مزگینیا یوحەننای 3:2 - ئنجیلا پیرۆز

² ئەڤە ب شەڤێ هاتە نك عیسای و گۆتێ: «رابی، ئەم دزانین تۆ مامۆستایەكی ژ نك خودێ هاتی، چنكو كەس نەشێت وان نیشانێن تۆ دكەی بكەت، ئەگەر خودێ ل گەل نەبیت.»

مزگینیا یوحەننای 3:2 ပူးပေါင်းရင်းမြစ်များ

مزگینیا مەتتای 22:16

ئینا هندەك شاگردێن خۆ ل گەل لایەنگرێن هێرودێسی هنارتنە نك وی و گۆتنێ: «مامۆستا، ئەم دزانین تۆ یێ راستگۆی و رێكا خودێ راست نیشا خەلكی ددەی، تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان.

مزگینیا مەتتای 23:7

و ل بازاڕان سڵاڤ لێ بهێنە كرن و خەلك بێژیتە وان ‹رابی›.

مزگینیا مەتتای 23:8

لێ بلا هوین ب ‹رابی› نەهێنە گازی كرن، چنكو مامۆستایێ هەوە ئێكە و هوین هەمی برانە.

مزگینیا مەرقۆسی 12:14

ئینا هاتن و گۆتنێ: «مامۆستا، ئەم دزانین تۆ یێ راستگۆی. تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان، لێ تۆ رێكا خودێ راست نیشا خەلكی ددەی. ئەرێ رەوایە باج بۆ قەیسەری بهێتە دان یان نە؟ ئەم بدەین یان نەدەین؟»

مزگینیا یوحەننای 1:38

عیسا ل خۆ زڤڕی، دیت كو ئەو یێ ل دویڤ وی دچن، ژ وان پرسی: «هەوە چ دڤێت؟» گۆتن: «رابی،» ئەوا وەرگێڕانا وێ مامۆستا، «تۆ ل كیرێ یێ ئاكنجی؟»

مزگینیا یوحەننای 10:38

لێ ئەگەر ئەز كارێن وی دكەم، خۆ ئەگەر هوین باوەر ژ من ژی نەكەن، باوەر ژ وان كاران بكەن، دا هوین بزانن و تێبگەهن كو باب یێ د ناڤ من دا و ئەز یێ د ناڤ وی دا.»

مزگینیا یوحەننای 12:37

سەرەڕای كو وی ل بەرامبەری وان ئەڤ هەمی نیشانە كرن، وان باوەری ب وی نەئینا،

مزگینیا یوحەننای 14:10

ئایا تۆ باوەر ناكەی كو ئەز یێ د ناڤ بابی دا و باب یێ د ناڤ من دا؟ ئەو ئاخفتنێن ئەز دبێژمە هەوە، ئەز ژ نك خۆ نابێژم، لێ ئەو بابێ د ناڤ من دا یێ بنەجهە، كارێن خۆ دكەت.

مزگینیا یوحەننای 15:24

ئەگەر من ئەو كار د ناڤبەرا وان دا نەكربان، یێن ژبلی من كەسێ نەكرین، دا د بێگونە‍‌ھ بن، لێ نوكە وان دیتن و كەرب ژ من و ژ بابێ من ژی ڤەبوون.

مزگینیا یوحەننای 2:11

عیسای ئەڤ تشتە ل قانایا جەلیلێ كر، ئەڤە نیشانا وی یا دەستپێكێ بوو. ئەوی هۆسا مەزناهیا خۆ دیار كر و شاگردێن وی باوەری پێ ئینا.

مزگینیا یوحەننای 20:16

عیسای گۆتێ: «مەریەم!» ئینا ئەو ل خۆ زڤڕی و ب عیبرانی گۆتێ: «رابۆنی!» ئانكو «مامۆستا.»

مزگینیا یوحەننای 3:26

ئەو چوونە نك یوحەننای و گۆتنێ: «رابی، ئەو كەسێ ل لایێ دی یێ رویبارێ ئوردن ل گەل تە بوو، ئەوێ كو تە شاهدەیی بۆ دای، ئەڤە ئەو یێ تافیركرنێ دكەت و هەمی خەلك دچنە نك وی.»

مزگینیا یوحەننای 4:31

د وی دەمی دا، شاگردان هیڤی ژێ دكرن و دگۆتنێ: «رابی، تشتەكی بخۆ!»

مزگینیا یوحەننای 5:36

لێ من شاهدەییەكا مەزنتر ژ شاهدەییا یوحەننای یا هەی. ئەو كارێن بابی داینە من دا ئەنجام بدەم، ئەوێن ئەز نوكە دكەم، ئەو ب خۆ شاهدەییێ بۆ من ددەن كو بابی ئەز یێ هنارتیم.

مزگینیا یوحەننای 6:2

گەلەك خەلك ب دویڤ كەفتن، چنكو وان ئەو نیشان دیتن، ئەوێن وی ژ بۆ نەساخان دكرن.

مزگینیا یوحەننای 7:31

لێ گەلەك ژ جەماوەری باوەری پێ ئینا و گۆتن: «ما دەمێ مەسیح بهێت، ئەو دێ پتر نیشانان كەت ژ یێن ڤی زەڵامی كرین؟»

مزگینیا یوحەننای 9:16

ئینا هندەك فەریسیان گۆت: «ئەڤ مرۆڤە نە ژ نك خودێیە، چنكو ئەو پێگیریێ ب شەمبیێ ناكەت.» لێ هندەكێن دی گۆت: «چەوا زەڵامەكێ گونەهكار دشێت ڤان نیشانان بكەت؟» هۆسا د ناڤبەرا وان دا دووبەرەكی هەبوو.

كارێن هنارتیان 10:38

كا چەوا خودێ عیسایێ ناسیرەیی ب گیانێ پیرۆز و ب هێزێ زەیت كر، ئەڤجا عیسا ژ جهەكی دچوو جهەكی و چاكی دكرن و هەمی ئەوێن ئبلیسی ئێخستینە بن هێزا خۆ، ساخ دكرن، چنكو خودێ د گەل وی دا بوو.

كارێن هنارتیان 2:22

گەلی ئیسرائیلیان، گوهێ خۆ بدەنە ڤێ ئاخفتنێ: عیسایێ ناسیرەیی مرۆڤەكە ژ لایێ خودێ ڤە بۆ هەوە هاتیە پەسەندكرن. هەروەكو هوین دزانن، خودێ ل سەر دەستێ وی گەلەك حنێر و مەندەهۆشی و نیشان د ناڤ هەوە دا یێن كرین.

فیلیپی 1:14

گرتنا من باوەریا پڕانیا برایان ب خودانی قاییم كر، ئەڤجا ئەو نوكە گەلەك زێدەتر دوێرن پەیڤێ بێ ترس رابگەهینن.