ئاشكراكرن 1:1 - ئنجیلا پیرۆز

¹ ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین.

ئاشكراكرن 1:1 ပူးပေါင်းရင်းမြစ်များ

مزگینیا یوحەننای 12:49

چنكو ئەز ژ نك خۆ نە ئاخفتیمە، لێ ئەو بابێ ئەز هنارتیم، وی فەرمانا ل من كری كا دێ چ بێژم و چ ئاخڤم.

مزگینیا یوحەننای 15:15

ئێدی ئەز نابێژمە هەوە ‹بەنی›، چنكو بەنی نزانیت خودانێ وی چ دكەت. لێ من گۆتە هەوە ‹خۆشتڤی›، چنكو هەر تشتێ من ژ بابێ خۆ بهیستی، من هوین تێگەهاندن.

مزگینیا یوحەننای 17:8

چنكو ئەو پەیڤێن تە داینە من، من دانە وان و وان وەرگرتن و ب راستی زانی كو ئەز یێ ژ نك تە هاتیم و وان باوەری ئینا كو تە ئەز یێ هنارتیم.

مزگینیا یوحەننای 3:32

ئەو شاهدەییێ ب وێ ددەت، یا وی دیتی و بهیستی و كەس شاهدەییا وی قەبیل ناكەت.

مزگینیا یوحەننای 8:26

من گەلەك تشت هەنە كو د دەرهەقا هەوە دا بێژم و هەوە پێ داد بكەم. لێ ئەوێ ئەز هنارتیم یێ راستە و ئەوا من ژ وی بهیستی ئەز وێ دبێژمە جیهانێ.»

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

گالاتیا 1:12

من ئەو ژ چ مرۆڤان وەرنەگرتیە و كەسێ ژی ئەز فێر نەكریمێ، لێ ب پەیاما عیسایێ مەسیح من وەرگرتییە.

ئەفەسۆس 3:3

كو ئەو نهێنی ب رێكا سرۆشێ بۆ من ئاشكرا كریە، هەروەكو پێشتر من ب كورتی نڤیسی.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

ئاشكراكرن 1:19

ئەڤجا ئەو تشتێن تە دیتین و ئەوێن نوكە هەین و ئەوێن ل بەرە پشتی ڤان چێببن، بنڤیسە.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 17:1

پاشی ئێك ژ وان حەفت فریشتەیێن حەفت ترار ڤێ بوون هات و ل گەل من ئاخفت و گۆت: «وەرە، ئەز دێ سزایێ لەشفرۆشا مەزن، ئەوا ل سەر گەلەك ئاڤان روینشتی، نیشا تە دەم،

ئاشكراكرن 19:10

ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە.»

ئاشكراكرن 19:9

پاشی فریشتەی گۆتە من: «بنڤیسە: ‹خوزیكێن وان یێن بۆ مێڤانداریا داوەتا بەرخی هاتینە داخواز كرن!›» و گۆتە من: «ئەو پەیڤێن خودێ یێن راستن.»

ئاشكراكرن 21:2

من دیت باژێڕێ پیرۆز، ئورشەلیما نوی، یا ئامادەبووی وەكو بویكەكا خەملاندی بۆ زاڤایێ خۆ، ژ ئەسمانی، ژ نك خودێ دهاتە خوارێ.

ئاشكراكرن 21:9

پشتی هنگی ئێك ژ وان حەفت فریشتەیێن حەفت ترارێن تژی ژ حەفت دربێن دویماهیێ ڤێ بوون هات و ل گەل من ئاخفت و گۆت: «وەرە، ئەز دێ بویكێ، ئانكو ژنا بەرخی، نیشا تە دەم.»

ئاشكراكرن 22:1

پشتی هنگی فریشتەی رویبارێ ئاڤا ژیانێ یێ شەوقدار وەكو كریستالی نیشا من دا، ژ تەختێ خودێ و بەرخی دەردكەفت

ئاشكراكرن 22:16

«ئەز عیسامە، ئەوێ فریشتەیێ خۆ هنارتی، دا ئەز بۆ هەوە شاهدەییێ دەربارەی ڤان تشتان بۆ جڤاكێن باوەرداران بدەم. ئەز رە‍‌ھ و دویندەها داوودیمە، ستێرا سپێدێ یا گەشم.»

ئاشكراكرن 22:6

پاشی فریشتەی گۆتە من: «ئەڤ پەیڤە جهێ باوەریێنە و راستن. خودانی، خودایێ سرۆشێ ددەتە پێغەمبەران، فریشتەیێ خۆ هنارت داكو وان تشتان نیشا بەنیێن خۆ بدەت، یێن كو پێدڤیە زوی روی بدەن.»

ئاشكراكرن 22:8

ئەز یوحەننامە، ئەوێ ئەڤ تشتە بهیستین و دیتین. دەمێ من بهیستی و دیتی، من خۆ هاڤێتە ئەردی، دا ل بەر پێیێن فریشتەیێ ئەڤ تشتە نیشا من داین، سوجدێ ببەم،

ئاشكراكرن 22:9

لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.»

ئاشكراكرن 4:1

پشتی ڤان تشتان، من بەرێ خۆ دایێ، ئەڤە دەرگەهەك ل ئەسمانی یێ ڤەكری بوو! ئەو دەنگێ من ل بەراهیێ بهیستی یێ وەكو دەنگێ بۆڕیزانێ ل گەل من ئاخفتی، گۆت: «سەر بكەڤە ڤێرێ و ئەز دێ وان تشتان نیشا تە دەم یێن كو دڤێت پشتی ڤان تشتان روی بدەن.»

ئاشكراكرن 5:7

ئەو هات و پەرتووك ژ دەستێ راستێ یێ ئەوێ ل سەر تەختی روینشتی، وەرگرت.