ئاشكراكرن 1:5 - ئنجیلا پیرۆز

⁵ و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 1:5 ပူးပေါင်းရင်းမြစ်များ

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا یوحەننای 13:1

بەری جەژنا دەربازبوونێ، عیسای دزانی كو دەمێ وی هات دا ژ ڤێ جیهانێ بار كەت و بچیتە نك بابی. ئەوی كو حەز ژ كەسێن خۆ یێن ل ڤێ جیهانێ كربوو، ب تەمامی حەز ژ وان كر.

مزگینیا یوحەننای 13:34

ئەز دێ فەرمانەكا نوی ل هەوە كەم: حەز ژ ئێكودوو بكەن. هەروەكو من حەز ژ هەوە كری، دڤێت هوین ژی حەز ژ ئێكودوو بكەن.

مزگینیا یوحەننای 15:9

كا چەوا بابی حەز ژ من كر، من ژی وەسا حەز ژ هەوە كر. ئەڤجا د ناڤ حەزژێكرنا من دا بنەج‍‌ھ ببن.

مزگینیا یوحەننای 18:37

ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.»

مزگینیا یوحەننای 3:11

ب راستی ب راستی دبێژمە تە: ئەم وێ دبێژین یا ئەم دزانین و شاهدەییێ ب وێ ددەین یا مە دیتی، لێ هوین شاهدەییا مە قەبیل ناكەن.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 3:32

ئەو شاهدەییێ ب وێ ددەت، یا وی دیتی و بهیستی و كەس شاهدەییا وی قەبیل ناكەت.

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

كارێن هنارتیان 26:23

پێدڤیە مەسیح بئێشیت و ئێكەمین كەس بیت ژ ناڤ مریان راببیت و رۆناهیێ بۆ مللەتێ مە و بۆ مللەتێن نەجوهی ژی رابگەهینیت.»

رۆما 3:25

خودێ ئەو وەكو كەفارەتەك ب خوینا وی پێشكێش كر، بۆ ئەوێن باوەریێ پێ بینن. وی ژ بۆ دیاركرنا راستداریا خۆ ئەڤە كر، چنكو وی ب بێهنفرەهیا خۆ چاڤپووشی ژ گونەهێن بوری كر.

رۆما 8:37

لێ ب رێكا وی یێ حەز ژ مە دكەت، ئەم د ڤان هەمی تشتان دا، هێشتا پتر سەركەفتنێ ب دەست خۆ ڤە دئینین.

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

ئەفەسۆس 2:4

لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

كۆلۆسی 1:18

ئەو سەرێ لەشیە، ئانكو سەرێ جڤاكا باوەردارانە، ئەو دەستپێكە، نەخریێ ژ ناڤ مریانە، دا ئەوی د هەر تشتی دا جهێ ئێكێ هەبیت.

1 تیمۆتاوس 6:13

ل بەرامبەر خودێ، ئەوێ ژیانێ ددەتە هەمیان و ل بەرامبەر مەسیح عیسای، ئەوێ ل بەرامبەر پیلاتۆسێ پونتی شاهدەییا باش دای، تە رادسپێرم

1 تیمۆتاوس 6:15

خودێ دێ دیاربوونا وی د دەمێ خۆ یێ دەستنیشانكری دا ئاشكرا كەت، ئەو خودایێ هەژی پەسنێ و سەروەرێ ئێكانە، پاشایێ پاشایان و خودانێ خودانان،

عیبرانی 10:29

ئەڤجا ب دیتنا هەوە، ئەوێ كوڕێ خودێ بێڕێز كری و خوینا پەیمانێ یا ئەو پێ هاتیە پیرۆزكرن وەكو تشتەكێ هەڕمی دیتی و سڤكاتی ب گیانێ كەرەمێ كری، هەژی سزایەكێ چەند دژوارترە؟

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 1:19

لێ ب خوینەكا بهاگران، هەروەكو یا بەرخەكێ بێكێماسی و بێپنی بیت، هاتینە ئازاد كرن، ئەو ژی خوینا مەسیحیە.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 4:10

حەزژێكرن ئەڤەیە: نە كو مە حەز ژ خودێ كریە، لێ وی حەز ژ مە كر و كوڕێ خۆ هنارت دا ببیتە كەفارەتا گونەهێن مە.

ئاشكراكرن 11:15

فریشتەیێ حەفتێ ل بۆڕیزانێ دا و دەنگێن مەزن ژ ئەسمانی هاتن، دگۆتن: «پاشایەتیا جیهانێ یا بوویە یا خودانێ مە و مەسیحێ وی، ئەو دێ هەتا هەتایێ پاشایەتیێ كەت.»

ئاشكراكرن 11:3

ئەز ژی دێ دەستهەلاتێ دەمە هەردوو شاهدێن خۆ و ئەو دێ ب جلكێن ژ خراری هزار و دوو سەد و شێست رۆژان پەیامێ راگەهینن.»

ئاشكراكرن 17:14

ئەو دێ ل دژی بەرخی كەڤنە جەنگێ و بەرخ دێ ل سەر وان ب سەر كەڤیت، چنكو ئەو خودانێ خودانانە و پاشایێ پاشایانە. گازیكری و هەلبژارتی و دلسۆزێن وی دێ ل گەل وی بن.»

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.

ئاشكراكرن 19:16

ل سەر كوركێ وی و ل سەر رانێ وی ناڤەك یێ نڤیسای بوو: ‹پاشایێ پاشایان و خودانێ خودانان.›

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت:

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.