركرنا ئەز دێ پێ هێمە تافیركرن، هوین دێ پێ هێنە تافیركرن.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 1:15

د وان رۆژان دا، پەترۆس د ناڤ باوەرداران دا، كو ژمارەیا وان نێزیكی سەد و بیست كەسان بوو، رابوو و گۆت:

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

رۆما 8:25

لێ ئەگەر مە هیڤیا تشتەكی هەبیت كو ئەم نابینین، ئەم ب هەدارێ ل چاڤەڕێ دمینین.

2 كورنتۆس 1:7

دەربارەی هەوە هیڤیا مە یا موكمە، چنكو ئەم دزانین كا چەوا هوین پشكدارێن ئازارێن مەنە، وەسا هوین پشكدارێن هاندانا مەنە ژی.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 4:14

سەرەڕای هندێ هەوە باش كر، كو هوین د تەنگاڤیا من دا پشكدار بوون.

2 سالونیكی 3:5

ئەڤجا بلا خودان بەرێ دلێ هەوە بدەتە حەزژێكرنا خودێ و خۆڕاگریا مەسیحی.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

ئاشكراكرن 1:1

ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:4

ژ یوحەننای، بۆ هەر حەفت جڤاكێن باوەرداران یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 11:7

دەمێ ئەو شاهدەییا خۆ تەمام بكەن، دڕندەیێ ژ چاڵا بێ بن دەردكەڤیت دێ جەنگێ ل سەر وان كەت و ب سەر وان كەڤیت و وان كوژیت.

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 12:17

ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 13:10

ئەگەر بۆ ئێكی هاتیە نڤیسین ببیتە دیل، دێ بەرەڤ دیلاتیێ ڤە چیت. ئەگەر بۆ ئێكی هاتیە نڤیسین ب شیری بهێتە كوشتن، دێ ب شیری هێتە كوشتن. ل ڤێرێ خۆڕاگرتن و دلسۆزیا پیرۆزكریان یا فەرە.

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 20:4

پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 6:9

دەمێ بەرخی موهرا پێنجێ ڤەكری، من د بن قوربانگەهێ ڤە گیانێن وان دیتن یێن ژ پێخەمەت پەیڤا خودێ و ژ پێخەمەت شاهدەییا وان دای، هاتبوونە ڤەكوشتن.

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.