مزگینیا یوحەننای 9:16 - ئنجیلا پیرۆز

¹⁶ ئینا هندەك فەریسیان گۆت: «ئەڤ مرۆڤە نە ژ نك خودێیە، چنكو ئەو پێگیریێ ب شەمبیێ ناكەت.» لێ هندەكێن دی گۆت: «چەوا زەڵامەكێ گونەهكار دشێت ڤان نیشانان بكەت؟» هۆسا د ناڤبەرا وان دا دووبەرەكی هەبوو.

مزگینیا یوحەننای 9:16 ပူးပေါင်းရင်းမြစ်များ

مزگینیا مەتتای 12:10

وەسا چێبوو مرۆڤەكێ دەست گورۆج ل وێرێ بوو. وان پرسیار ژ عیسای كر: «ئەرێ ساخكرن ل شەمبیێ رەوایە؟» مەبەستا وان ئەو بوو كو عیسای تاوانبار بكەن.

مزگینیا مەتتای 12:2

دەمێ فەریسیان دیتی، گۆتێ: «بەرێ خۆ بدێ، شاگردێن تە یێ وێ دكەن، ئەوا نە رەوایە د شەمبیێ دا بهێتە كرن!»

مزگینیا لوقای 13:14

لێ سەرۆكێ كنیشتەیێ گەلەك تۆڕە بوو، چنكو عیسای ئەو ژنك ل رۆژا شەمبیێ ساخكر، ئینا گۆتە كۆمبوویان: «شەش رۆژ هەنە پێدڤیە مرۆڤ تێدا كار بكەت، د ڤان رۆژان دا وەرن بۆ ساخكرنێ، نەكو ل رۆژا شەمبیێ.»

مزگینیا یوحەننای 10:19

ب ڤێ گۆتنێ، جارەكا دی دووبەرەكی كەفتە د ناڤ جوهیان دا.

مزگینیا یوحەننای 14:11

باوەر ژ من بكەن كو ئەز یێ د ناڤ بابی دا و باب یێ د ناڤ من دا. ئەگەر نە، ژ بەر وان كاران ب خۆ باوەر بكەن.

مزگینیا یوحەننای 15:24

ئەگەر من ئەو كار د ناڤبەرا وان دا نەكربان، یێن ژبلی من كەسێ نەكرین، دا د بێگونە‍‌ھ بن، لێ نوكە وان دیتن و كەرب ژ من و ژ بابێ من ژی ڤەبوون.

مزگینیا یوحەننای 2:11

عیسای ئەڤ تشتە ل قانایا جەلیلێ كر، ئەڤە نیشانا وی یا دەستپێكێ بوو. ئەوی هۆسا مەزناهیا خۆ دیار كر و شاگردێن وی باوەری پێ ئینا.

مزگینیا یوحەننای 3:2

ئەڤە ب شەڤێ هاتە نك عیسای و گۆتێ: «رابی، ئەم دزانین تۆ مامۆستایەكی ژ نك خودێ هاتی، چنكو كەس نەشێت وان نیشانێن تۆ دكەی بكەت، ئەگەر خودێ ل گەل نەبیت.»

مزگینیا یوحەننای 5:10

ئینا جوهیان گۆتە ئەوێ ساخ بووی: «ئەڤرۆ شەمبیە، نە رەوایە تۆ نڤینێن خۆ هەلگری.»

مزگینیا یوحەننای 5:36

لێ من شاهدەییەكا مەزنتر ژ شاهدەییا یوحەننای یا هەی. ئەو كارێن بابی داینە من دا ئەنجام بدەم، ئەوێن ئەز نوكە دكەم، ئەو ب خۆ شاهدەییێ بۆ من ددەن كو بابی ئەز یێ هنارتیم.

مزگینیا یوحەننای 6:52

ئەڤجا شەڕەدەڤەك د ناڤبەرا جوهیان دا چێبوو و گۆتن: «ئەڤە چەوا دشێت لەشێ خۆ بدەتە مە، كو بخۆین؟»

مزگینیا یوحەننای 7:12

د ناڤبەرا جەماوەری دا گەلەك پستەپست دەربارەی وی هەبوو، هندەكان دگۆت: «ئەو یێ باشە» و هندەكێن دی دگۆت: «نە! ئەو مللەتی د سەردا دبەت.»

مزگینیا یوحەننای 7:23

مادەم ل رۆژا شەمبیێ مرۆڤ دهێتە سونەتكرن دا دەستوورێ مووسای نەهێتە شكاندن، پا بۆچی هوین ژ من تۆڕە دبن چنكو من مرۆڤەك ب تەمامی ل رۆژا شەمبیێ ساخ كر؟

مزگینیا یوحەننای 7:43

ئەڤجا ژ بەر وی، دووبەرەكی د ناڤ جەماوەری دا چێبوو.

مزگینیا یوحەننای 9:24

ئەڤجا وان بۆ جارا دوویێ گازی وی مرۆڤێ بەری هنگی كۆرە كر و گۆتنێ: «ل بەرامبەری خودێ سویند بخۆ كو دێ راستیێ بێژی! ئەم دزانین ئەو مرۆڤ یێ گونەهكارە.»

كارێن هنارتیان 14:4

خەلكێ كۆنیایێ ژی بوونە دوو پشك: هندەك ل گەل جوهیان بوون، هندەك ژی ل گەل هەردوو هنارتیان بوون.