مزگینیا یوحەننای 3:11 - ئنجیلا پیرۆز

¹¹ ب راستی ب راستی دبێژمە تە: ئەم وێ دبێژین یا ئەم دزانین و شاهدەییێ ب وێ ددەین یا مە دیتی، لێ هوین شاهدەییا مە قەبیل ناكەن.

مزگینیا یوحەننای 3:11 ပူးပေါင်းရင်းမြစ်များ

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 23:37

ئورشەلیم، ئورشەلیم، هەی كوژەكا پێغەمبەران و بەربارانكەرا ئەوێن بۆ تە هاتینە هنارتن، چەند جاران من حەز دكر زاڕۆكێن تە خڕڤە بكەم، كا چەوا مریشك چیچەلۆكێن خۆ د بن چەنگێن خۆ ڤە خڕڤە دكەت، لێ هەوە نەڤیا!

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا یوحەننای 1:11

ئەو هاتە سەر ملكێ خۆ و خەلكێ وی ئەو قەبیل نەكر،

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 12:49

چنكو ئەز ژ نك خۆ نە ئاخفتیمە، لێ ئەو بابێ ئەز هنارتیم، وی فەرمانا ل من كری كا دێ چ بێژم و چ ئاخڤم.

مزگینیا یوحەننای 14:24

ئەوێ حەز ژ من نەكەت، پەیڤێن من ژی ب ج‍‌ھ نائینیت. ئەڤ پەیڤا هوین دبهیسن، نە ژ نك منە، لێ ژ نك بابیە، ئەوێ ئەز هنارتیم.

مزگینیا یوحەننای 3:12

من بۆ هەوە بەحسێ كاروبارێن ئەردی كر و هەوە باوەر نەكر، ئەڤجا دێ چەوا باوەر كەن، ئەگەر ئەز بۆ هەوە بەحسێ كاروبارێن ئەسمانی بكەم؟

مزگینیا یوحەننای 3:13

كەسەك سەرنەكەفتیە ئەسمانی، ئەگەر ئەو نەبیت، ئەوێ ژ ئەسمانی هاتیە خوارێ، كو ئەو ژی كوڕێ مرۆڤە.

مزگینیا یوحەننای 3:3

عیسای بەرسڤا وی دا و گۆتێ: «ب راستی ب راستی دبێژمە تە: كەس نەشێت پاشایەتیا خودێ ببینیت، ئەگەر جارەكا دی ژ دایك نەبیتەڤە.»

مزگینیا یوحەننای 3:5

عیسای بەرسڤا وی دا: «ب راستی ب راستی دبێژمە تە: كەس نەشێت بچیتە د پاشایەتیا خودێ دا ئەگەر ژ ئاڤێ و گیانی ژ دایك نەبیت.

مزگینیا یوحەننای 5:43

ئەز ب ناڤێ بابێ خۆ هاتم، لێ هەوە ئەز قەبیل نەكرم. ئەگەر ئێكێ دی ب ناڤێ خۆ بهێت، هوین دێ وی قەبیل كەن.

مزگینیا یوحەننای 7:16

عیسای بەرسڤا وان دا و گۆت: «فێركرنا من نە ژ نك منە، لێ ژ نك ویە یێ ئەز هنارتیم.

مزگینیا یوحەننای 8:14

ئینا عیسای بەرسڤا وان دا و گۆت: «ئەگەر ئەز شاهدەییێ بۆ خۆ ژی بدەم، شاهدەییا من راستە، چنكو ئەز دزانم ئەز ژ كیرێ یێ هاتیم و دێ چمە كیرێ. لێ هوین نزانن كا ئەز ژ كیرێ هاتیمە و دێ چمە كیرێ.

مزگینیا یوحەننای 8:26

من گەلەك تشت هەنە كو د دەرهەقا هەوە دا بێژم و هەوە پێ داد بكەم. لێ ئەوێ ئەز هنارتیم یێ راستە و ئەوا من ژ وی بهیستی ئەز وێ دبێژمە جیهانێ.»

مزگینیا یوحەننای 8:38

ئەز وێ دبێژم یا من ل نك بابێ خۆ دیتی، هوین ژی وێ دكەن یا هەوە ژ بابێ خۆ بهیستی.»

كارێن هنارتیان 22:18

و من عیسا دیت و دگۆتە من: ‹لەزێ بكە و زوی ژ ئورشەلیمێ دەركەڤە، چنكو ئەو ب شاهدەییا تە سەبارەت من رازی نابن.›

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت: