مزگینیا یوحەننای 3:5 - ئنجیلا پیرۆز

⁵ عیسای بەرسڤا وی دا: «ب راستی ب راستی دبێژمە تە: كەس نەشێت بچیتە د پاشایەتیا خودێ دا ئەگەر ژ ئاڤێ و گیانی ژ دایك نەبیت.

مزگینیا یوحەننای 3:5 ပူးပေါင်းရင်းမြစ်များ

مزگینیا مەتتای 18:3

و گۆت: «ب راستی دبێژمە هەوە: ئەگەر هوین نەهێنە گوهۆڕین و وەكو زاڕۆكان لێ نەهێن، چ جاران هوین ناچنە د پاشایەتیا ئەسمانان دا.

مزگینیا مەتتای 19:24

دیسان دبێژمە هەوە: چوونا حێشترێ د كونا دەرزیكێ را ب ساناهیترە ژ ب ژۆركەفتنا دەولەمەندەكی بۆ پاشایەتیا خودێ.»

مزگینیا مەتتای 21:31

كێ ژ هەردوویان ب حەزا بابێ خۆ كر؟» ئەوان بەرسڤ دا: «یێ ئێكێ.» عیسای گۆتە وان: «راستیێ دبێژمە هەوە: باجگر و لەشفرۆش بەری هەوە دچنە د پاشایەتیا خودێ دا.

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەتتای 3:11

ژ بۆ لخۆزڤڕینێ ئەز هەوە ب ئاڤێ تافیر دكەم، لێ ئەوێ پشتی من دهێت ژ من ب هێزترە، ئەز نە یێ هەژی هەلگرتنا پێلاڤا ویمە. ئەو دێ هەوە ب گیانێ پیرۆز و ئاگری تافیر كەت.

مزگینیا مەتتای 5:20

ئەڤجا ئەز دبێژمە هەوە: ئەگەر راستداریا هەوە ژ یا فەریسیان و مامۆستایێن دەستووری پتر نەبیت، چ جاران هوین ناچنە د ناڤ پاشایەتیا ئەسمانان دا.

مزگینیا مەرقۆسی 10:14

لێ دەمێ عیسای ئەڤ چەندە دیتی، تۆڕە بوو و گۆتە وان: «بهێلن زاڕۆك بهێنە نك من و رێ لێ نەگرن، چنكو پاشایەتیا خودێ بۆ یێن وەكو وانە.

مزگینیا مەرقۆسی 16:16

یێ باوەریێ بینیت و بهێتە تافیركرن، دێ قورتال بیت و یێ باوەریێ نەئینیت دێ هێتە گونەهباركرن.

مزگینیا مەرقۆسی 9:47

ئەگەر چاڤێ تە ببیتە ئەگەرێ هەلنگفتنا تە، بینە دەر. باشترە تۆ یێ ب چاڤەكی بی و بچیە د پاشایەتیا خودێ دا، ژ كو تۆ یێ ب دوو چاڤان بی و بۆ دۆزەخێ بهێیە هاڤێتن،

مزگینیا لوقای 13:24

«خەباتێ بكەن دا د دەرگەهێ تەنگ را بچنە ژۆر. ئەز دبێژمە هەوە: گەلەك دێ بزاڤێ كەن بچنە ژۆر، لێ ئەو نەشێن.

مزگینیا لوقای 13:3

ئەز دبێژمە هەوە: نەخێر، لێ ئەگەر هوین ل خۆ نەزڤڕن، هوین هەمی ژی دێ وەسا ژ ناڤ چن.

مزگینیا لوقای 13:5

ئەز دبێژمە هەوە: نەخێر، لێ ئەگەر هوین هەمی ل خۆ نەزڤڕن، هوین ژی دێ وەسا ژ ناڤ چن.»

مزگینیا یوحەننای 1:13

ئەوێن نە ژ خوینێ و نە ژ حەزا لەشی و نە ب بڕیارا زەڵامەكی بووین، لێ ئەوێن ژ خودێ بووین.

مزگینیا یوحەننای 3:3

عیسای بەرسڤا وی دا و گۆتێ: «ب راستی ب راستی دبێژمە تە: كەس نەشێت پاشایەتیا خودێ ببینیت، ئەگەر جارەكا دی ژ دایك نەبیتەڤە.»

مزگینیا یوحەننای 3:4

نیكودیمۆسی پرسیار ژێ كر: «دێ چەوا مرۆڤ ژ دایك بیتەڤە و ئەو یێ پیر؟ ئەرێ ما دێ شێت چیتە د زكێ دایكا خۆ دا و پاشی ژ دایك بیتەڤە؟»

كارێن هنارتیان 2:38

پەترۆسی بەرسڤا وان دا و گۆت: «ل خۆ بزڤڕن و بلا هەر كەسەك ژ هەوە بۆ لێبورینا گونەهان ب ناڤێ عیسایێ مەسیح بهێتە تافیركرن و دێ دیاریا گیانێ پیرۆز وەرگریت،

كارێن هنارتیان 3:19

ئەڤجا ل خۆ بزڤڕن و بۆ خودێ ڤەگەڕنەڤە دا ل گونەهێن هەوە بهێتە بورین،

رۆما 14:17

چنكو بابەتێ پاشایەتیا خودێ نە خوارن و ڤەخوارنن، لێ راستداری، ئاشتی و دلخۆشینە ب گیانێ پیرۆز.

رۆما 8:2

چنكو یاسایا گیانێ ب رێیا مەسیح عیسای ژیانێ ددەت، تۆ ژ یاسایا گونە‍‌ھ و مرنێ ئازاد كری.

1 كورنتۆس 15:50

ئەز ڤێ دبێژم، گەلی خویشك و برایان: خوین و گۆشت نەشێن ببنە میراتگرێن پاشایەتیا خودێ، نە ژی یێ درزیت دبیتە میراتگرێ یێ نارزیت.

1 كورنتۆس 2:12

ئەڤجا مە نە گیانێ جیهانێ، لێ گیانێ كو ژ خودێ دهێت، یێ وەرگرتی، دا وان تشتان بزانین یێن خودێ ژ كەرەما خۆ داینە مە.

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

گالاتیا 6:15

چنكو سونەتبوونێ و سونەتنەبوونێ ژی مفا بۆ مرۆڤی نینە، ب تنێ یا مفای دگەهینیتە وی ئەوە كو ببیتە ئافرندەیەكێ نوی.

ئەفەسۆس 5:26

دا وێ ب شویشتنێ ب ئاڤێ ئانكو ب پەیڤێ پاقژ بكەت و هۆسا وێ پیرۆز بكەت،

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

1 یوحەننا 2:29

ئەگەر هوین بزانن كو ئەو یێ راستدارە، هوین دزانن كو هەر كەسێ راستداریێ بكەت، یێ ژ وی بووی.

1 یوحەننا 5:1

هەر كەسێ باوەر دكەت كو عیسا مەسیحە، ئەو كەس یێ ژ خودێ بووی. هەر كەسێ حەز ژ بابی دكەت ژی، حەز ژ وی ژی دكەت یێ ژ بابی بووی.