مزگینیا یوحەننای 3:16 - ئنجیلا پیرۆز

¹⁶ خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 3:16 ပူးပေါင်းရင်းမြစ်များ

مزگینیا مەتتای 9:13

ئەڤجا هەڕن و د ڤێ گۆتنێ بگەهن: ‹من دلۆڤانی دڤێت، نەكو قوربان.› ئەز نەهاتیمە گازی مرۆڤێن راستدار بكەم، لێ یێن گونەهكار.»

مزگینیا مەرقۆسی 12:6

ئەوی ئێك مابوو، ئەو ژی كوڕێ وی یێ خۆشتڤی بوو، ئینا ل دویماهیێ هنارتە نك وان. وی د دلێ خۆ دا دگۆت: ‹دێ رێزێ ل كوڕێ من گرن.›

مزگینیا لوقای 2:14

«مەزناهی بۆ خودێ ل بلنداهیان و ل سەر ئەردی ژی ئاشتی بۆ مرۆڤان، یێن كو خودێ ژێ رازی.»

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 10:28

ئەز ژیانا هەروهەر ددەمێ و ئەو قەت ژ ناڤ ناچن، كەس ژی وان ژ دەستێ من دەرنائێخیت.

مزگینیا یوحەننای 3:15

داكو هەر كەسێ باوەریێ پێ بینیت، ژیانا هەروهەر هەبیت.

مزگینیا یوحەننای 3:18

ئەوێ باوەریێ پێ بینیت ناهێتە گونەهباركرن، لێ ئەوێ باوەریێ پێ نەئینیت، ئەو هەر ژ نوكە هاتیە گونەهباركرن، چنكو وی باوەری ب ناڤێ كوڕێ خودێ یێ ئێكانە نەئینا.

مزگینیا یوحەننای 3:36

ئەوێ باوەریێ ب كوڕی بینیت، ژیانا هەروهەر یا هەی. ئەوێ ب گۆتنا كوڕی نەكەت، ئەو ژیانێ نابینیت، لێ تۆڕەبوونا خودێ ل سەر وی دمینیت.

مزگینیا یوحەننای 6:40

چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»

رۆما 5:10

ئەگەر دەمێ ئەم دوژمنێن وی بووین، خودێ ب مرنا كوڕێ خۆ ل گەل مە ئاشت بوو، نوكە پشتی ئەم ل گەل وی د ئاشت، چەند مسۆگەرتر ب ژیانا كوڕێ وی دێ قورتال بین.

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

ئەفەسۆس 2:4

لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

تیتۆس 3:4

لێ دەمێ دلنازكی و چاكیا قورتالكەرێ مە خودێ دیار بووین،

عیبرانی 2:9

لێ ئەم عیسای دبینین كو بۆ دەمەكێ كورت ژ فریشتەیان نزمتر هاتبوو دانان، نوكە تانجا مەزناهی و سەربلندیێ یا د سەرێ وی، ژ بەر كو وی ئازارا مرنێ كێشا، دا ژ كەرەما خودێ ژ پێخەمەت هەر مرۆڤەكی تام كەتە مرنێ.

1 یوحەننا 3:1

بەرێ خۆ بدەنێ، چ حەزژێكرنە بابی دایە مە، داكو ب زاڕۆكێن خودێ بهێینە بناڤكرن! ب راستی ژی ئەم ئەوین. ژ بەر هندێ جیهان مە نانیاسیت، چنكو ئەو نەنیاسی.

1 یوحەننا 4:19

ئەم حەزژێكرنێ دكەین، چنكو ل بەراهیێ وی حەز ژ مە كر.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین