مزگینیا یوحەننای 5:23 - ئنجیلا پیرۆز

²³ دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

مزگینیا یوحەننای 5:23 ပူးပေါင်းရင်းမြစ်များ

مزگینیا مەتتای 10:37

هەر كەسێ باب یان دایكا خۆ پتر ژ من بڤێت، ئەو نە هەژی منە و هەر كەسێ كوڕێ خۆ یان كچا خۆ پتر ژ من بڤێت، دیسان ئەو نە هەژی منە.

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 12:21

هیڤیا مللەتان دێ ب ناڤێ وی ڤە هێتە گرێدان.»

مزگینیا مەتتای 15:8

‹ئەڤ مللەتە ب دەڤی رێزێ ل من دگریت، لێ دلێ وی گەلەك یێ ژ من دویرە.

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا لوقای 10:16

ئەوێ گوهداریا هەوە بكەت، ئەوی گوهداریا من كر و ئەوێ هەوە رەت بكەت، ئەز رەت كرم و یێ من رەت بكەت، ئەوی ئەو رەت كر یێ ئەز هنارتیم.»

مزگینیا یوحەننای 14:1

«دلتەنگ نەبن. پشتا خۆ ب خودێ راست كەن، هەروەسا پشتا خۆ ب من ژی راست كەن.

مزگینیا یوحەننای 16:14

ئەو دێ من مەزن كەت، چنكو ئەو دێ ژ من وەرگریت و بۆ هەوە راگەهینیت.

مزگینیا یوحەننای 17:10

هەر تشتەكێ من، یێ تەیە و هەر تشتەكێ تە، یێ منە و ئەز ب وان هاتیمە مەزنكرن.

رۆما 1:7

بۆ هەمی خۆشتڤیێن خودێ یێن ل رۆمایێ، ئەوێن هاتینە گازیكرن دا ببنە پیرۆزكریێن خودێ: كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

رۆما 15:12

ئیشایا پێغەمبەر ژی دبێژیت: «تایەك دێ ژ رەها یێشای دەركەڤیت، ئەوێ بۆ حوكمداریێ ل سەر مللەتێن نەجوهی رادبیت، مللەت دێ هیڤیا خۆ ب وی ڤە گرێ دەن.»

رۆما 6:22

لێ نوكە كو هوین ژ گونەهێ هاتینە ئازادكرن و بووینە بەنیێن خودێ، هوین بەرهەمی بۆ پیرۆزیێ ب دەست خۆ ڤە دئینن، ئەنجام ژی ژیانا هەروهەرە.

رۆما 8:9

لێ هوین ل دویڤ لەشی ناژین، هوین ل دویڤ گیانێ پیرۆز دژین، ئەگەر ب راستی گیانێ خودێ د هەوە دا یێ ئاكنجی بیت. هەر كەسێ گیانێ مەسیحی تێدا نەبیت، ئەو نە یێ ویە،

1 كورنتۆس 1:3

كەرەم و ئاشتی ژ بابێ مە خودێ و ژ خودان عیسایێ مەسیح ل سەر هەوە بن.

1 كورنتۆس 10:31

ئەڤجا ئەگەر هوین بخۆن، یان ڤەخۆن، یان چ تشتێ بكەن، هەمی تشتان بۆ مەزناهیا خودێ بكەن.

1 كورنتۆس 16:22

ئەگەر ئێك حەز ژ خودانی نەكەت، نفرین ل وی بن. ماراناتا!

1 كورنتۆس 6:19

یان ژی ما هوین نزانن كو لەشێ هەوە پەرستگەها گیانێ پیرۆزە، ئەوێ كو د ناڤ هەوە دایە، ئەوێ هەوە ژ خودێ وەرگرتی؟ هوین نە یێن خۆنە،

2 كورنتۆس 1:9

ب راستی، مە هەست كر كو حوكمێ مرنێ ل سەر مە یێ هاتیە دان، لێ ئەڤ تشتە چێبوو داكو ئەم پشتگەرمێن خۆ نەبین، لێ پشتگەرمێن خودێ بین، ئەوێ مریان رادكەتەڤە.

2 كورنتۆس 13:14

كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن.

2 كورنتۆس 5:14

حەزژێكرنا مەسیحی مە نەچار دكەت وێ چەندێ بكەین، چنكو ئەم گەهشتینە وی ئەنجامی كو ئێك ژ پێخەمەت هەمیان مر، لەوما هەمی مرن.

2 كورنتۆس 5:19

ئانكو خودێ د كەسایەتیا مەسیحی دا جیهان ل گەل خۆ ئاشت دكر، گونەهێن وان ل سەر نەهژمارتن و پەیاما ئاشتكرنێ ب مە سپارد.

ئەفەسۆس 6:24

كەرەم بۆ وان هەمیان بیت، ئەوێن ب حەزژێكرنەكا نەمر حەز ژ خودانێ مە عیسایێ مەسیح دكەن.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

عیبرانی 1:6

هەروەسا دەمێ كوڕێ خۆ یێ نەخری دئینیتە جیهانێ، دبێژیت: «بلا هەمی فریشتەیێن خودێ سوجدێ بۆ ببەن!»

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

1 یوحەننا 2:23

هەر كەسێ كوڕی ماندەل بكەت، وی بەهر د بابی دا نینە، لێ یێ دانپێدانێ ب كوڕی بكەت، بەهر د بابی ژی دا هەیە.

2 یوحەننا 1:9

هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.