ئاشكراكرن 1:16 - ئنجیلا پیرۆز

¹⁶ د دەستێ وی یێ راستێ دا حەفت ستێر هەبوون و ژ دەڤێ وی شیرەكێ دوو دەڤ یێ تیژ دەردكەفت و دێمێ وی وەكو رۆژێ بوو، ئەوا ب هەمی هێزا خۆ شەوقێ ددەت.

ئاشكراكرن 1:16 ပူးပေါင်းရင်းမြစ်များ

مزگینیا مەتتای 17:2

دیمەنێ وی ل بەر چاڤێن وان هاتە گوهۆڕین و دێمێ وی وەكو رۆژێ روهن بوو، جلكێن وی وەكو رۆناهیێ سپی بوون،

كارێن هنارتیان 26:13

پاشایێ هێژا، نیڤرۆ ل سەر رێكێ، من رۆناهیەك دیت ژ رۆناهیا رۆژێ ب شەوقتر بوو، دەوروبەرێن من و ئەوێن ل گەل من روهن كر.

ئەفەسۆس 6:17

كومزریێ قورتالبوونێ بكەنە سەرێ خۆ و شیرێ گیانێ پیرۆز، كو پەیڤا خودێیە، هەلگرن.

عیبرانی 4:12

پەیڤا خودێ یا زیندی و كاریگەرە، ژ هەر شیرەكێ دوودەڤ تیژترە، ئەو هەتا د ناڤبەرا دەروون و گیانی دا و گە‍‌ھ و مەژیێ هەستی دا دبڕیت، دشێت هزر و نیازێن دلی یێن باش و خراب ژ ئێك جودا بكەت.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 10:1

هنگی من فریشتەیەكێ دی یێ بهێز دیت، ژ ئەسمانی دهاتە خوارێ، عەورەك د وی یێ پێچای بوو و كەسكوسۆرەك ل هنداڤی سەرێ وی بوو و دێمێ وی وەكو رۆژێ بوو و پێیێن وی وەكو ستوینێن ئاگری بوون.

ئاشكراكرن 12:1

پشتی هنگی نیشانەكا مەزن ل ئەسمانی دیار بوو: ئەو ژی ژنكەك بوو، رۆژ وەكو كراسەكی ل بەر بوو و هەیڤ ل بن پێیێن وێ بوو و تانجەكا ژ دوازدە ستێران ل سەر سەرێ وێ بوو،

ئاشكراكرن 19:15

ژ دەڤێ وی شیرەكێ تیژ دەردكەڤیت، دا ب وی ل مللەتان بدەت و ‹ئەو دێ ب گۆپالەكێ ئاسنی حوكمداریێ ل سەر وان كەت.› ئەو ب خۆ دێ ئویسلەیا شەرابا تۆڕەبوونا خودێ یا دژوار، هێزدارێ هەر تشتی، ب پێیان گڤێشیت.

ئاشكراكرن 19:21

یێن ماین ب شیرێ ژ دەڤێ سیارێ هەسپی دەردكەفت هاتنە كوشتن و هەمی باڵندە ژ گۆشتێ وان تێر بوون.

ئاشكراكرن 2:1

«بۆ فریشتەیێ جڤاكا باوەرداران ل ئەفەسۆسێ بنڤیسە: ‹ئەوێ حەفت ستێران د دەستێ خۆ یێ راستێ دا دگریت و د ناڤەڕاستا حەفت چرادانكێن زێڕین دا بڕێڤە دچیت، ڤان تشتان دبێژیت:

ئاشكراكرن 2:12

«بۆ فریشتەیێ جڤاكا باوەرداران ل پەرگامایێ بنڤیسە: ‹ئەوێ شیرێ تیژ یێ دوودەڤ هەی، ڤان تشتان دبێژیت:

ئاشكراكرن 2:16

ئەڤجا ل خۆ بزڤڕە. ئەگەر نە، ئەز دێ زوی هێمە نك تە و شەڕێ وان ب شیرێ دەڤێ خۆ كەم.

ئاشكراكرن 3:1

«بۆ فریشتەیێ جڤاكا باوەرداران ل ساردیسێ بنڤیسە: ‹ئەوێ حەفت گیانێن خودێ و حەفت ستێر هەین، ڤان تشتان دبێژیت: من های ژ كریارێن تە هەیە، تۆ ب ناڤی یێ زیندی، لێ تۆ یێ مری.