مزگینیا یوحەننای 8:34 - ئنجیلا پیرۆز

³⁴ عیسای بەرسڤا وان دا: «ب راستی ب راستی دبێژمە هەوە: هەر كەسێ گونەهێ دكەت، ئەو بەنیێ گونەهێیە.

مزگینیا یوحەننای 8:34 ပူးပေါင်းရင်းမြစ်များ

مزگینیا مەتتای 5:18

ئەز راستیێ دبێژمە هەوە: هەتا ئەرد و ئەسمان ژ ناڤ نەچن، پیتەك یان خالەك ژ دەستووری ژ ناڤ ناچیت، هەتا هەمی ب ج‍‌ھ نەهێت.

مزگینیا یوحەننای 3:3

عیسای بەرسڤا وی دا و گۆتێ: «ب راستی ب راستی دبێژمە تە: كەس نەشێت پاشایەتیا خودێ ببینیت، ئەگەر جارەكا دی ژ دایك نەبیتەڤە.»

كارێن هنارتیان 8:23

چنكو ئەز دبینم تۆ یێ د تەحلاتیا زكڕەشیێ و خەفكا گونەهان دا!»

رۆما 6:12

ئەڤجا نەهێلن گونە‍‌ھ د لەشێ هەوە یێ مربار دا دەستهەلاتێ بكەت، دا هوین ملكەچی حەزێن وی نەبن.

رۆما 6:16

ما هوین نزانن كو ئەوێ هوین ژ بۆ بەنیاتیێ خۆ ب دەست وی ڤە بەرددەن و گوهداریا وی دكەن، دبنە بەنیێن وی یێ هوین گوهداریا وی دكەن؟ یان بەنیێن گونەهێ كو مرۆڤی بەرەڤ مرنێ دبەت، یان ژی بەنیێن گوهداریێ كو مرۆڤی بەرەڤ راستداریێ دبەت.

رۆما 6:6

ئەم دزانین ئەو مرۆڤێ كەڤن، كو ئەم بووین ل دەمێ بەرێ، ل گەل وی هاتە خاچدان، دا لەشێ مە یێ گونەهكار ژ كار بكەڤیت و ئێدی بەنیاتیێ بۆ گونەهێ نەكەین.

رۆما 7:14

چنكو ئەم دزانین دەستوور یێ روحانیە، لێ ئەز لەشكانیمە و وەكو بەنی بۆ گونەهێ هاتیمە فرۆتن.

رۆما 7:25

سوپاس بۆ خودێ، ئەوێ ڤێ رزگاركرنێ ب رێیا خودانێ مە عیسایێ مەسیح ددەتە مە! ئەڤجا ئەز ب خۆ ب زێهنێ خۆ بەنیاتیا دەستوورێ خودێ دكەم، لێ ب لەشی بەنیاتیا یاسایا گونەهێ.

رۆما 8:21

كو ئافرندە ب خۆ ژی دێ ژ بەنیاتیا رزیبوونێ هێنە ئازادكرن، بەرەڤ ئازادیا ب مەزناهی یا زاڕۆكێن خودێ.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

2 پەترۆس 2:19

سۆزا ئازادیێ ددەنە وان، هەر چەندە ئەو ب خۆ بەنیێن پویچاتیێنە، چنكو ئەو تشتێ ل سەر مرۆڤی زاڵ دبیت، مرۆڤ دبیتە بەنیێ وی.