مزگینیا یوحەننای 4:10 - ئنجیلا پیرۆز

¹⁰ عیسای بەرسڤا وێ دا و گۆتێ: «ئەگەر تە دانا خودێ زانیبا و ئەگەر تە زانیبا كا كیە دبێژیتە تە: ‹ئاڤێ بدە من،› تۆ دا ژێ داخواز كەی و ئەو دا ئاڤا ژیانێ دەتە تە.»

مزگینیا یوحەننای 4:10 ပူးပေါင်းရင်းမြစ်များ

مزگینیا لوقای 11:13

ئەڤجا ئەگەر هوین، سەرەڕای كو د خرابن ژی، دزانن تشتێن باش بدەنە زاڕۆكێن خۆ، پا چەند مسۆگەرتر بابێ ل ئەسمانی دێ گیانێ پیرۆز دەتە وان كەسێن ژێ دخوازن.»

مزگینیا یوحەننای 16:3

دێ ڤان تشتان كەن، چنكو ئەو نە بابی دنیاسن و نە ژی من دنیاسن.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 4:14

لێ ئەوێ ژ وێ ئاڤا ئەز ددەمێ ڤەخۆت، ئەو چ جاران تێهنی نابیت. ئەو ئاڤا ئەز ددەمێ، د وی دا دێ بیتە كانیەكا ئاڤێ، كو بزێت و ژیانا هەروهەر بدەت.»

مزگینیا یوحەننای 6:35

عیسای بەرسڤا وان دا: «ئەزم نانێ ژیانێ، ئەوێ بهێتە نك من چ جاران برسی نابیت و ئەوێ باوەریێ ب من بینیت، چ جاران تێهنی نابیت.

مزگینیا یوحەننای 6:51

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

كارێن هنارتیان 9:11

خودانی گۆتێ: «هەڕە وێ جادەیا دبێژنێ راست و ل مالا یەهودای پرسیارا زەڵامەكێ ژ تەرسۆسێ بكە، ناڤێ وی شائوولە، ئەو ڤێ گاڤێ ل وێرێ یێ نڤێژێ دكەت.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

1 كورنتۆس 10:4

هەمیان ژی هەمان ڤەخوارنا روحانی ڤەخوار. چنكو ژ وی كەڤرێ روحانی ڤەدخوار، یێ ل گەل وان دهات، ئەو كەڤر ژی مەسیح بوو.

2 كورنتۆس 9:15

سوپاس بۆ خودێ، ژ بەر دیاریا وی یا ناهێتە سالۆخدان!

ئەفەسۆس 2:8

چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

عیبرانی 6:4

چنكو ئەوێن جارەكێ رۆناهیا راستیا خودێ دیتی و تام كریە دیاریا ئەسمانی و بووینە هەڤپشك د گیانێ پیرۆز دا

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.

ئاشكراكرن 21:6

هەروەسا گۆتە من: «ب ج‍‌ھ هات! ئەز ئەلفا و ئۆمێگامە، دەستپێك و دویماهیك. ئەز دێ بێ بەرامبەر ژ كانیا ئاڤا ژیانێ دەمە یێ تێهنی.

ئاشكراكرن 22:17

گیانێ پیرۆز و بویك دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.

ئاشكراكرن 7:17

چنكو ئەو بەرخێ ل ناڤەڕاستا تەختی، دێ شڤانیێ ل وان كەت و دێ وان بەتە سەر كانیێن ئاڤا ژیانێ و خودێ دێ هەمی رۆندكان ژ چاڤێن وان ڤەمالیت.»